O artista local, Ángel Barros, retorna este venres á sala de exposicións do Multiúsos da Xunqueira. Desta volta cunha exposición titulada "A memoria facémola nós inmortal". Nela vólvenos poñer diante dunha mirada crítica do presente como son a guerra e as súas consecuencias, ademais da protección da memoria histórica e do patrimonio cultural de REdondela. A partir  de obras coma Velázquez, Rubens ou Goya, o artista convida ao público a comprender a arte máis alá da simple vista: quere que participe co compromiso e tome conciencia sobre aspectos que considera cruciais, como son a memoria histórica, a riqueza de Redondela ou a paz.

Esta exposición inaugurarase este venres ás 19h no Multiúsos da Xunqueira. Estará aberta durante os meses de outubro e de novembro.

Dende o Concello de Redondela expresamos o noso profundo agradecemento a Ángel Barros tanto pola obra como pola implicación social que mantén. A alcaldesa Digna Rivas destacou que "Barros é un artista de primeira categoría só superable pola súa humanidade e persoa. Un home xeneroso e comprometido con causas xustas. Para Redondela é un orgullo de veciño. Convidamos a todo o pobo de Redondela a visitar esta exposición. Ademais queremos que os centros educativos participen co alumnado e que o propio Ángel poida facer visitas guiadas.