– Uns 300 nenos e nenas recibiron o curso con nocións básicas de Primeiros Auxilios. Coñecer o número de teléfono 112, as técnicas a utilizar ante un caso de afogamento ou facer unha reanimación cardiopulmonar son algunhas das cuestións que están a aprender.

– A alcaldesa, Digna Rivas salientou a importancia da dar esta formación aos máis pequenos “porque en calquera momento con saber algo tan básico como o número de emerxencias poden salvar unha vida”.

Os nenos e nenas que participan nos campamentos de Conciliación de Verán do Concello de Redondela están a recibir sesións de primeiros auxilios. Trátase dun curso con nocións básicas para que poidan actuar en caso de emerxencia. Coñecer o número de teléfono 112, técnicas a utilizar ante un caso de afogamento ou facer unha reanimación cardiopulmonar son algunhas das cuestións que están a aprender. Uns 300 nenos e nenas dos diferentes campamentos municipais xa recibiron esta formación da man da concelleira de Infancia, Pilar Martínez, médico de profesión, e do grupo de Voluntariado do Concello de Redondela. Desde unha idade temperá a rapazada pode aprender primeiros auxilios básicos “e os primeiros minutos son cruciais en caso de emerxencia”, sinala Martínez. A alcaldesa, Digna Rivas, visitou esta mañá o curso que se impartiu no campamento do CEIP Alexandre Bóveda, xunto coa concelleira de Igualdade e Servizos Sociais, Iria Vilaboa. A rexedora salientou a importancia da dar esta formación aos máis pequenos “porque en calquera momento con saber unha cuestión tan básica como o número de emerxencias 112 poden salvar unha vida”.

Entre os meses de xullo e agosto son preto de 500 nenos e nenas os que participan no Programa Municipal de Conciliación para o Verán en diferentes quendas. Rivas amosouse moi satisfeita coa excelente acollida que ten cada ano esta actividade “que favorece a conciliación familiar e laboral da veciñanza, ao tempo que permite a nenos e nenas participar en actividades lúdicas e tamén formativas, como estes cursos de primeiros auxilios”.

Os campamentos, para a rapazada de 3 a 12 anos de idade, realízanse no CEIP Porto Cabeiro, CEIP de Cedeira, CEIP Outeiro das Penas, CEIP Alexandre Bóveda, CEIP Quintela, SLC de Reboreda e no Conservatorio Municipal de Redondela. Deste xeito o Concello “aposta por achegar os servizos a toda a veciñanza, tanto na vila como nas parroquias, para facilitar o acceso aos campamentos e reducir os desprazamentos das familias”, explica a concelleira Iria Vilaboa.

La entrada A rapazada dos campamentos de Conciliación aprende Primeiros Auxilios se publicó primero en Concello de Redondela.

– Os campamentos está dirixidos á rapazada con idades de 3 a 12 anos, con actividades nos meses de xullo e agosto. Rivas amosouse moi satisfeita coa excelente acollida que cada ano ten esta actividade “que favorece a conciliación familiar e laboral da veciñanza, ao tempo que permite a nenos e nenas participar en actividades lúdicas e didácticas”.

– Os campamentos realízanse en sete emprazamentos diferentes: Cabeiro, Cedeira, Cesantes, Chapela, Quintela, Reboreda e Redondela. O Concello “aposta por achegar os servizos a toda a veciñanza para facilitar o acceso e reducir os desprazamentos das familias”, explica a concelleira Iria Vilaboa.

Onte comenzou o Programa Municipal de Conciliación para o Verán. Preto de 500 nenos e nenas participarán ao longo dos meses de xullo e agosto nas diferentes quendas que se celebran nas distintas parroquias. A alcaldesa, Digna Rivas, e a concelleira de Servizos Sociais, Iria Vilaboa, visitaron esta mañá o grupo que participa no campamento que se realiza no Conservatorio Municipal. Rivas amosouse moi satisfeita coa excelente acollida que ten cada ano esta actividade “que favorece a conciliación familiar e laboral da veciñanza, ao tempo que permite a nenos e nenas participar en actividades lúdicas e didácticas”.

Os campamentos, dirixidos á rapazada de 3 a 12 anos de idade, realízanse no CEIP Porto Cabeiro, CEIP de Cedeira, CEIP Outeiro das Penas, CEIP Alexandre Bóveda, CEIP Quintela, SLC de Reboreda e no Conservatorio Municipal de Redondela. Deste xeito o Concello “aposta por achegar os servizos a toda a veciñanza, tanto na vila como nas parroquias, para facilitar o acceso aos campamentos e reducir os desprazamentos das familias”, explica a concelleira Iria Vilaboa.

La entrada Preto de 500 nenos e nenas participan nos campamentos de Conciliación de Verán se publicó primero en Concello de Redondela.

Os campamentos está dirixidos á rapazada con idades de 3 a 12 anos, con actividades nos meses de xullo e agosto, en horario de 09:00 a 14:00 horas, e son totalmente gratuítos. “O noso obxectivo é ofrecer ás familias unha alternativa de lecer, lúdica e didáctica para facilitar a conciliación laboral durante as vacacións escolares”, sinala a concelleira Iria Vilaboa.

Haberá campamentos en sete emprazamentos diferentes: Cabeiro, Cedeira, Cesantes, Chapela, Quintela, Reboreda e Redondela. O prazo de inscrición estará aberto do 7 ao 21 de maio. “Desde o Concello apostamos firmemente por achegar os servizos a toda a veciñanza, tanto na vila como nas parroquias”, explica a alcaldesa Digna Rivas.

Redondela, 3 de maio de 2024. A Concellería de Igualdade do Concello de Redondela organiza un ano máis o Programa municipal de conciliación para o verán. Deste xeito o departamento que dirixe Iria Vilaboa ofrece un servizo ás familias “que favorece a conciliación de responsabilidades familiares e laborais, ao tempo que permite a nenos e nenas participar en actividades lúdicas”.

O servizo, que é totalmente gratuíto para as familias, prestarase durante os meses de xullo e de agosto, en horario de 09:00 a 14:00 horas, de luns a venres. Está dirixido aos menores con idades comprendidas de 3 a 12 anos. O número de prazas ofertadas para esta convocatoria son 300 no mes de xullo e 180 no mes de agosto. As prazas estarán distribuídas en sete emprazamentos diferentes: CEIP Porto Cabeiro, CEIP de Cedeira, CEIP Outeiro das Penas, CEIP Alexandre Bóveda, CEIP Quintela, Pavillón de Reboreda e Conservatorio Municipal “Víctor Ureña” de Redondela. Deste xeito o Concello “aposta por achegar os servizos a toda a veciñanza, tanto na vila como nas parroquias, para facilitar o acceso aos campamentos e reducir os desprazamentos das familias”, explica a alcaldesa Digna Rivas.

A prestación do programa distribuirase en quincenas, con dúas quendas en xullo e dúas en agosto. Toda a documentación necesaria publicarase na páxina web do Concello, e tamén poderá solicitarse na casa do Concello ou nas oficinas do Centro de información á muller (CIM). As solicitudes deberán presentarse no Rexistro xeral do Concello de Redondela do 7 ao 21 de maio de 2024.

La entrada Redondela oferta preto de 500 prazas nos campamentos de conciliación de verán se publicó primero en Concello de Redondela.