Informacion

Usamos cookies co obxectivo de mellorar a experiencia das persoas que nos visitan. Entra na páxina de Política de privacidade para coñecer máis detalles.

 

 

 

Redondela limita ao norte co Concello de Soutomaior, ao leste con Pazos de Borbén, ao sur cos de Mos e Vigo, e ao oeste coa ría de Vigo, que conforma na súa parte máis interior a Enseada de San Simón. Neste contorno desembocan os dous ríos que atravesan o municipio: o Alvedosa e o Maceiras. O río Maceiras percorre a superficie da depresión meridiana e estende o seu leito fluvial dende o alto de Cabeiro ata unirse en Redondela co Alvedosa, que ten o seu nacemento na parroquia de Amoedo (Pazos de Borbén).

O concello conta cunha lonxitude de costa de 18.7 Km, onde destacan as praias de Cesantes, a Punta do Cabo e Arealonga, na parroquia de Chapela. A súa superficie en quilómetros cadrados é de 52, e ten trece parroquias: Cabeiro, Cedeira, Cesantes, Chapela, Negros, Quintela, Reboreda, Redondela, Saxamonde, Trasmañó, Ventosela, Vilar de Infesta e O Viso.

NOMENCLATOR OFICIAL INFORMACIÓN DA NOSA VILA OUTRA INFORMACIÓN

 

 

RUTA DO CHOCO

 

O noso lema “ao fondo da ría” xoga cun dobre sentido. Por unha banda sitúanos xeograficamente e por outra banda evoca na nosa memoria os tesouros que alí se atopan: os tesouros dos galeóns de Rande, capaces de atraer a atención do Capitán Nemo nas 20.000 linguas de viaxe submarina de Xullo Verne, e o choco, noso outro gran tesouro e que agora poderás coñecer a fondo coa “Ruta do Choco” (información e inscricións: rutadochoco@redondela.gal ou T. 634859189

ÁNIMATE A COÑECER REDONDELA

 

A Concellería de Turismo de Redondela ofrece de novo a posibilidade de coñecer a vila, desde diferentes aspectos e puntos de interese. A través de visitas guiadas, con persoal profesional, poderemos coñecer, admirar e entender diversos datos de Redondela: historia, cultura, arquitectura, natureza, industria e comercio.

Estas visitas retómansedurante todo o verán, en horarios diferentes de mañá e tarde, para poder chegar a máis público. Faranse percorridos alternativos, cunha duración aproximada de entre 60 e 90 minutos, de camiñada suave.

O punto de saída de referencia será na contorna da oficina de turismo, 15 minutos antes do comezo da partida. Estas saídas, ao ser en grupo reducido, permiten ir deténdose naqueles aspectos máis rechamantes ou que interesen máis ás persoas asistentes.

Será necesaria unha inscrición previa para cada saída, que poderá facerse nos teléfonos de contacto: 986 401 713 ou 667 401 909. Estas saídas son de balde e non requiren de ningún equipamento especial.