Presentación do libro "Principio de incerteza"
Este venres 1 de xuño, da man da Asociación de Amigos das Bibliotecas Municipais de Redondela e coa colaboración das mesmas, gozaremos, en primicia, da presentación da obra gañadora do XIX Certame de Narración Curta Ánxel Fole, "Principio de incerteza".
A súa autora, a viguesa Pilar Ortega Pereiro, presentaranos esta narración que mestura de forma moi orixinal a física e a literatura para relatar unha historia de maltrato.
Podemos considerar á autora moi próxima á nosa vila pois un dos seus relatos foi premiado no II Certame Literario de Relatos Curtos Os Viadutos.
Este venres, 1 de xuño, na Casa da Cultura de Redondela, ás 20:30 h. Entrada libre e de balde
Toda a información:
http://bibliotecasredondela.blogspot.com.es/2018/05/principio-de-incertezapresentacion.html