Redondela participa no encontro dos Consellos de Participación de Galicia, organizado por Unicef
Unha representación do Consello Municipal de Infancia e Adolescencia de Redondela, formada por Bruno Veiga e Mª Teresa Montesino, ambos de 11 anos, participou o pasado xoves no encontro dos Consellos de Participación de Galicia co Director Xeral de Familia, Infancia e Dinamización Xeográfica, Jacobo Rey, e a presidencia de UNICEF Comité Galicia, Myriam Garabito.
Os principais obxectivos desta xuntanza foron dar a coñecer o traballo que están a realizar os consellos de participación infantil e adolescente nos seus respectivos Concellos, ademáis de expoñer ante a Administración autonómica os temas prioritarios dende o punto de vista de Infancia e Xuventude.
Nas súas intervencións os representantes de Redondela falaron sobre a necesidade de que as administracións asuman responsabilidades sobre o coidado do medio ambiente.
Ademáis dos representantes do Consello de Infancia e Adolescencia de Redondela, participaron no encontro xóvenes dos Consellos de participación dos concellos de Cabanas,Teo, Moeche, Tomiño, O Porriño, Moaña e Castrelo de Miño.