Novas

Usamos cookies co obxectivo de mellorar a experiencia das persoas que nos visitan. Entra na páxina de Política de privacidade para coñecer máis detalles.

O Concello de Redondela vén de formalizar o contrato de obra para facer realidade o estacionamento disuasorio de Vilavella

Concello de Redondela
31-10-2022
0
O Concello de Redondela vén de formalizar o contrato de obra para facer realidade o estacionamento disuasorio de Vilavella

O estacionamento disuasorio é un paso imprescindible para a realización do ambiciosos proxecto que transformará completamente a Praza de Ponteareas, unha das principais vías de entrada ao casco urbano. A obra, xa licitada, continua co plan previsto. O Concello de Redondela vén de formalizar, o contrato de obra para facer realidade o aparcamento disuasorio de Vilavella. O proxecto, xa licitado, forma parte do ambicioso plan que transformará completamente a Praza de Ponteareas, unha das principais vías de entrada ao casco urbano.

A compra da parcela situada a carón do convento de Vilavella, ata agora propiedade da firma Building Center estableceuse en 449.350 euros dos que 416.226 euros serán achegados pola Deputación de Pontevedra a través do Plan Concellos 2019. Trátase dun solar de preto de 4.000 metros cadrados no que se creará “unha nova zona de esparexemento para a veciñanza e un aparcadoiro disuasorio”, explica a alcaldesa Digna Rivas.

O estacionamento proxectado “permitirá dispoñer dun espazo próximo ao centro urbano e continuar coa transformación iniciada polo Goberno local no marco da mobilidade sostible e da recuperación de espazos públicos para a cidadanía”.

“As declaraciones feitas pola Agrupación de Electores de Redondela son falsas, xa que non recolle os antedecentes existentes que amparan a compra municipal”. Aclara a alcaldesa, quen engade que “o camiño está no inventario do concello, polo tanto o proxecto non se ve afectado polo contrato da rampa de acceso e as obras, xa licitadas, estarán a cargo da empresa de construcción A. VALIÑO NARÓN SL”.

A maiores, a estratéxica situación do aparcadoiro disuasorio –xusto na entrada do centro urbano– permitirá a desmasificación de estacionamentos de vehículos que, diariamente, se produce nas beiravías da estrada. Este aparcadoiro complementará aos dous aparcadoiros libres existentes no casco urbano reforzados polo aparcadoiro soterrado da Xunqueira.

Coa compra desta parcela, o Goberno redondelán cumpre un dobre obxectivo: por unha banda gáñase un novo espazo para a cidadanía e por outra, derrúbase unha nave situada a carón dun ben patrimonial como é o convento de Vilavella. A maiores, a actuación ten un beneficio medioambiental engadido xa que o solar linda co río e conecta co paseo do Salgueiral.

 


PROXECTO

Lembra o Concello que o convento de Vilavella é unha das tarxetas de presentación de Redondela “tanto pola situación estratéxica no punto en que conflúen as estradas que veñen dende Vigo e O Porriño, coma polo feito de estar inventariado como Patrimonio Cultural de Galicia. Non se pode esquecer que se trata dun edificio conventual da orde das Justinianas, fundado pola familia Prego de Montaos a comezos do século XVI e que aínda conserva, desa época, a igrexa composta por un ábside e unha soa nave.

“Redondela é o cuarto municipio da provincia pero, amais de selo, ten tamén que parecelo”, explica a alcaldesa Digna Rivas. “A Praza de Ponteareas, como entrada natural ao casco urbano dende Vigo e O Porriño e entrada tamén do Camiño Portugués e Camiño Portugués pola Costa, e tamén a nosa tarxeta de presentación, polo que compre un proxecto acorde á importancia do noso municipio”.

“Este grupo de Goberno apostou, e segue apostar, pola mobilidade sostible e por unha vila na que as persoas sexan as progatonistas”, engade a rexedora local que, lembra, “que está plenamente demostrado que os espazos humanizados nas vilas e cidades, son elementos dinamizadores da economía local”.