As Bibliotecas Municipais de Redondela foron distinguidas, no galardón á Biblioteca Municipal Xela Arias de Chapela (Redondela), co IV Premio á Innovación Bibliotecaria de Galicia
A Xunta de Galicia vén de recoñecer o proxecto “Unha biblioteca para Xela” co IV Premio á Innovación Bibliotecaria de Galicia, que ten como obxectivo impulsar e pór de relevo os proxectos e boas prácticas innovadoras levadas a cabo polas bibliotecas e axencias de lectura públicas municipais.
O galardón foi entregado este luns polo secretario xeral de Cultura, Anxo M. Lorenzo, na clausura da III Xornada de Bibliotecas Públicas de Galicia, celebrada na Biblioteca de Galicia baixo o título A biblioteca social.
Aquí podedes acceder á entrega do Premio para partir do punto 4:12:28
Máis información:
https://bibliotecas.redondela.gal/redondela-premio-a-innovacion-bibliotecaria-de-galicia/
Na imaxe: Cristina Ruibal subdirectora xeral de Bibliotecas e a concelleira de Cultura , Iria Vilaboa, a directora das Bibliotecas Municipais de Redondela , María Elena Becerra e a responsable da Biblioteca Xela Arias de Chapela María José Villar no momento da entrega do Premio.