O Concello pecha temporalmente o paseo dor Río Maceiras. Concellaría de medio ambiente do Concello de Redondela ven de pechar temporalmente o acceso ó Paseo do Maceiras, por mor da crecida do río. O goberno local anuncia que o paseo será arranxado e aberto ao público cando as condicións meteorolóxicas o permitan. A Concellaría de medio ambiente do Concello de Redondela ven de pechar temporalmente o acceso ó Paseo do Maceiras, por mor da crecida do río. O goberno local anuncia que “o paseo será arranxado e aberto ao público cando as condicións meteorolóxicas o permitan. Somos conscientes dos danos causados polas fortes choivas e estamos traballando para solucionalo”. Debido á pluviosidade acaecida nestes días en Redondela, e debido ás crecidas naturais estacionais do río Maceiras, a Concellaría de Medio ambiente resolveu pechar o paseo. Trátase dunha medida temporal destinada a evitar posibles accidentes ou problemas entre as persoas viandantes da senda peonil. En canto disminúa o caudal do Río Maceiras dun xeito mínimamente estable e permita realizar o paseo con absoluta seguridade, a Concellaría abrirá de novo o acceso. Entre os outros sucesos, recolléronse incidencias no sistema de augas que viuse superado, saltando varias tapas da rede de sumidoiros. A zona do IES Mendiño precisou saneamento, polo que o equipo do concello desprazouse á zona para  limpar as reixas fluviais.  “Tódolos eventos e espazos afectados xa están controlados.  Incluida a barreira de contención do Río Alvedosa, tamén perxudicada polas fortes choivas, que foi arranxada na mañá de hoxe”, explicaba a alcaldesa, Digna Rivas.