Tras as chuvias torrenciais acontecidas o pasado 18 de Decembro, a Concellaría de Medio ambiente do Concello de Redondela, viuse obrigada a retirar a barreira situada sobre o río Alvedosa.

O pasado Mércores 18 de decembro, co paso da borrasca Elsa, Redondela sufriu uns índices de pluviosidade altísimos, ademais de rachas de vento de 150 Km/hora. Todo isto fixo que o río Alvedosa, estación final das recollidas de pluviais das parroquias aumentara o seu caudal e, ademais, a súa velocidade. Coma consecuencia desta situación, os soportes da barreira colocada sobre o río deu en romper por un lateral. 

Esta mesma mañá a Concellaría de medio ambiente retirou a barreira e mais os soportes. A idea é arranxala e rediseñala cun novo dispositivo que permita o levantamento da barreira nos momentos en que o caudal do río creza dun xeito acelerado.

No momento en que a barreira estea arranxada, volverá a ser colocada sobre o río Alvedosa para continuar coa súa función: evitar que os plásticos cheguen á desembocadura do río e contaminen o mar.