O 12 de agosto de 2020 publicouse no BOP o Extracto das Subvencións de Participación Cidadá para gastos correntes dos Centros Culturais Parroquiais do Concello de Redondela.

Redondela, 12 de agosto de 2020.

O día 12 de agosto de 2020 foi publicado o extracto das Subvencións de Participación Cidadá para gastos correntes dos Centros Culturais Parroquiais do Concello de Redondela correspondentes ao ano 2020, sendo o prazo de solicitude dun mes a contar dende o día seguinte da súa publicación, é dicir, dende o 13 de agosto de 2020 ata o 13 de setembro de 2020 (ambos incluídos).

O obxectivo da Subvención é contribuír ao mantemento dos gastos correntes correspondentes ao 2020 dos Centros Culturais Parroquiais como o seguro de dano e responsabilidade civil do edificio, pago da renda de aluguer, gastos de diversas subministros e/ou enerxías necesarias para o funcionamento do centro. Tamén se subvencionan os gastos derivados do Covid-19 en atención ás medidas de limpeza e desinfección do mobiliario e local.

As bases das subvencións foron publicadas no BOP de Pontevedra o 5 de agosto de 2020, e como novidade establécense diversos criterios na súa concesión cos que se pretende que os Centros Culturais das Parroquias de Redondela sexan un lugar de participación tanto para a veciñanza como para as asociacións e/ou entidades da parroquia e que os seus órganos de goberno sexan paritarios.

Sendo conscientes da situación excepcional motivada polo Covid-19 que afectou gravemente os Centros Culturais Parroquias que se viron obrigados a pechar, dende a Concellería de Participación Cidadá se aposta polo seu mantemento e/ou apertura sendo moi necesario o apoio do goberno local para que estes poidan facer fronte aos seus gastos correntes para a súa apertura e funcionamento diario.

Todas as persoas e entidades que estean interesadas en solicitar a axuda poden consultar a páxina web do Concello de Redondela (www.redondela.gal) onde están publicadas as bases e convocatorias, ou poden dirixirse á Concellería Participación Cidadá (participacioncidada@redondela.gal).

 

Contacto:

Concelleira de Participación Cidadá, Transparencia e Novas Tecnoloxías

Susana Couñago

Teléfono: 604 074 741

 

Ir a anexos para solicitar subvención