– A Festa do Choco, que se celebra en Redondela do 8 ao 10 de maio, protagoniza o cupón do ONCE do vindeiro mércores, día 6. Os cinco millóns de cupóns que se reparten por todo o territorio español animarán a gozar desta tradicional festa gastronómica.

– A alcaldesa, Digna Rivas, agradeceu á ONCE que escolleran a XXXIX Festa do Choco como protagonista do cupón “que dará visibilidade á nosa festa en todo o territorio estatal”. Rivas lembrou que esta festa, declarada de Interese Turístico de Galicia, é o mellor escenario para degustar este exquisito cefalópodo en todas as súas variedades.

Manuel Martínez Pan, delegado do ONCE en Galicia, Digna Rivas, alcaldesa, Roberto Gaspar Conde, director do ONCE en Vigo, Verónica Millán Cruciel, promotora comercial do ONCE na Zona Sur de Galicia, Rita Pérez, concelleira de Turismo, Alberto Álvarez, concelleiro de Medio Ambiente, Pedro Villaverde, concelleiro de Feiras, presentaron este cupón xunto á Patroa Maior da Confraría de Redondela, Nisi Otero e Fran Pereira, vicepatrón.

Martínez Pan puxo en valor o valor “tradicional, cultural e mesmo emocional” da Festa do Choco de Redondela, coñecida en toda Galicia “e que desde a ONCE levaremos a todo o territorio estatal nos cinco millóns de cupóns que repartirán os nosos vendedores e vendedoras”. A alcaldesa agradeceu á ONCE que escolleran esta festa redondelá como protagonista do cupón do próximo 6 de maio. Rivas lembrou que esta festa, declarada de Interese Turístico de Galicia, é o mellor escenario para degustar este exquisito cefalópodo. Non é a primeira vez que Redondela é protagonista do cupón. Xa o foi en xuño de 2022 na Festa da Coca, co famoso dragón redondelán no deseño do boleto. Nesta ocasión o protagonista do cupón rende homenaxe á Festa do Choco “o produto estrela da Enseade de San Simón, o verdadeiro tesouro que temos na ría”.

Os cupóns do ONCE comercialízanse polos máis de 21.000 vendedores e vendedoras da Organización “que levarán a Festa do Choco de Redondela por todo o Estado”. O Cupón Diario do ONCE pon en xogo un premio de 500.000 euros ao número máis a serie e 49 premios de 35.000 euros ás cinco cifras do número premiado. Ademais, 450 premios de 250 euros ´ás catro primeiras cifras e outros 450 premios ao catro últimas; 9.000 premios de 25 euros no caso de tres últimas ou tres primeiras; e o mesmo para as dúas primeiras e últimas (6 euros) e reintegro de 2 euros á primeira ou a última cifra do número premiado.

La entrada A Festa do Choco, protagonista do cupón diario da ONCE o 6 de maio se publicó primero en Concello de Redondela.

– A alcaldesa Digna Rivas anunciou unha programación que inclúe rutas marítimas, grandes concertos e o pregón do ex-presidente cántabro. Aos concertos do Grupo América e Combo Dominicano súmanse grupos locais como Tanto Nos Ten, Carballo das Cen Pólas ou a Rondalla.

– A carpa de degustación do Campo da Feira abrirá as súas portas o venres 8 de maio con 9 postos de degustación. Desde a Confraría de Redondela garanten “a extraordinaria calidade do choco esta temporada, con abundantes capturas”.

O Concello de Redondela presentou a programación oficial da XXXIX Festa do Choco, declarada de Interese Turístico de Galicia. Participaron a alcaldesa, Digna Rivas; a concelleira de Cultura e Turismo, Rita Pérez, representantes da Confraría de Pescadores e do sector hostaleiro. Todos coincidiron en destacar o "tesouro da nosa ría" como o motor económico e social da vila durante esta fin de semana de maio. Rivas subliñou que esta edición 2026 "será histórica pola excelencia do produto da nosa Enseada, a atractiva programación e a calidade da oferta musical". A patroa maior da Confraría, Nisi Otero, confirmou “a extraordinaria calidade do choco esta temporada, con abundantes capturas”. Os establecementos participantes nos postos de degustación da carpa prepararán uns 1.000 quilos de cefalópodo de Redondela en especialidades como choco na súa tinta, á feira, en empanada, á planca ou croquetas de choco.

Miguel Ángel Revilla, protagonista do sábado e domingo. Unha das novidades desta edición será a presenza de Miguel Ángel Revilla. O recoñecido político e comunicador ofrecerá unha charla no auditorio do Multiúsos da Xunqueira o sábado 9 ás 19:00 h, e será o encargado de dar o pregón oficial o domingo 10 ás 12:30 h na carpa do Campo da Feira. Para o coloquio no auditorio poranse a disposición do público as entradas gratuítas o mesmo día no Multiúsos a partir das 16.00 horas (máximo 2 entradas por persoa)

Ampla programación coa mellor gastronomía, mar e música. A festa contará cun amplo abano de actividades que combinan o lecer coa posta en valor do patrimonio natural:

 • Rutas Marítimas: Durante os tres días realizaranse visitas en barco pola illa e a enseada de San Simón (6€), con saídas dende Cesantes e o Museo Meirande. Ademais, haberá rutas de marisqueo a pé polo porto o venres e sábado pola tarde (6€).

 • Apertura da Carpa de Degustación: O venres 8 ás 19:30 h terá lugar a inauguración oficial no Campo da Feira, cun horario continuo ata o peche. Participan os restaurantes Casa Chano, Lugar da Serra, Quinta das Eiras, O Tranquilo, panaderías Vila dos Viaductos e Cruceiro, PaladarQueso, Vilalongo e Embutidos Rodríguez Amoedo. Tamén haberá oco para a artesanía con Artesanía Lelate. 

 • Grandes Concertos e Verbenas:

 -Venres 8: Orquestra de Saxos (20:00 h), Grupo América de Vigo (22:30 h) e DJ JJ Compota.

 -Sábado 9: Grupo de gaitas Airiños de San Simón, Tanto nos Ten (20:45 h), gran verbena coa Orquestra Combo Dominicano (23:00 h) e DJ Airan.

 -Domingo 10: Pasarrúas coa Banda de Música de Chapela, pandeireteiras Froles Mareliñas, O Carballo das Cen Pólas, a Rondalla de Redondela (17:30 h) e concerto de peche con Pa Ti Na Má (19:45 h).

A concelleira Rita Pérez convidou a veciños e visitantes a reservar as súas entradas para as rutas marítimas na Oficina de Turismo (986 401 713) e en barcosdegalicia.com.

Á presentación asistiron tamén membros da goberno local, dous dos fundadores da festa como son Manuel Conde e José Manuel Durán, e representantes da Asociación de Empresarios.
    

La entrada A XXXIX Festa do Choco ofrece tres días de gastronomía e música coa participación de Miguel Ángel Revilla se publicó primero en Concello de Redondela.

– O Concello de Redondela acolleu onte a sinatura do convenio coa Confraría de Pescadores San Xoán. O acordo supón unha achega económica para o pósito de 10.000 euros. Estes fondos destinaranse a rexenerar os bancos marisqueiros con semente de ameixa.

– A alcaldesa, Digna Rivas, puxo de manifesto a importancia de apoiar desde o Concello a este colectivo, “que desenvolve unha labor económica fundamental na ría cun traballo artesanal e sostible”. Destacou especialmente “a gran labor das mulleres no mar, que realizan neste sector un duro traballo moitas veces invisibilizado”.

O Concello de Redondela acolleu onte o acto de sinatura do convenio coa Confraría de Pescadores San Xoán. O acordo asinárono a alcaldesa, Digna Rivas, e a Patroa Maior do pósito Nisi Otero. No acto participo tamén o concelleiro de Emprego, Alberto Álvarez. A través deste convenio o Concello de Redondela achega á Confraría unha subvención de 10.000 euros. Estes fondos servirán para a compra de semente de bivalvos, neste caso ameixa xaponesa, para repoboar os bancos marisqueiros nos que faena tanto o marisqueo a pé como a flote. Actualmente a confraría conta con 190 socios e socias. A alcaldesa puxo de manifesto a importancia de apoiar desde o Concello a este colectivo, “que desenvolve unha labor económica fundamental na ría cun traballo artesanal e sostible do que viven ducias de familias do noso municipio”. Rivas destacou especialmente “a gran labor das mulleres no mar, que realizan neste sector un duro traballo moitas veces invisibilizado”.

O convenio asinado hoxe súmase a outras subvencións aprobadas polo Concello para entidades sociais e asistencias, asociacións deportivas e culturais

A alcaldesa, Digna Rivas, sinala que é un compromiso do seu goberno “apoiar a labor que están a realizar en Redondela diferentes entidades en beneficio da veciñanza no ámbitos social, económico, cultural ou deportivo”.

La entrada O Concello subvenciona con 10.000 euros á Confraría para rexenerar bancos marisqueiros se publicó primero en Concello de Redondela.

O Concello dedica os 12 meses do seu novo calendario para 2025 ao mar de Redondela e aos seus traballadores e traballadoras. Imaxes antigas de embarcacións, mariñeiros e mariscadoras son os protagonistas do almanaque elaborado polo Obradoiro de Deseño Gráfico. Trátase de imaxes que se conservan no Arquivo Municipal Audiovisual e que retratan unha época pasada e uns oficios tradicionais que aínda se manteñen hoxe e día neste municipio. Por iso a Confraría de Cesantes foi o lugar escollido para a presentación deste calendario, coa participación da Patroa Maior, Nisi Otero, e unha boa representación das actuais mariscadoras do pósito, entre elas a súa presidenta, Ana Belén Sotelino.

A alcaldesa, Digna Rivas, e o concelleiro de Emprego, Antonio Cabaleiro, puxeron en valor o traballo no mar de mulleres e homes nun sector primordial para Redondela, que é fonte de riqueza. A pesca artesanal e o marisqueo “son actividades sustentables e respectuosas co medio que herdamos desas xeracións pasadas que vemos nas fotografías do calendario, e que manteñen vivas mulleres coma estas”. Rivas lembrou tamén que foi tamén unha traballadora do mar, Encarna Sotelino, a muller escollida polo Concello de Redondela para recibir o galardón do VI Foro Muller Rural. Desde xeito o goberno redondelán quería homenaxear “a todas esas mulleres que, xeración tras xeración, co seu traballo no mar foron e son o sustento das súas familias”.

O Concello de Redondela repartirá exemplares destes calendarios entre os centros culturais de todas as parroquias, e os veciños que o desexen poderán recoller tamén o seu almanaque na Casa do Concello.

La entrada O mar e a súa xente, protagonistas do calendario do Concello de Redondela 2025 se publicó primero en Concello de Redondela.

– O Concello de Redondela acolleu este mediodía a sinatura do convenio coa Confraría de Pescadores San Xoán que supón unha achega económica para o pósito de 10.000 euros, o que equivale a duplicar a subvención do ano pasado, que fora de 5.000 euros. Estes fondos servirán para a compra de semente e repoboar os bancos marisqueiros nos que faena tanto o marisqueo a pé como a flote. 

– A alcaldesa, Digna Rivas, puxo de manifesto a importancia de apoiar desde o Concello a este colectivo, “que desenvolve unha labor económica fundamental na ría cun traballo artesanal e sostible do que viven ducias de familias o noso municipio”. A confraría conta con 215 socios, dos que a agrupación de mariscadoras a pé suma 80 persoas.

O Concello de Redondela acolleu onte o acto de sinatura do convenio coa Confraría de Pescadores San Xoán. O acordo asinárono a alcaldesa, Digna Rivas, e a Patroa Maior do pósito Nisi Otero. No acto participaron tamén o concelleiro de Emprego, Antonio Cabaleiro, o secretario da confraría Anxo Bérgomi Táboas, e os vicepresidentes Francisco Javier Pereira e Ana Belén Sotelino, quen tamén preside a agrupación de mariscadoras. A través deste convenio o Concello de Redondela achega á Confraría unha subvención de 10.000 euros, o que supón duplicar a cantidade do ano pasado, que ascendía a 5.000 euros. Estes fondos servirán para a compra de semente de bivalvos, neste caso ameixa xapónica, para repoboar os bancos marisqueiros nos que faena tanto o marisqueo a pé como a flote. Actualmente a confraría conta con 215 socios, dos que a agrupación de mariscadoras a pé suma 80 persoas. A alcaldesa puxo de manifesto a importancia de apoiar desde o Concello a este colectivo, “que desenvolve unha labor económica fundamental na ría cun traballo artesanal e sostible do que viven ducias de familias o noso municipio”.

Son en total 21 colectivos e asociacións os que reciben este ano un total de 319.500 euros en concepto de subvencións nominativas, 71.500 euros máis que o ano pasado. Entre as entidades beneficiarias hai tres novas: a Asociación Cultural e Deportiva de Rande pola celebración da Batalla de Rande (22.000 euros), a Fundación Érguete (10.500 euros) e o CCD Cesantes pola Bandeira Feminina Cesantes (9.000 euros) . Outros oito colectivos ademais da Confraría incrementan a subvención con respecto ao ao pasado. Son a Asociación Española Contra o Cancro (que pasa de 4.000 a 6.000 euros), Lenda (de 15.000 a 20.000 euros), Andaina (pasa de 18.000 a 20.000 euros), AFAGA Alhzeimer (de 15.000 a 18.000 euros), Millo Verde (de 18.000 a 20.000 euros), ACS Chapela Escola de Música (de 36.000 a 39.000 euros), Xente Titiriteira (de 56.000 a 59.000 euros)e a Asociación de Empresarios (pasa dos 10.000 aos 15.000 euros). Nove asociacións manteñen a mesma cantidade que no exercicio anterior: Cáritas (20.000 euros), Fundación Santa Cruz (3.000 euros), Solidariedade Galega co Pobo Saharauí (4.000 euros), ONG Da Man (2.500 euros), Fundación Amigos de Galicia (6.000 euros), CCD Cesantes Bandeira Redondela (12.000 euros), CCD Cesantes Bandeira de Bateis (2.500 euros), CR Chapela Bandeira Feminina Chapela (9.000 euros) e CR Chapela Bandeira Masculina Chapela (12.000 euros).

A alcaldesa, Digna Rivas, sinala que é un compromiso do seu goberno “apoiar a labor que están a realizar as diferentes asociacións e entidades en beneficio da veciñanza redondelá no ámbitos social, económico, cultural ou deportivo”.

La entrada Un convenio entre Concello e Confraría achega ao pósito 10.000 euros para recuperar bancos marisqueiros se publicó primero en Concello de Redondela.