Charla sobre resolución de conflictos para familias
A Asociación Érguete leva a cabo o Proxecto de Prevención de Drogodependencias e Condutas Adictivas da Xunta de Galicia no Concello de Redondela. Neste Proxecto consta o Programa “Máis que un teito” que ten por obxectivos:
· Promover e reforzar os factores de protección familiar, ó tempo que se pretende reducir o impacto dos factores de risco relacionados neste ámbito
· Mellorar as habilidades educativas e de comunicación das familias
· Mellorar a calidade da información sobre drogas da que dispoñen as familias
· Mellorar as actitudes educativas e preventivas das familias
O Martes 22 de Maio do 2018 ás 19.00 horas levaremos a charla “Resolución Axeitada de Conflictos” ao Multiusos da Xunqueira, que estará destinada ás familias con fillos/as das etapas infantil e primaria.
Os obxectivos desta charla son:
× Reflexionar e analizar os diferentes conflictos que teñen lugar no ámbito familiar
× Coñecer estratexias de intervención ante a posible aparición de conflictos familiares
× Identificar os érros habituais á hora de resolver conflictos
× Establecer as bases para conseguir unha comunicación efectiva
× Ofrecer pautas de negociación entre país/nais e fillos/as