Con motivo da celebración do Día Mundial do Libro e do Dereito de Autor (23 de abril), as Bibliotecas Municipais de Redondela distinguen un ano máis aos/ás lectores/as máis activos/ as no servizo de préstamo, atendendo aos datos que rexistraron as súas estatísticas. Este recoñecemento fai merecedores a estes/as lectores/as dun premio para a adquisición de libros nunha librería do municipio, á vez que son nomeados/as "Socios/as de Honra das Bibliotecas Municipais de Redondela" ata a celebración do próximo ano, tendo a oportunidade de levar un maior número de documentos en préstamo.

Os galardoados/as son os/as seguintes:

-Na categoría de menores de 14 anos

Ciro, de 5 anos, na Biblioteca P. M. Xela Arias (Chapela-Redondela)B

Brais Barciela González, de 12 anos, na Biblioteca P. M. Valle-Inclán de Redondela

-Na categoría de maiores de 14 anos

Angelina Castrelos Álvarez, na Biblioteca P. M. Xela Arias (Chapela-Redondela)

Mª Teresa Díaz Amoedo, na Biblioteca P. M. Valle-Inclán de Redondela

Esta iniciativa ten por obxectivo fomentar a lectura e premiar a fidelidade dos usuarios que máis libros retiraron en préstamo ao longo do ano anterior. O número de préstamos domiciliarios a usuarios/as realizados durante o ano 2022 polas Bibliotecas Públicas Municipais de Redondela foi de 18135