La entrada FESTA DOS MAIOS 2026 se publicó primero en Concello de Redondela.

A Maxia do Teatro en vivo! Descobre historias que cobran vida.

As obras a representar serán:

17/01/2026:  “Ai avoa!” da compañía Desfeita teatro.

24/01/2026: “Feliz Aniversario” de Expresión Teatro

31/01/2026: “A Brisca” da compañía Fonte da Tella 

07/02/2026: “(H)umanidade” de Teatro das Aras. 

Todas as actuacións do programa organizado pola Asociación Cultural e social de Chapela serán no Multiúsos do Piñeiral ás 20:00 horas con entrada de balde.

La entrada XII Ciclo de Teatro Chapela: “(H)umanidade” se publicó primero en Concello de Redondela.

Os concelleiros Antonio Cabaleiro e Roberto Villar acompañaron á alcaldesa na visita ao inmoble

– A alcaldesa de Redondela, Digna Rivas, asinou formalmente a compra de Villa Elisa cos herdeiros da propiedade. O inmoble albergará a nova Biblioteca Municipal para poñer fin “a décadas de limitacións na biblioteca actual”. Agora poranse en marcha os traballos técnicos para a rehabilitación “desde o respecto ao valor patrimonial do inmoble e orientado a unha biblioteca moderna, funcional e pensada para o futuro”.

– Rivas amosouse moi satisfeita con esta adquisición que permite aumentar o patrimonio municipal “cun emblemático edificio histórico no centro da vila para uso de todos os veciños e veciñas de Redondela”. A propiedade conta tamén cunha zona axardinada que se transformará nun novo espazo verde anexo de uso público.

A alcaldesa de Redondela, Digna Rivas, asinou formalmente e ante notario a compra de Villa Elisa cos herdeiros do inmoble. O edificio, de estilo indiano, albergará a nova Biblioteca Municipal. Rivas salienta que esta compra é moi beneficiosa para toda a cidadanía, “xa que se trata dun inmoble senlleiro no centro da vila, de gran valor patrimonial e histórico e que será de uso público, cun fin cultural e social”. A alcaldesa amosou unha fonda satisfacción polo alcance deste paso: “Redondela dá hoxe un salto adiante. Por fin adquirimos un edificio á altura da nosa veciñanza, que permitirá ofrecer unha biblioteca moderna, accesible e con espazos reais para estudar, investigar e desfrutar da lectura en condicións dignas.”

A parcela ten uns 3.500 m2, cunha superficie construída de máis de 700 m2. A actual biblioteca Valle Inclán, situada no auditorio da Xunqueira, leva anos con limitacións evidentes: ruídos procedentes das actividades culturais, falta de espazo, imposibilidade de crecer ou de adaptarse ás necesidades de uso que demanda a poboación.

A rexedora anunciou que, a partir de agora, poranse en marcha os traballos técnicos para o proxecto de rehabilitación, que se realizará “desde o respecto ao valor patrimonial do inmoble e orientado a unha biblioteca moderna, funcional e pensada para o futuro”.

A propiedade conta tamén cunha ampla zona axardinada “co que gañaremos un espazo verde anexo, aberto ao público, que será un lugar de convivencia, lecer e tranquilidade no corazón da vila”, explica a alcaldesa.

A compra realizouse integramente con fondos municipais por un importe de 659.000 euros do remanente de tesourería. O pleno da corporación aprobou a adquisición no pasado mes de setembro co apoio dos socios de goberno e o BNG, malia os votos en contra do PP. A alcaldesa reiterou o agradecemento aos nacionalistas polo seu apoio para sacar adiante proposta que cualifica de “investimento estratéxico” para Redondela.

“Esta compra é unha aposta valente por Redondela: unha inversión en cultura, en educación, en cohesión social, na protección do noso patrimonio e, sobre todo, no benestar das persoas”, subliñou a alcaldesa. Rivas sinalou tamén que a adquisición de Villa Elisa contou desde o principio “co respaldo maioritario da veciñanza”.

A transformación do espazo público no corazón da vila

A adquisición de Villa Elisa permitirá transformar un gran espazo no centro da vila, na avenida Ernestina Otero, onde o Concello proxecta tamén a renovación da praza da Ponte da Lima, coñecida tamén como praza “da Petanca”. Este espazo de 2.300 m2 acollerá unha nova área cultural e de lecer cunha praza renovada, auditorio ao aire libre e un ascensor que conectará coa parte alta da rúa Subida á Estación. Estas obras realizaranse a través do Plan Extra da Deputación. O edificio “Granxa da Lima”, adquirido por Zona Franca, será tamén un novo espazo público que acollerá un viveiro de empresas.

La entrada O Concello firma a compra de Villa Elisa, un fito histórico para Redondela se publicó primero en Concello de Redondela.

– O III Ciclo Infantil Interparroquial de Nadal contará con trece espectáculos desde o 19 de decembro ata o 4 de xaneiro. Tanxarina, Os Bolechas, Pakolas, As Tareixas, Peter Punk ou Ce Orquestra Pantasma son algúns dos protagonistas da programación para o público infantil e familiar.

– A programación de Nadal do Concello de Redondela complétase cos Festivais de Panxoliñas, a visita de Papá Noel e a Festa pre Fin de Ano no campo da feira, ademais das tradicionais Cabalgatas e as Rondallas e Ranchos de Reis.

– O acendido das luces de Nadal será este sábado, 29 de novembro, cun gran espectáculo na praza do Concello e un pasarrúas polo centro da vila. A música e a maxia do Nadal estarán presentes nesta xornada, na que non faltarán as sorpresas.

Co acendido das luces de Nadal este sábado ás ás 20.00 horas na praza do Concello dará comezo a programación cultural de Nadal. A iluminación, como en anos anteriores, non se limitará aos núcleos urbanos senón que “se estende por todas as parroquias do municipio con figuras decorativas nas rúas, prazas, alamedas, xardíns e elementos singulares”, sinala Digna Rivas. As trece parroquias do municipio tamén serán protagonistas da programación de Nadal.

O III Ciclo Infantil de Nadal Interparroquial contará con primeira vez con espectáculos en todas as parroquias. A alcaldesa, Digna Rivas, sinala que para este goberno é moi importante “achegar a programación cultural e a maxia do Nadal a todos os veciños e veciñas”. A concelleira de Cultura, Rita Pérez Táboas, explica que se trata de actividades musicais e teatrais en galego para o público infantil e familiar. Desde o Concello o obxectivo é “achegar ás parroquias actividades culturais de calidade e en galego ao longo das vacacións escolares de Nadal”. Todas as actuacións serán ás 18.00 horas. A primeira será co grupo de música redondelán “As Tareixas”, que actuarán no Centro Cultural de Ventosela o 19 de decembro. Seguirá Brais das Hortas, o 20 de decembro no Centro Cultural de Quintela co espectáculo “Zona de Obras”. En Cesantes a cita será coa música de Paco Nogueiras e o espectáculo “Son animal”, no Centro Cultural o día 21 de decembro. Na Sociedade Labrego Cultural do Viso estarán o 22 de decembro Fantoches Baj coa obra “O castiñeiro do Apalpador”. O 23 de decembro o protagonista será Peter Punk, que estará no Centro Cultural de Saxamonde cun espectáculo cómico e musical. A maxia e diversión do circo chegará o 26 de decembro ao Centro Cultural de Negros co “Show de Fifo”. No Centro Cultural de Cedeira estará o 27 de decembro a compañía Títeres Alakrán co teatro de monicreques “Barriga Verde”. O 28 de decembro será a quenda do ilusionista internacional Cayetano Lledó, que estará no Auditorio da Xunqueira cun espectáculo de maxia para público familiar. Lledó combina técnicas innovadoras con xogos cómicos onde a sorpresa e o humor se fusionan co ilusionismo. Un día despois toda a marcha e a diversión do espectáculo musical “A Bailar no Nadal” de Animar-T chegará ao Centro Cultural de Trasmañó, o 29 de decembro. A última actuación do ano será o 30 de decembro co polifacético Ce Orquestra Pantasma no Centro Cultural de Reboreda. O mes de xaneiro comezará coa gran compañía redondelá Tanxarina, que actuará no Centro Cultural de Cabeiro o 2 de xaneiro coa súa premiada obra Titiricircus. O ritmo rockeiro chegará da man de Pakolas cun espectáculo musical no Centro Cultural de Vilar de Infesta o 3 de xaneiro. A programación deste ciclo rematará o 4 de xaneiro cunha das familias máis coñecidas de Galicia, “Os Bolechas”, que estarán o auditorio do Piñeiral do Crego en Chapela.

A programación de Nadal complétase co concerto benéfico a benéfico a favor de Cáritas o 27 de decembro no auditorio da Xunqueira e o Festivais de Panxoliñas e Canto Tradicional os días 3 e 4 de xaneiro.

Visita de Papá Noel a Redondela e Chapela

Do 17 ao 24 de decembro nenas e nenos poderán visitar a Casa de Papá Noel que, como en anos anteriores, quedará instalada na Alameda Castelao. Os horarios de visita serán de 17 h a 19:30 todos os días, agás o día 24 que será en horario será de mañá, de 11 h a 14 horas. Papá Noel tamén se instalará en Chapela, na alameda Rosalía de Castro, do 20 ao 23 de decembro en horario de 17.00 a 20.00 horas.

Os nenos e nenas que o desexen poderán contactar tamén con Papá Noel a través das novas tecnoloxías. Poderán facelo a partir do 12 de decembro na páxina web www.nadalenredondela.com.

Festa Pre Fin de ano e Cabalgatas

Redondela despide o ano por anticipado cunha festa Pre Fin de ano o 30 de decembro. Será a partir das 21 horas no campo da feira con concerto e discoteca móbil.

As cabalgatas de Reis celebraranse como é habitual en Redondela e Chapela o día 5 de xaneiro a partir das 18.00 horas, e o día 6 a vila vivirá un dos días máis grandes do ano coas tradicionais Rondallas e os Ranchos de Reis desde as 10.00 horas polas rúas do centro da vila.

La entrada A programación de Nadal chega a todas as parroquias con espectáculos para público infantil e familiar se publicó primero en Concello de Redondela.

– O mes de agosto arranca en Redondela con trece propostas de turismo ambiental e cultural para todas as idades: visitas guiadas polo casco histórico sobre lendas e supersticións da vila, rutas polo litoral de Cesantes a pé ou en kaiak e actividades para “exploradores” en busca de animais no Chan das Pipas.

– Desde o Concello de Redondela destacan a “transversalidade” destas actividades “que apostan polo turismo ambiental, sostible e cultural con saídas para coñecer o espectacular patrimonio natural e histórico de Redondela”. Para participar é preciso inscribirse na oficina de turismo, no correo electrónico turismo@redondela.gal ou no teléfono 986.401.713.

O mes de agosto chega a Redondela cargado de actividades para público de todas as idades. Á ampla e variada oferta cultural do Concello súmanse as propostas de turismo ambiental que organizan os departamentos de Turismo, Sostibilidade e Medio Ambiente. A primeira saída deste mes será mañá sábado día 2 coa ambiental “As pedras de Ventosela” ás 10.00 horas.

Unha das novidades deste verán é a ruta “Redondela oculta: entre a lenda e a superstición” a cargo da guía turística Soledad Chayán. No percorrido dáse conta das supersticións e tradicións arredor dos oficios, sobre todo dos mariñeiros, onde se destacan personaxes como a bruxa Benita, o mago Marcolfo ou Xan Carallás, mítico fundador da vila de Redondela. Haberá dúas citas con esta ruta, os martes 12 e 26 de agosto ás 21.00 horas. Tamén os martes serán as visitas guiadas ao Cemiterio dos Eidos, declarado como o cemiterio “máis bonito de España”. Serán os días 5 e 19 de agosto ás 21.00 horas.

O sábado día 9 realizarase a ruta ambiental “O litoral de Soutoxuste” , ás 10.00 horas e o domingo día 10 a denominada “A intermareal de Cesantes” con saída desde o Porto de Cesantes ás 10.00 horas.

O luns día 11 a proposta é unha ruta en kaiak pola enseada de San Simón, unha actividade familiar para dar a coñecer o patrimonio natural tanto sobre as augas como por baixo da superficie. A saída está prevista para as 10.30 horas. O mércores 20 celébrase outra saída en kaiak, neste caso pola zona da Portela para dar a coñecer o patrimonio da Portela e da enseada de San Simón. A saída será ás 11.00.

Para o sábado 16 a proposta é unha observación xeográfica, histórica e natural da ría de Vigo. Será ao serán, a partir das 20 horas. O domingo 17 realízase a ruta ambiental “O río Pexegueiro” con saída ás 10.00 horas.

Os máis pequenos terán unha actividade pensada especialmente para eles o día 27 de agosto con “Exploradores: Animais do luscofusco”. Está dirixida a rapazada de 8 a 12 anos. Nesta saída os participantes explorarán a natureza da man dun guía especializado no Chan das Pipas. O horario será de 19.15 a 21.15 horas. A última saída será o domingo 31 cunha ruta ambiental no Monte Penide ás 10.00 horas.

Para participar nestas actividades é preciso facer a inscrición previa na oficina de turismo, no teléfono 986 40 17 13 ou no enderezo electrónico turismo@redondela.gal.

La entrada Roteiros ambientais e culturais: Redondela oculta, Kaiak pola enseada, Animais do luscofusco e moito máis se publicó primero en Concello de Redondela.

– O II Ciclo Infantil Interparroquial “Queremos galego” prolóngase ata o 4 de xaneiro en diferentes localizacións do municipio. Entre os artistas participantes están Ártika Teatro, Pakolas, Peter Punk e Os Bolechas, entre outros.

– A programación de Nadal do Concello de Redondela conta tamén coas Festas de pre Fin de Ano Infantís en Redondela e Chapela, ademais das tradicionais Cabalgatas e as Rondallas e Ranchos de Reis.

A programación de Nadal do Concello de Redondela continúa ata o 6 de xaneiro con actividades na vila e as parroquias, como o II Ciclo Infantil “Queremos galego”. A alcaldesa de Redondela, Digna Rivas, explica que se trata de actividades musicais e teatrais en galego para o público infantil e familiar. Desde o Concello o obxectivo é “achegar ás parroquias actividades culturais de calidade e en galego ao longo das vacacións escolares de Nadal”. As actuacións de Brais das Hortas, o espectáculo do Apalpador e o musical “A Bailar”, en Vilar de Infesta, Cesantes e Chapela, respectivamente, foron todo un éxito. A programación chegará esta tarde a San Estevo de Negros co espectáculo “A xogar cos trasnos do Nadal”, ás 18.00 horas no Centro Cultural da parroquia. O domingo 29 de decembro a cita é en Redondela, no auditorio da Xunqueira, con Ártika Cía e o seu teatro musical “Pum, pum, quen hai? Ás 18.00 horas. No Centro Cultural de Reboreda o espectáculo será “Os Ourizos, o musical”, o día 30 de decembro ás 18.00 horas. Xa no novo ano 2025 o II Ciclo Infantil Interparroquial continuará na Sociedade Cultural do Viso o 2 de xaneiro co coñecido artista musical Pakolas e o seu espectáculo “As máis molonas”. Será ás 18.00 horas. O 3 de xaneiro o protagonista será Peter Punk, que estará no Centro Cultural de Cedeira ás 18.30 co espectáculo cómico e musical “Chungo que te cagas”. A programación deste ciclo rematará o 4 de xaneiro cunha das familias máis coñecidas de Galicia, “Os Bolechas” que estarán o auditorio da Xunqueira ás 18.30 co espectáculo “Cantares de Reis”.

Festas Pre Fin de ano infantís en Redondela e Chapela

Redondela despide o ano por anticipado e por partida dobre con dúas festas para o público infantil e familiar. A Praza da Constitución en Redondela será escenario, o día 31 de decembro, dunha Festa Infantil con Paco Nogueiras. O creador de espectáculos como “Brinca Vai”, ou “Radio Bule Bule” estará en Redondela co seu último traballo “Son Animal” para despedir o ano con moito ritmo. Será ás 11.30 e en caso de choiva a festa desprazarase ao Multiúsos da Xunqueira. En Chapela a Festa Pre Fin de Ano infantil será na Alameda Rosalía de Castro tamén o 31 de decembro. A Disco Móbil de Nadal porá a bailar a todos con divertidos xogos musicais. Será ás 12.00 horas, en caso de choiva a actividade realizarase no Multiúsos de Chapela.

As cabalgatas de Reis celebraranse como é habitual en Redondela e Chapela o día 5 de xaneiro, e o día 6 a vila vivirá un dos días máis grandes do ano coas tradicionais Rondallas e os Ranchos de Reis.

La entrada A programación de Nadal chega ás parroquias con espectáculos de música e teatro en galego se publicó primero en Concello de Redondela.

– O II Ciclo Infantil Interparroquial “Queremos galego” celebrarase do 22 de decembro ao 4 de xaneiro cun total de nove funcións en diferentes localizacións do municipio. Entre os artistas participantes estarán Brais das Hortas, Ártika Teatro, Pakolas, Animar-T, Peter Punk e Os Bolechas, entre outros.

– A programación de Nadal do Concello de Redondela complétase cos Festivais de Panxoliñas, a visita de Papá Noel, Festas de pre Fin de Ano Infantís en Redondela e Chapela, ademais das tradicionais Cabalgatas e as Rondallas e Ranchos de Reis.

– O acendido das luces de Nadal será hoxe xoves. A partir das 19.00 horas as rúas do centro da vila acollerán o espectáculo “Meninas”, da compañía Yera Teatro con marionetas xigantes. As luces prenderanse ás 20.00 horas na praza do Concello.

A programación de Nadal do Concello de Redondela esténdese ás parroquias co II Ciclo Infantil Interparroquial “Queremos galego”. A concelleira de Cultura, Rita Pérez Táboas, explica que se trata de actividades musicais e teatrais en galego para o público infantil e familiar. Desde o Concello o obxectivo é “achegar ás parroquias actividades culturais de calidade e en galego ao longo das vacacións escolares de Nadal”. A primeira das actuacións deste programa será con Brais das Hortas, o 22 de decembro ás 18.00 horas no Centro Cultural de Vilar de Infesta. O artista ofrecerá o espectáculo “Consertasso a horta”. En Cesantes estará a tradicional figura do Nadal galego, o Apalpador, no Centro Cultural o día 23 de decembro ás 18.00 hora. Toda a marcha e a diversión do espectáculo musical “A Bailar no Nadal” de Animar-T chegará ao Multiúsos de Chapela o 27 de decembro ás 18.00 horas. A San Estevo de Negros a programación chegará o 28 de decembro co espectáculo “A xogar cos trasnos do Nadal”, ás 18.00 horas no Centro Cultural da parroquia. O domingo 29 de decembro a cita é en Redondela, no auditorio da Xunqueira, con Ártika Cía e o seu teatro musical “Pum, pum, quen hai? Ás 18.00 horas. No Centro Cultural de Reboreda o espectáculo será “Os Ourizos, o musical”, o día 30 de decembro ás 18.00 horas. Xa no novo ano 2025 o II Ciclo Infantil Interparroquial continuará na Sociedade Cultural do Viso o 2 de xaneiro co coñecido artista musical Pakolas e o seu espectáculo “As máis molonas”. Será ás 18.00 horas. O 3 de xaneiro o protagonista será Peter Punk, que estará no Centro Cultural de Cedeira ás 18.30 co espectáculo cómico e musical “Chungo que te cagas”. A programación deste ciclo rematará o 4 de xaneiro cunha das familias máis coñecidas de Galicia, “Os Bolechas” que estarán o auditorio da Xunqueira ás 18.30 co espectáculo “Cantares de Reis”.

A programación de Nadal complétase con Festivais de Panxoliñas e Canto Tradicional os días 21 e 22 de decembro, a Papanoelada Moteira o día 15, as visitas de Papá Noel e as festas pre fin de ano infantís, entre outras moitas actividades.

Visita de Papá Noel a Redondela e Chapela

Do 17 ao 24 de decembro nenas e nenos poderán visitar a Casa de Papá Noel que, como en anos anteriores, quedará instalada na Alameda Castelao. Os horarios de visita serán de 17 h a 19:30 todos os días, agás o día 24 que será en horario será de mañá, de 11 h a 14 horas. Papá Noel tamén se instalará en Chapela, na alameda Rosalía de Castro os días 18, 19 e 23 de decembro en horario de 17.00 a 20.00 horas, e o día 24 de 10.30 a 14.00 horas.

Videochamadas e videosaúdos cos Reis Magos e Papá Noel

Os nenos e nenas que o desexen poderán contactar tamén con Papá Noel e os Magos de Oriente a través das novas tecnoloxías. Poderán facelo cunha reserva na páxina www.barafundaanimacion.com co código REDONDELA. A partir do 12 de decembro tamén se poderá entrar en www.nadalredondela.com para saudar a Papá Noel.

Festas Pre Fin de ano infantís en Redondela e Chapela

Redondela despide o ano por anticipado e por partida dobre con dúas festas para o público infantil e familiar. A Praza da Constitución en Redondela será escenario, o día 31 de decembro, dunha Festa Infantil con Paco Nogueiras. O creador de espectáculos como “Brinca Vai”, ou “Radio Bule Bule” estará en Redondela co seu último traballo “Son Animal” para despedir o ano com moito ritmo. Será ás 11.30 e en caso de choiva a festa desprazarase ao Multiúsos da Xunqueira. En Chapela a Festa Pre Fin de Ano infantil será na Alameda Rosalía de Castro tamén o 31 de decembro. A Disco Móbil de Nadal porá a bailar a todos con divertidos xogos musicais. Será ás 12.00 horas, en caso de choiva a actividade realizarase no Multiúsos de Chapela.

As cabalgatas de Reis celebraranse como é habitual en Redondela e Chapela o día 5 de xaneiro, e o día 6 a vila vivirá un dos días máis grandes do ano coas tradicionais Rondallas e os Ranchos de Reis.

La entrada A programación de Nadal chega ás parroquias con espectáculos de música e teatro en galego se publicó primero en Concello de Redondela.

– Será este sábado, 26 de outubro, no auditorio da Xunqueira, con entrada de balde. Na representación, xunto ao barítono Luís Santana e o pianista Víctor Carbajo, a actriz fai un percorrido polos grandes autores da literatura con poemas de Lorca, Machado ou Miguel Hernández, entre outros.

– A alcaldesa, Digna Rivas, convida á veciñanza a asistir a esta cita, “unha excelente oportunidade para disfrutar desta gran actriz e da poesía nun espectáculo lírico de gran calidade”.

O Concello de Redondela programou para este sábado, día 26, “Verso a Verso”, un espectáculo que reivindica a importancia da poesía da man da recoñecida actriz Charo López. A representación, prevista ás 20.00 no auditorio da Xunqueira, “convida a facer unha pausa nestes tempos de vertixe e deixar un pequeno lapso para a música e a poesía”, explica a propia intérprete. No recital Charo López comparte escenario co barítono Luís Santana e o pianista Víctor Carbajo, con cancións seleccionadas en función do autor e a época. Así, o recital fai un percorrido polos grandes autores da literatura española desde o século XVI até hoxe, con poemas de Lorca, Machado, Miguel Hernández ou Santa Teresa de Jesús, entre outros. Entre as cancións que interpretará Santana poderemos atopar temas populares da música española, arxentina ou francesa. Os artistas explican que “a poesía funciona como unha fotografía que é capaz de recoller en palabras, nun instante, nun golpe de luz, as imaxes que enfoca, e axúdanos a reconstruír o noso pasado, presente e futuro na medida na que os retrata coas súas palabras”.

A alcaldesa, Digna Rivas, convida á veciñanza a asistir a esta cita, “unha excelente oportunidade para disfrutar desta gran actriz e da poesía nun espectáculo lírico de gran calidade”.

Luís Santana estudou con grandes mestres da lírica e está especializado no repertorio vocal, desenvolvendo unha incesante actividade concertística.

O pianista Víctor Carbajo, músico e compositor, acompaña habitualmente a figuras moi coñecidas da lírica española e a canción.

A actriz é dabondo coñecida pola súa longa traxectoria tanto no teatro como no cinema e a televisión. O recoñecemento ao seu gran traballo chégalle en 1980 con Fortunata e Jacinta e Os gozos e as sombras, dúas series de gran éxito. Posteriormente encadea traballos relevantes en cinema con algúns dos mellores directores do país, e consegue o Goya á mellor actriz de reparto polo seu papel en Secretos del corazón, película de Montxo Armendáriz que foi candidata ao Óscar. A pesar do seu percorrido polas pantallas de cinema e televisión, ela considérase, sobre todo, unha actriz de teatro “que leva o escenario dentro”.

La entrada A actriz Charo López chega a Redondela co espectáculo “Verso a verso” se publicó primero en Concello de Redondela.

Co obxecto de reivindicar o labor e o legado das mulleres que escribiron ao longo da historia as Bibliotecas Municipais de Redondela unímonos, un ano máis, á celebración do Día das Escritoras. Unha efeméride que se conmemorou o pasado luns, 14 de outubro, seguindo o lema escollido para este ano: “A periferia da periferia: mulleres que miraron ao mundo rural”.

As bibliotecas municipais volvemos festexar esta celebración nas ondas da Radio Municipal e, neste 2024, moi ben acompañados coas bibliotecas dos centros de ensino superior do noso concello.

Neste marco realizáronse lecturas de diferentes textos que foron grabadas polos equipos das bibliotecas dos centros e mais polo seu alumnado, e que foron emitidas desde as ondas de Radio Redondela.

Os centros que participaron foron:

• IES Pedro Floriani
• IES Mendiño
• IES Illa de San Simón
• IES Chapela
• Colexio Vigo ,

Así como o persoal das bibliotecas municipais, que tamén participaron facendo as súas lecturas.

• Aquí vos deixamos a ligazón a cada emisión:

–Presentación do “Día das Escritoras” na sección #LiteraturanasOndas de Radio Redondela

–Lectura desde a Biblioteca do IES Pedro Floriani (Promethea, Ada, Noa e Sandra)

–Lectura desde a Biblioteca do IES Mendiño (Antía, Aroa, Carlota, Iria e Marta )

–Lectura desde a Biblioteca do IES Illa de San Simón ( Paula, Mateo, Catarina e Martín)

–Lectura desde a Biblioteca do Colexio Vigo (Mª Montserrat Ruibal Fernández, Mª Teresa Lobit, Natalia Stainbrugen e Noelia Jorge )

–Lectura desde a Biblioteca do IES Chapela (María, Paz, Olga e Sonia )

–Lectura desde as Bibliotecas Municipais de Redondela (Mª Elena, Cote e Mª José)

• Na prensa e outros lugares:

–Na páxina da BNE

–Na páxina de Clásicas y Modernas

-En Radio Redondela

-No Atlántico Diario

-No Faro de Vigo

–En Cadena SER

La entrada Día das escritoras 2024-voces nas ondas se publicó primero en Concello de Redondela.

O próximo 14 de outubro celebraremos o Día das Escritoras, unha iniciativa organizada pola Biblioteca Nacional de España , a Federación Española de Mujeres Directivas,  Ejecutivas, Profesionales y Empresarias (FEDEPE) e a Asociación Clásicas y Modernas.

O obxectivo fundamental desta celebración é dar visibilidade e reivindicar o labor e o legado das mulleres que escribiron ao longo da historia, en moitas ocasións silenciadas ou deliberadamente esquecidas.

A data elexida para festexalo cada ano é o luns máis preto da festividade de Santa Teresa de Jesús (15 de outubro).

Nesta edición o comisariado recae na escritora Ana Iris Simón e o lema escollido é: “A periferia da periferia: mulleres que miraron ao mundo rural”.con

As bibliotecas municipais de Redondela volvemos participar na proposta como en anos anteriores. Deste ano facémolo acompañadas das bibliotecas dos centros de ensino secundario do noso concello e tamén, como outros anos, da Radio Municipal.

As ondas de Radio Redondela retransmitirán os textos, de autoras como Concha Espina, Teresa de Jesús, Dolores Medio, Mariluz Escribano, Margarita Nelken, Rosalía de Castro, María Zambrano, Gabriela Mistral ou Ernestina de Champourcin entre outras, que foron  seleccionados pola BNE para este evento. E para iso, desta vez, contamos coas voces de bibliotecari@s (e alumn@s) dos centros IES Pedro Floriani, IES Mendiño, IES Illa de San Simón, IES Chapela e Colexio Vigo.

Será durante a semana do 14 ao 18 de outubro cando, entre tod@s, tentaremos achegar a voz literaria das mulleres aos radiooíntes e tamén, con esta marabillosa actividade, dar comezo ás  celebracións do Día das Bibliotecas.

Lembrade que a cita é no 94.9 da FM, pero que tamén poderedes atopar os podcasts na web e redes sociais da emisora , das bibliotecas públicas municipais de Redondela e das bibliotecas colaboradoras.

-Calendario de emisións:

Biblioteca do IES Pedro Floriani Luns

Biblioteca do IES Illa de San Simón Martes

Biblioteca do IES Mendiño Mércores

Biblioteca do Colexio Vigo Xoves

Biblioteca do IES Chapela Venres

Bibliotecas Municipais-dentro do programa “Literatura nas Ondas”

La entrada Día das Escritoras 2024 se publicó primero en Concello de Redondela.

O ex-responsable de Dereitos de Autor da Editorial Xerais, Siro Iglesias Izquierdo, ven de doar a súa colección bibliográfica á Biblioteca Xela Arias de Chapela.

Histórico da empresa, chegando a ser o seu traballador máis veterano, Siro Iglesias deixa atrás a editorial despois de máis de 40 anos de dedicación á mesma. Catro décadas cheas de lecturas, libros e anécdotas no seu haber que se iniciaron grazas ao seu contacto coa poeta Xela Arias, que lle introduciu na mesma, a que sempre foi para el unha amiga e compañeira.

Antes de chegar o verán Siro achegouse ao noso centro para facernos a proposta: “A miña colección de Xerais gustaríame que recadara na Biblioteca Xela Arias” e, cun sorriso engadiu: “o meu legado literario irá así a parar á biblioteca que leva o nome desta gran muller”.

A partir destes días a biblioteca catalogará e clasificará esta doazón, composta por 5 caixas repletas de libros deste selo de todo tipo: narrativa, ensaio, teatro, poesía ou libro infantil e xuvenil; e que converterán a nosa colección nun dos fondos máis completos de Xerais das bibliotecas públicas galegas.

Unha doazón que nos enche de orgullo, ledicia e agradecemento, e que será de grande utilidade para os nosos lectores e lectoras.

A xubilación de Siro Iglesias recollida nas novas de Faro de Vigo.

A nova da doazón, recollida en Atlántico Diario.

La entrada Siro Iglesias, histórico da Editorial Xerais, doa a súa colección privada á Biblioteca Xela Arias se publicó primero en Concello de Redondela.

– A programación de agosto inclúe unha ducia de saídas de ecoturismo, con paseos diúrnos e nocturnos por espazos de gran valor natural, cultural e paisaxístico como os ríos Fondón e Pexegueiro, a enseada de San Simón ou O Viso.

– Os concelleiros de Turismo, Rita Pérez Táboas, e Sostibilidade, Roberto Villar, animan tanto á veciñanza de Redondela como aos visitantes a participar nestas actividades organizadas para público de todas as idades. Todas son de balde, agás as saídas en kaiak e a actividade “starlight”.

Logo do éxito das actividades de ecoturismo celebradas ao longo do mes de xullo, as concellerías de Turismo, Sostibilidade e Medio Ambiente poñen en marcha o programa de saídas para o mes de agosto. Serán en total doce actividades nas que se combina turismo, cultura e ecoloxía. Como novidade, no mes de agosto realizaranse saídas nocturnas polo río Pexegueiro e tamén observacións dende o Miradoiro de Outeiro Grande. As rutas polo río Fondón, o litoral de Cesantes, saídas en kaiak pola enseada ou citas para a observación de estrelas completan a programación.

A primeira saída será este sábado, 3 de agosto, cunha ruta nocturna polo río Fondón. Os participantes partirán ás 21.30 horas do campo de fútbol de Trasmañó para facer un percorrido pola beira do río. Esta actividade, cultural e medioambiental, é de balde, e pode participar público de todas as idades. Un guía especializado explicará a riqueza medioambiental da zona e o seu patrimonio cultural e etnográfico. Visitarán os muíños ao longo do río e os petróglifos de Monte Penide, e poderán escoitar as lendas e costumes tradicionais relacionadas con este fermoso enclave cunhas espectaculares vistas panorámicas sobre a ría. Esta mesma actividade repetirase o venres 30 de agosto.

O venres, 9 de agosto, haberá unha ruta nocturna para coñecer “Os tesouros do río Pexegueiro”, unha das novidades do programa de ecoturismo deste verán. Os muíños, regatos e lendas serán os protagonistas desta actividade, que se realiza en colaboración co Obradoiro de Estudos Locais Fernando Monroy. A saída será ás 21.30 horas desde a rúa A Pantalla. Esta mesma actividade repetirase o venres 23 de agosto.

A praia da Punta e a riqueza litoral de Cesantes será outro dos destinos dos roteiros ambientais, cun paseo diúrno o 11 de agosto e outro nocturno o día 17.

O 15 de agosto a cita será en Chapela cunha ruta ambiental polo río Fondón, de 10.00 a 13.00 horas, con saída desde o CEIP Igrexa.

Os xogos de orientación e aventuras chegarán o 16 de agosto con “Orientaventura en Cesantes”, unha actividade dirixida á rapazada de entre 7 e 16 anos.

O Miradoiro de Outeiro Grande, no Viso, será o protagonista doutra das actividades deste mes de agosto. Neste enclave, cunhas vistas panorámicas privilexiadas sobre a enseada de San Simón, realizarase unha observación nocturna xeográfica e natural da ría de Vigo desde. Será o 18 de agosto ás 21.00 horas.

En agosto haberá dúas saídas en kaiak, a primeira o 6 de agosto pola enseada para coñecer os fondos mariños e a contorna da illa de San Simón. A segunda será o mércores 28 de agosto cun percorrido polos segredos da Portela e zona da Regasenda.

A programación rematará o sábado 31 de agosto cunha actividade de observación do ceo nocturno para toda a familia. Será no campo de fútbol da Gándara, no Viso, de 21.30 a 23.00 horas.

A concelleira de Cultura e Turismo, Rita Pérez Táboas, destaca a “transversalidade” destas actividades “que apostan polo turismo ambiental, sostible e responsable con saídas para coñecer o espectacular patrimonio natural e cultural de Redondela”. O concelleiro de Sostibilidade, Roberto Villar, sinalou que o obxectivo destas actividades é “poñer en valor os recursos naturais de Redondela e tamén concienciar á veciñanza e ás persoas que nos visitan da importancia de respectar estes espazos naturais e axudar a conservalos”.

Todas as actividades son de balde, agás as saídas en kaiak, que teñen un prezo bonificado de 20 euros, e a observación do ceo nocturno, cun prezo de 3 euros.

Para participar nestas actividades é preciso facer a inscrición previa na oficina de turismo, no teléfono 986 40 17 13 ou no enderezo electrónico turismo@redondela.gal.

La entrada Os muíños e lendas río Fondón abren o programa de Roteiros Ambientais do mes de agosto se publicó primero en Concello de Redondela.