Noticias

Usamos cookies con el objetivo de mejorar la experiencia de nuestro visitantes. Visita la página de Política de privacidad para conocer más detalles.

Os Estrellados fanse co primeiro premio do concurso de disfraces

Concello de Redondela
11-02-2024
0
Os Estrellados fanse co primeiro premio do concurso de disfraces

Os disfraces encheron de cor, música e humor as rúas de Redondela neste Martes de Entroido. A veciñanza ateigou o centro da vila para vivir esta festa desde primeira hora da tarde. O xurado redondelán encargado de decidir os premios deste ano non o tivo doado para escoller entre unha ampla proposta de disfraces orixinais e divertidos. Finalmente o 1º premio a categoría de grupos foi para “Os Estrellados”, ataviados de cervexas e aos que non lles faltaba nin a caixa. O 2º premio desta mesma categoría acadárono “Os Choqueiros na Lúa”. Nos premios por parellas en 1º lugar quedaron “Choquiños na Ría” en en 2º lugar “Bichos”. Na categoría individual o gañador foi o “Gato” e en 2º posición “Depredador”. A concelleiro de Cultura, Rita Pérez, e a alcaldesa,,Digna Rivas, felicitaron a todos os gañadores e ao resto de participantes “polo seu traballo e orixinalidade”. Rivas lembrou que “aínda queda moito Entroido por diante” xa que que o sábado celebrarase en Chapela o Enterro do Berete e o domingo 25 o desfile e concurso de Comparsas en Redondela.