Por primeira vez na Historia do noso municipio, as reunións do Pleno, da Xunta de Goberno ou das Comisións Informativas poderán realizarse vía online.

O Concello de Redondela é un dos primeiros Concellos da provincia de Pontevedra en solicitar a adhesión ao servizo de reunións virtuais para a celebración das reunións dos órganos colexiados e a celebración de plenos, posto a disposición pola Deputación de Pontevedra.

A consecuencia da declaración do estado de alarma, suspendeuse a celebración das sesión dos órganos colexiados, como as Xuntas de Goberno Local ou os Plenos, a tenor das medidas de confinamento para evitar o contaxio e propagación do Covid-19.

A declaración do estado de alarma non impediu que o equipo de goberno seguise traballando, pero aplicar as medidas de confinamento implicou que se aprazasen as reunións dos órganos colexiados, como o pleno que se tiña de celebrar a finais de marzo.

Ante a necesidade de levar a cabo as reunións dos órganos colexiados, dende o Departamento de Novas Tecnoloxías se procedeu á solicitar á adhesión do Concello de Redondela ao servizo “Gestiona comunica” que ofrece a plataforma de xestión de expedientes que se utiliza pola Administración Local, sendo uns dos primeiros concellos da provincia en ter activo o servizo e poder celebrar as reunións dos órganos colexiados con plena validez.

Con todo, antes de levarse a cabo a celebración dos órganos colexiados procederase a realizar a formación necesaria tanto para o persoal da Administración Local, como para todos os Concelleiros.