Novas

Usamos cookies co obxectivo de mellorar a experiencia das persoas que nos visitan. Entra na páxina de Política de privacidade para coñecer máis detalles.

Redondela limita a 30 Km/h a velocidade en todo o casco urbano

Concello de Redondela
17-03-2021
0
Redondela limita a 30 Km/h a velocidade en todo o casco urbano

Nas rúas interiores con numeroso tránsito de peóns e peregrinos e seguindo as recomendacións da DXT, a velocidade será de 20 Km/h

O Concello de Redondela vén de anunciar a rebaixa da velocidade de circulación, en todo o casco urbano aos 30 Km/h para reducir a siniestralidade e os posible medida adoptada pola concellería que xestiona Marta Alonso Domínguez, busca reducir a siniestralidade e os posibles atropelos e, ao mesmo tempo, adaptarse ás novas medidas de tráfico establecidas pola Dirección Xeral de Tráfico (DXT) que entrarán en vigor no vindeiro mes de maio.
A aplicación desta medida, “adoptada unha vez valorada a súa necesidade e co correspondente informe policial”, limitará a 30 Km/h a velocidade de circulación nas rúas Ernestina Otero, Paseo Xunqueira, Pai Crespo, José Regojo, II República, Alfonso XII, Ribeira e Xeneral Rubín.

Outra das modificacións que entrarán en vigor, seguindo tamén as directrices emanadas da DXT, é a de reducir a velocidade a 20 Km/h nas rúas interiores do casco urbano de plataforma única, lugares que rexistran un elevado tránsito de de peóns e peregrinos

A alcaldesa Digna Rivas sinalou que a medida adoptada “resolverá tamén os problemas da elevada velocidade de circulación na rúa Eidos e ocasionaba frecuentes queixas por parte da veciñanza” e lembrou que dita rúa “encádrase tamén nas que verán rebaixada a velocidade dos 50 Km/h aos 30 Km/h”.