Abril é o mes en que festexamos o Día do Libro (23 de abril), e mais tamén o Día do Libro Infantil e Xuvenil (2 de abril).
Para conmemorar as efemérides máis queridas para as nosas bibliotecas, temos preparado un pequeno programa de actividades.

Ademáis teremos visitas grupais ás bibliotecas, os clubs de lectura, o club infantil… e moito moito máis!

- Rapazada a partir de 3 anos
- Entrada libre ata completar capacidade

- Rapazada a partir de 3 anos
- Entrada libre ata completar capacidade

Abril, como todas as épocas do ano, é un mes para achegarse á lectura. Podedes facelo acudindo ás vosas bibliotecas e seleccionando aqueles libros que máis vos gusten.
Estanvos agardando!

La entrada Abril dos Libros, nas Bibliotecas Municipais de Redondela se publicó primero en Concello de Redondela.

O 30 de xaneiro é unha data significativa para as bibliotecas de Galicia. Nese día celébrase o aniversario do nacemento de Daniel Alfonso Rodríguez Castelao e, por tal motivo, veu en ser recoñecido como o DÍA DA ILUSTRACIÓN dentro do Calendario do Libro e da Lectura de Galicia.

Unha data singular creada no ano 2014 para facer homenaxe a debuxantes, ilustradores, coloristas, e a todos os profesionais da ilustración, co obxectivo de destacar a súa labor e reivindicar o seu importante papel na industria cultural, como indica a Asociación Galega de Profesionais da Ilustración (AGPI).

Este ano homenaxea á figura de SIRO.

🎨 Dende as nosas bibliotecas tamén queremos poñer o noso gran de area para festexar este día, e para iso realizaremos unha actividade moi chula para nenos e nenas

• Xoves 29 de xaneiro, ás 18:00 h: obradoiro de ilustración para nenos e nenas, coa ilustradora Noa López.

– Para nenos e nenas de 6 a 12 anos.
– Precisa inscrición. Podedes facelo telefónicamente: 986-454-226 ou por correo electrónico: bibliotecachapela@redondela.gal.

Animádevos a pasar unha tarde sensacional na biblioteca.

La entrada DÍA DA ILUSTRACIÓN: Obradoiro infantil de ilustración na Biblioteca Xela Arias se publicó primero en Concello de Redondela.

La entrada A Biblioteca Xela Arias festexa as Letras Galegas coa música de Anaquiños se publicó primero en Concello de Redondela.

O venres 16 de maio, ás 17:00 h. , véspera das Letras Galegas, a Biblioteca Xela Arias fará o seu pequeno homenaxe á poesía popular e ás mulleres que a transmitiron a través da música e os cantos.

Faremos a nosa homenaxe ás pandereteiras e ás cantareiras da man do grupo folclórico Anaquiños.

La entrada Celebramos as Letras Galegas na Biblioteca Xela Arias se publicó primero en Concello de Redondela.

Este 23 de abril foi un día de gran celebración nas Bibliotecas Municipais de Redondela.

Pola mañá participamos en Lectura na Rúa, un festival da lectura que se celebrou na Alameda de Redondela, e onde escolares dos centros de ensino e persoas dos centros de maiores celebran xuntos e comparten o gozo de ler.

Pola tarde, a Biblioteca Xela Arias tivo o seu particular momento de celebración co obradoiro creativo “Contos en construción”. Unha proposta que parte do conto dos Tres Porquiños e coa que nenos e nenas participantes proxectaron orixinalísimas construcións para resolverlle a vida a estes personaxes xa emancipados.

Unha actividade que pudo celebrarse grazas ao programa Ler Conta Moito da Rede de Bibliotecas de Galicia.

La entrada Un Día do Libro redondo nas bibliotecas municipais se publicó primero en Concello de Redondela.

As Bibliotecas Municipais de Redondela entregan durante este mes de abril os premios aos mellores lectores do ano 2024.

No Día do Libro Infantil e Xuvenil, 2 de abril, entregaron os premios ao Mellor lector infantil, do que resultaron gañadores:

• Noa, premiada na Biblioteca Valle-Inclán de Redondela.
• Samuel Leonardo, premiado na Biblioteca Xela Arias de Chapela.

Neste 23 de abril, Día do Libro, entregamos os premios ao Mellor lector adulto. Os premiados foron: 

• Isolina Rodríguez, premiada na Bibilioteca Valle-Inclán de Redondela.
• Azucena Domínguez, premiada na Biblioteca Xela Arias de Chapela.
  

Os premios corresponden ás persoas que máis uso fixeron do servizo de préstamos de cada unha das bibliotecas durante o ano 2024, nas categorías respectivas de lector adulto e infantil.

O premio consiste nun vale de gasto para mercar libros en librerías do noso municipio. Ademáis, os premiados gozarán da categoría de «Socios de honra» durante un ano na Rede de bibliotecas de Galicia, o que se traduce en condicións máis vantaxosas no servizo de préstamos de todas as bibliotecas da rede.

Felicitamos ás persoas premiadas, e animamos á cidadanía a gozar do servizo de préstamo das nosas bibliotecas.

La entrada No día do libro as bibliotecas premian aos Mellores Lectores do 2024 se publicó primero en Concello de Redondela.

Como xa sabemos, o 23 de abril celébrase o Día do Libro.

Para festexar esta data a Biblioteca Xela Arias de Chapela ofrece un obradoiro creativo para nenos e nenas, da man de Costa Oeste, escola de deseño e arquitectura.

Un obradoiro para espertar a creatividade a carón dos nosos contos favoritos. Contos en construción é un taller baseado nos contos clásicos e contemporáneos. Nel as persoas participantes, mediante unha didáctica experimental onde se fomentará a creatividade individual e o traballo cooperativo, reflexionarán sobre os estereotipos que aparecen no conto e interpretarán un fragmento do relato escollido materializándoo coa construción dunha maqueta 3D.

A actividade está dirixida para nenos e nenas de entre 6 e 12 anos, que terán que inscribirse na biblioteca para participar.

Terá lugar o mércores 23 de abril, entre as 18 e as 19:30 h. e realízase grazas ao programa Ler Conta Moito, da Rede de Bibliotecas de Galicia.

A Biblioteca Xela Arias festexa este 2025 o seu 20 aniversario, que ten lugar neste abril, mes do libro.

La entrada A Biblioteca Xela Arias festexa o Día do Libro cun obradoiro creativo se publicó primero en Concello de Redondela.

A Biblioteca Xela Arias fixo onte unha bonita celebración do Día do Libro Infantil.
Cunha nova sesión de Contos da veciñanza, Lía e mais Beatriz, as nosas veciñas máis “conteiras”, achegaron a historias fermosas ao público máis cativo que veu pasar a tarde connosco.

Unha participación veciñal que nos enche de alegría nas vésperas do 20 aniversario da biblioteca.

Contamos contos relacionados coa primavera e fixemos un rato de biblioteca para levar para a casa.

Pronto saberedes de novas actividades da biblioteca, para festexar este Mes do Libro.

La entrada Festexamos o libro infantil na Biblioteca Xela Arias se publicó primero en Concello de Redondela.

O 2 de abril celébrase o Día Internacional do Libro Infantil e Xuvenil, data escollida polo IBBY por coincidir co aniversario do nacemento do escritor danés Hans Christian Andersen.

Para festexalo as bibliotecas municipais de Redondela entregamos cadanseu Premio ao Mellor Lector Infantil do ano anterior.

• Pola Biblioteca Valle-Inclán de Redondela a lectora premiada foi Noa.
• Pola Biblioteca Xela Arias de Chapela o lector premiado foi Samuel Leonardo.

Ambos nenos foron os que máis uso fixeron do servizo de préstamos de cada unha das bibliotecas durante o ano 2024.

O premio consiste nun vale de gasto para mercar libros en librerías do noso municipio. Ademáis, os premiados gozarán da categoría de “Socios de honra” durante un ano na Rede de bibliotecas de Galicia, o que se traduce en condicións máis vantaxosas no servizo de préstamos da rede.

Ambos premiados estaban moi contentos e ilusionados. Dende aquí só queremos darlles os parabéns por ser tan bos lectores.

E para seguir coa celebración de tan importante efeméride, lembrade que o venres temos un contacontos na Biblioteca Xela Arias, para o que aínda vos podedes anotar.

La entrada Día do Libro Infantil – Premio aos mellores lectores infantís do 2024 se publicó primero en Concello de Redondela.

Como xa ben sabedes, e non nos cansaremos de dicilo, na Biblioteca Xela Arias de Chapela temos persoas usuarias que nos fan a vida marabillosa.

Despois de poñer en marcha, no mes de febreiro, os “Contos da veciñanza” pudemos apreciar que esta actividade nos gusta a todos e a todas:

– Xuntámonos as familias da contorna
– Pasamos algo de nervios
– Un momento para compartir a creatividade… e a literatura
– Rímonos moito
– Todos xuntos participamos e aprendemos

Despois dunha exitosa sesión en febreiro, ven agora unha segunda parte mellorada, e coa que nos propoñemos festexar o Día do Libro Infantil e Xuvenil.

As contadoras Lía e mais Beatriz , que quedaron moi satisfeitas, volven ao escenario para ofrecernos contos e historias.
Remataremos facendo unha pequena actividade todos xuntos.

Será o venres 4 de abril, ás 18:30 h.

A proposta é para nenos e nenas a partir de 3 anos.
Dado que as prazas son moi limitadas, deberedes anotarvos previamente na biblioteca.

986-454-226

bibliotecachapela@redondela.gal

Este ano a Biblioteca Xela Arias celebra o seu 20 aniversario, e quere facelo fortalecendo o seu vencello coas persoas usuarias.

Grazas á veciñanza por compartir con nós o seu tempo, habelencias e talento na biblioteca.

La entrada Festexamos o Día do Libro Infantil na Biblioteca Xela Arias coa 2ª edición de “Contos da veciñanza” se publicó primero en Concello de Redondela.

Hoxe, 17 de marzo celébrase en España o Día do Cómic. Unha efeméride reivindicada pola Sectorial do cómic e impulsada polo Ministerio de Cultura, para potenciar, visibilizar e fomentar o coñecemento e consumo do 9º Arte, e recollida tamén no Calendario do Libro e a Lectura de Galicia.

Para sinalizar este día escolleuse a data de aniversario do nacemento da mítica revista de historietas TBO.

As Bibliotecas de Redondela celebramos a data incorporando varias novidades ás nosas comictecas.

Asimesmo convidámosvos a deixar a vosa ilustración comiqueira na biblioteca… Cal é o voso personaxe favorito?

La entrada 17 de marzo: Día do Cómic se publicó primero en Concello de Redondela.

O sorteo realizouse entre aqueles participantes do Reto que foron quen de completar as 12 lecturas dese calendario. O premio, como non podía ser doutro xeito, foi un grande e variado lote de libros. Ademáis, todas as persoas que remataron o reto recibirán un agasallo.

Desde as bibliotecas queremos agradecer a Julia , traballadora social da asociación ASEARPO, por aceptar ser a “man inocente” do sorteo.

Co sorteo e mais a entrega do premio, as Bibliotecas Municipais de Redondela únense á conmemoración do Día do Usuario/a das Bibliotecas, data destacada no Calendario do Libro e a Lectura de Galicia como o 11 de xaneiro. As bibliotecas renden así homenaxe aos usuarios e usuarias, por seren eles unha parte fundamental e imprescindible do seu servizo.

#retolector2024bibliotecasredondela

La entrada Entrega do Premio do “Reto Lector 2024” se publicó primero en Concello de Redondela.