O Concello de Redondela, xunto coa Asociación Cultural e Social de Chapela, chegado o verán presentan  un proxeto de animación nas praias de Arealonga e Cesantes, durante os meses de xullo e agosto.

A praia ademais dun espazo de lecer para toda a familia, pode converterse nun ximnasio, unha pista de baile, ou no mellor escenario para divertirse só, en parella e/ou por suposto con nenos/as, realizando diversas actividades tanto deportivas como lúdicas que faciliten a desconexión coa tensión diaria.

O proxeto propón as seguintes actividades:

• AQUAGYM
• XIMNASIA multidisciplinar
• ZUMBA
• BAILE INFANTIL

Todas elas aptas para toda a familia sen límite de idade nin de participantes.

Os datos concretos destas actividades son:

ACTIVIDADES DE BALDE E SEN NECESIDADE DE INSCRICIÓN

Calendario/Horario:

De LUNS a VENRES dende o 16 de XULLO ata o 7 de SEPTEMBRO en horario de 18:30 a 20:00 h aproximadamente, coa seguinte proposta:

	Praia Arealonga	Praia Cesantes
Luns	AQUAGYM	ZUMBA
Martes	ZUMBA	XIMNASIA
Mércores	XIMNASIA	BAILE
Xoves	BAILE	AQUAGYM
Venres	XIMNASIA	XIMNASIA

 

Ubicación:

Praias de Arealonga (Chapela) e Cesantes

Recursos humanos:

As actividades realizaranse con monitores altamente cualificados e con ampla experiencia na/s disciplina/s que imparten, así como o equipo de apoio adecuado á demanda da actividade.

Os educadores principais disporán da formación requirida en cada momento pola lexislación vixente.