Maís de 400 rapaces e rapazas dos institutos redondelás e a asociación Lenda, acudiron o visionado de dúas curtas sobre a sumisión química con motivo do 25N. O evento rematou cun coloquio coa presenza do galardoado director Javier Pereira. A concellería de Igualdade, liderada por Iria Vilaboa, pon en marcha actividades dirixidas aos institutos redondelás con motivo da programación do día Internacional da Eliminación da Violencia Contra a Muller.

A proxección simultánea en streaming aos institutos de Redondela das curtametraxes 'De azul a rojo' de Ana Lorenz e 'Suelta' de Javier Pereira, destacou durante a terceira xornada de actividades que desenvolverá o Concello de Redondela con motivo do 25N.

Á proxección seguiu cunha charla coloquio na que participaron tamén a alcaldesa de Redondela, Digna Rivas, e concelleira de Igualdade, que expuxo a rapaces e rapazas a importancia de previr e detectar as situacións machistas que se dan no día a día da mocidade. “Escollimos a temática da sumisión química porque consideramos que é un tema de actualidad que desgraciadamente está aumentando no número de casos detectados”, explica Rivas. De feito, o alumnado cualificou como 'impactante' a proxección de 'suelta', unha curta con posibilidades de Goya que ten como protagonista a unha rapaza víctima da sumisión química.

A rexidora local quere destacar a presenza dos 4 institutos de Redondela e da asociación Lenda. Puideron gozar das proxeccións cinematográficas mási de 400 rapaces e rapazas, tendo que dividilos en dous pases para non sobre pasar o aforo. O director de ‘Suelta’ (titulado en traballo social) estivo presente nos coloquios dos dous pases, aportando a súa perspectiva e deixando que participara o público. Os asistentes puideron preguntar as inquedanzas sobre a sumisión química entre as que se atopan dúbidas sobre o protocolo a seguir pola afectada e a xente que se atope preto.

“O máis impactante foi ver o interese nos rapaces e rapazas, perdendo a vergoña para participar con preguntas que implican a sociedade e especialmente a ese rango de idade. Este é o futuro da nosa sociedade e queremos que estea libre de medo”, explica a alcaldesa.

Con esta iniciativa, salientou a alcaldesa, Digna Rivas, “poñemos o foco de atención sobre a etapa da adolescencia, momento importante e sensible na vida dunha persoa no que hai que comezar a educar en igualdade para ofrecer mellores oportunidades futuras”, conclúe Digna Rivas.

En toco caso, insistiu Digna Rivas, “a loita contra esta lacra social non é cousa de un só día, senón de 365 días” e nese sentido, engadiu a concelleira de Igualdade, “prestamos asistencia permanente ás mulleres que foron vítimas da violencia machista a través do CIM do mesmo xeito que se asesora a aquelas mulleres que sofren violencias físicas ou psicolóxicas e non saben que pasos dar para saír desa dolorosa encrucillada”.

Javier Pereira

Foi neno de San Ildefonso, chegando a cantar o primeiro premio do Sorteo Extraordinario de Nadal en dúas ocasións, 1993 e 1994. Comeza no mundo da televisión en series que seguro que este público non lembrará: O súper, Nada é para sempre, Ao saír de clase, O Comisario, Hospital Central, Aída, Doutor Mateo, e xa máis recentemente en Amar é para sempre, Cóntame como pasou, Alguén ten que morrer... e isto só son exemplos dalgunhas das series nas que interveu. Fixo unhas 20 películas, máis dunha ducia de curtametraxes e teatro.. Poucos foron os premios que lle outorgaron porque se merecía moitos máis. Un. Premio Goya no ano 2014 por Stockolm de Rodrigo Sorogoyen (director de As Bestas).. Recentemente traballou con Antonio Resines e agora está envolvido nunha serie para a plataforma Netflix que xa conta coa súa segunda tempada.