– As clases de baile “Ritmo vital”, novidade deste curso, son todo un éxito con 120 participantes en Redondela e Chapela. As aulas de Tai Chi “Equilibrio vital” e “Memoria Viva”, con talleres cognitivos, repiten como en anos anteriores con preto de 400 e 320 alumnos e alumnas respectivamente. Todas as actividades son de balde e realízanse nas diferentes parroquias por parte da concellería de Maiores.

– A alcaldesa, Digna Rivas, e a concelleira Iria Vilaboa, visitaron hoxe ao alumnado no primeiro día de clases e comprobaron “o gran éxito destas actividades con máis participantes cada ano”. Rivas lembra que o obxectivo destes programas é “mellorar o estado físico e cognitivo das persoas maiores e favorecer as súas relacións sociais, xa que todo redunda nunha maior calidade de vida”.

Esta semana comezaron os programas para maiores de 55 anos “Ritmo Vital”, con clases de baile, “Equilibrio Vital”, coa práctica de Tai Chi, e “Memoria Viva” con talleres cognitivos. Todas as actividades acadaron un gran éxito de participación. As clases de baile son a novidade deste curso, e súmanse ás clases de Tai Chi e Memoria que se imparten desde hai anos. A modalidade de baile estreouse o pasado verán con clases ao aire libre e tivo unha gran acollida entre o público. “En resposta á demanda dos veciños e veciñas incorporamos o baile tamén ás actividades anuais”, explica a alcaldesa Digna Rivas. O Concello fai así un esforzo “para mellorar a calidade de vida dos nosos maiores”. A rexedora achegouse esta mañá ao pavillón da Marisma onde comezaron as clases de baile para comprobar “o gran éxito que supón esta actividade, cunha excelente resposta por parte das persoas maiores”. Son un total de 120 as veciñas e veciños que participan nesta actividade que se estrea este curso en Redondela e Chapela. No caso do Tai Chi, que comezou esta mañá en Chapela, repite a boa acollida de anos anteriores con 390 participantes entre os pavillóns municipais González Soto e a Marisma, ademais das clases en Saxamonde, Quintela, Cedeira, CCR Chapela, Reboreda, Ventosela-Miñoteira, Saramagoso, Cabeiro, Negros, Cesantes e CC Vilar.

As clases de “Memoria Viva” realízanse en 17 emprazamentos diferentes, con clases en todas as parroquias. Trátase de cursos de estimulación cognitiva para exercitar diferentes áreas cerebrais. O seu obxectivo principal é manter a mente activa, ralentizar o deterioro cognitivo, mellorar a atención e a concentración e fomentar a socialización. Como en anos anteriores conta tamén con moita demanda, con 320 participantes.

Actividades de balde en todas as parroquias

Estas actividades, organizadas pola concellería de Maiores que dirixe Iria Vilaboa, impártense en 16 emprazamentos diferentes por todas as parroquias de Redondela. A alcaldesa sinala a importancia de que estas clases se oferten non só nos núcleos urbanos de Redondela e Chapela, senón tamén nas demais parroquias do municipios “para que todos os veciños e veciñas poidan acceder a estes servizos sen ter que desprazarse”. Todas as actividades son de balde, “para que todas as persoas o que o desexen poida asistir, independentemente da súa situación económica”. A rexedora salientou “a boa acollida destes cursos ano tras ano entre a veciñanza, que son un éxito rotundo”.

A concelleira, Iria Vilaboa, explica que os obradoiros que teñen como obxectivo “previr o deterioro físico e cognitivo das persoas maiores e mellorar a súa calidade de vida”. O número de participantes increméntase cada ano, con máis grupos en todas as parroquias. A valoración que fan os participantes é “moi boa”, xa que estas actividades permítenlles mellorar a nivel físico e mental, e ademais “fomentan as súas relacións sociais e melloran a calidade de vida”.

La entrada Máis de 800 persoas comezan os cursos de baile, ximnasia e memoria para maiores se publicó primero en Concello de Redondela.

– Hoxe ábrese a incrición para os cursos de maiores do Concello. Como novidade este ano haberá  clases de baile, logo do éxito que tiveron no programa de verán. Impartiranse tamén as de memoria e Tai Chi. As actividades realízanse en todas as parroquias “para que todos os veciños e veciñas poidan acceder a estes servizos sen ter que desprazarse”, sinala a alcaldesa, Digna Rivas.

– Todas as actividades son de balde, organizadas pola concellería de Maiores que dirixe Iria Vilaboa. O programa ten como obxectivo “previr o deterioro físico e cognitivo das persoas maiores, mellorar a súa calidade de vida e fomentar as relacións sociais”. As actividades son “un éxito” e o número de participantes increméntase cada ano.

No mes de febreiro comezan os programas para maiores de 55 anos “Equilibrio Vital”, “Memoria Viva” e o de baile “Ritmo Vital”. As clases de baile son a novidade deste curso, e súmanse aos obradoiros de memoria e as clases de Tai Chi que se imparten desde hai anos. A modalidade de baile estreouse o pasado verán con clases ao aire libre e tivo unha gran acollida entre o público. “En resposta á demanda dos veciños e veciñas incorporamos o baile tamén ás actividades anuais”, explica a alcaldesa Digna Rivas. O Concello fai así un esforzo “para mellorar a calidade de vida dos nosos maiores”.

Estas actividades, que organiza a concellería de Maiores que dirixe Iria Vilaboa, impartiranse en 16 emprazamentos diferentes por todas as parroquias de Redondela. A alcaldesa sinala a importancia de que estas clases se impartan non só nos núcleos urbanos de Redondela e Chapela, senón tamén nas demais parroquias do municipios “para que todos os veciños e veciñas poidan acceder a estes servizos e teñan a oportunidade de participar nas actividades sen ter que desprazarse”. Todas as actividades son de balde, “para que todas as persoas o que o desexen poida asistir, independentemente da súa situación económica”. A rexedora salientou “a boa acollida destes cursos ano tras ano entre a veciñanza, que demanda estas actividades porque son un éxito rotundo”.

A concelleira, Iria Vilaboa, explica que os obradoiros que teñen como obxectivo “previr o deterioro físico e cognitivo das persoas maiores e mellorar a súa calidade de vida”. O número de participantes increméntase cada ano, con máis grupos en todas as parroquias. A valoración que fan os participantes é “moi boa”, xa que estas actividades permítenlles mellorar a nivel físico e mental, e ademais “fomentan as súas relacións sociais e melloran a calidade de vida”.

As clases de “Memoria Viva” celebraranse en 16 emprazamentos: Multiúsos Redondela, Multiúsos Chapela, A.VV. Soutoxuste – O Eixo, Escola Vella Saxamonde, CC Vilar, CC Quintela, CC Cidadelle, CC Cedeira, CCD Cesantes, CC Ventosela – Miñoteira, A.VV. Chapela, ADC Rande, CC Sto Estevo, CC Cabeiro, CC Saramagoso, SLC Reboreda.

Os cursos de Tai Chi “Equilibrio Vital” serán en: Pavillón A Marisma- Redondela, Pavillón González Soto- Chapela, Escola Vella Saxamonde, CC Quintela, CC Cedeira, CCR Chapela, SLC Reboreda, CC Ventosela (Miñoteira), CC Saramagoso, CC Cabeiro, CC Sto Estevo, CCD Cesantes, CC Vilar. As clases de baile “Ritmo Vital” serán nos pavillóns de Redondela e Chapela.

As persoas interesadas poden facer a súa reserva no Concello de Redondela do 22 ao 30 de xaneiro, ambos incluídos. As clases comezarán en todas as parroquias no mes de febreiro.

La entrada Arrancan os cursos para maiores coa novidade de clases de baile se publicó primero en Concello de Redondela.

– Esta semana rematan as actividades ao aire libre que ao longo do verán realizou a concellería de Maiores do Concello de Redondela. As clases de baile e tai chi, tanto en Redondela como en Chapela tiveron moito éxito entre os participantes, cunha gran afluencia de público nos meses de xullo e agosto.

-En setembro retómanse os cursos “Redondela Vital” e “Redondela en Forma”, unhas clases que se imparten en todas as parroquias e que nesta edición contan cuns 800 participantes. Todas as clases son de balde e impártense en 18 emprazamentos diferentes do municipio “para que todos os veciños e veciñas poidan acceder a estes servizos sen ter que desprazarse”, sinala a alcaldesa.

O Concello de Redondela, a través da concellería de Maiores, ten en marcha un ano máis os cursos dirixidos a persoas de máis de 55 anos. Trátase de actividades moi demandadas e que se imparten en todas as parroquias. Baixo o título Redondela Vital impártense clases de memoria para unha mente activa, e no curso Redondela en Forma os participantes practican ximnasia e exercicios de mantemento.

Non meses de verán, xullo e agosto, realizáronse actividades saudables ao aire libre. Á práctica habitual de tai chi sumouse como novidade o baile, unha actividade que tivo unha excelente acollida tanto en Chapela como na Alameda Castelao de Redondela. A alcaldesa, Digna Rivas, e a concelleira de Maiores, Iria Vilaboa, achegáronse onte á actividade na alameda para despedir as actividades de verán cos participantes. O 8 de setembro retómanse os curso en todas as parroquias. Rivas destaca a importancia de achegar estas actividades a toda a poboación “facilitando que poidan participar sen desprazarse da súa parroquia”.

A concelleira Iria Vilaboa explica que no curso “Redondela Vital” o obxectivo é previr o deterioro da memoria, polo que os participantes “practican xogos interactivos e diferentes exercicios que lles axudan a reforzar a memoria e a atención, e tamén incrementan a agudeza auditiva e visual, o que redunda nunha mellor calidade de vida”. No caso dos cursos “Redondela en Forma” a práctica de ximnasia e exercicios de mantemento ten moitos beneficios para os adultos maiores. Este exercicio moderado activa a circulación, mellora o ton muscular, diminúe niveis de tensións e alivia a dor articular. O éxito destas clases está asegurado, con máis alumnado cada ano, contando nesta edición cuns 800 participantes.

La entrada Máis de 800 maiores participan nos cursos do Concello “para unha vida activa” se publicó primero en Concello de Redondela.

-Este mes de febreiro púxose en marcha o programa dirixidos a maiores de 55 anos coas actividades “Redondela Vital” e “Redondela en Forma”, unhas clases que teñen moito éxito entre a veciñanz. Ante o incremento da demanda o Concello oferta cada ano máis prazas e fórmanse máis grupos nas diferentes parroquias, superando neste curso os 800 participantes.

– As clases son de balde e impártense en 18 emprazamentos diferentes do municipio. A alcaldesa, Digna Rivas, incide na importancia de que cursos se ofrezan non só nos núcleos urbanos de Redondela e Chapela, senón tamén nas demais parroquias “para que todos os veciños e veciñas poidan acceder a estes servizos sen ter que desprazarse”.

O Concello de Redondela, a través da concellería de Maiores, puxo en marcha un ano máis os cursos dirixidos a persoas de máis de 55 anos. Trátase de actividades moi demandadas e que se imparten en todas as parroquias. Baixo o título Redondela Vital impártense clases de memoria para unha mente activa, e no curso Redondela en Forma os participantes practican ximnasia e exercicios de mantemento.

A alcaldesa, Digna Rivas, lembra que estas actividades antes limitábanse a Redondela e Chapela, e que agora se imparten tamén no resto do termo municipal. A rexedora destaca a importancia de achegar estes cursos a toda a poboación “facilitando que poidan participar deles sen desprazarse da súa parroquia”. A demanda é cada vez maior, “polo que se ampliou o número de prazas con máis grupos para dar resposta a todas as solicitudes”.

A concelleira Iria Vilaboa explica que no curso “Redondela Vital” o obxectivo é previr o deterioro da memoria, polo que os participantes “practican xogos interactivos e diferentes exercicios que lles axudan a reforzar a memoria e a atención, e tamén incrementan a agudeza auditiva e visual, o que redunda nunha mellor calidade de vida”. Nesta actividade hai un total de 16 grupos nos que participan máis de 300 persoas. As clases comezaron esta semana no Multiúsos Redondela, Multiúsos Chapela, A.VV. Soutoxuste, Escola Vella Saxamonde, CC Vilar, CC Quintela, CC Cidadelle, CC Cedeira, CCD Cesantes, CC Ventosela Miñoteira, A.VV. Chapela, ADC Rande, CC Sto Estevo, CC Cabeiro, CC Saramagoso, SLC Reboreda.

No caso dos cursos “Redondela en Forma” a práctica de ximnasia e exercicios de mantemento ten moitos beneficios para os adultos maiores. Este exercicio moderado activa a circulación, mellora o ton muscular, diminúe niveis de tensións e alivia a dor articular. O éxito destas clases está asegurado, con máis alumnado cada ano. Esta semana estreouse o curso 2025 con preto de 500 participantes. A actividade impártese nos pavillóns da Marisma, o González Soto de Chapela, e na Escola Vella Saxamonde, CC Quintela, CC Cedeira, CCR Chapela, SLC Reboreda, CC Ventosela na Miñoteira, CC Saramagoso, CC Cabeiro, CC Sto Estevo, CCD Cesantes e CC Vilar.

La entrada Máis de 800 persoas participan nos cursos para maiores do Concello de Redondela se publicó primero en Concello de Redondela.

– Nos cursos de Memoria e Risoterapia participaron preto de 250 persoas e nas clases de de Tai Chi son máis de 350 os alumnos e alumnas. Todos estes cursos se realizan nas diferentes parroquias “para que toda a veciñanza poidan acceder a estes servizos de maneira gratuíta, e teñan a oportunidade de asistir sen ter que desprazarse”, explica a alcaldesa Digna Rivas.

– A alcaldesa agradeceu a todo o alumnado a súa participación nestes obradoiros que teñen como obxectivo “previr o deterioro físico e cognitivo e mellorar a súa calidade de vida”.

O Multiúsos da Xunqueira acolleu onte a clausura dos cursos de Memoria, Risoterapia e Tai Chi que organiza a concellería de Maiores ns diferentes parroquias do municipio. A alcaldesa de Redondela, Digna Rivas, e a concelleira Iria Vilaboa, agradeceron a todo o alumnado a súa participación nestes obradoiros que teñen como obxectivo “previr o deterioro físico e cognitivo das persoas maiores e mellorar a súa calidade de vida”. No acto participou tamén Pilar Martínez, quen ata o pasado mes de outubro era a responsable municipal desta área. A alcaldesa incidiu na importancia de que estas clases se impartan non só nos núcleos urbanos de Redondela e Chapela, senón tamén nas demais parroquias do municipios “para que todos os veciños e veciñas poidan acceder a estes servizos e teñan a oportunidade de participar nas actividades sen ter que desprazarse”. Estas actividades son de balde, para que todo o que o desexe poida asistir, independentemente da súa situación económica.

Con respecto ao ano pasado incrementouse o número de participantes, con máis grupos en todas as parroquias do municipio. Nos cursos de Memoria e Risoterapia participaron preto de 250 persoas en 14 grupos repartidos por todas as parroquias do municipio. No caso de Tai Chi son máis de 350 os alumnos e alumnas que asisten ás clases. O obxectivo era chegar “ao maior número posible de xente en todas as parroquias, para favorecer a participación de todas as persoas e evitar que tiveran que desprazarse”. Rivas cualifica como un “éxito rotundo” este programa para maiores, porque a resposta tanto do alumnado como dos profesionais que imparten as clases “é moi positiva, e todos e todas teñen gañas de seguir con máis actividades de cara ao curso que vén”. A valoración que fan os participantes é “moi boa, xa que non só melloran a nivel físico e mental, senón tamén nas súas relacións sociais”.

No auditorio da Xunqueira recibiron os seus diplomas todos os que puideron acudir da man da alcaldesa e a concelleira, xunto coa educadora social María Martínez, e compartiron logo un café para despedir o curso.

La entrada O alumnado dos cursos de maiores recibe os seus diplomas se publicó primero en Concello de Redondela.

-A concellería de Maiores pon en marcha un ano máis cursos dirixidos a persoas de máis de 55 anos. A alcaldesa, Digna Rivas, sinala que estas clases teñen como obxectivo “mellorar a calidade de vida dos participantes con actividades que promoven o benestar físico, mental e social”.

– Os cursos, que son de balde, impartiranse nos multiúsos de Redondela e Chapela. O prazo de inscrición estará aberto entre o 2 e o 13 de setembro. As clases comezarán o 18 de setembro.

-A concelleira Pilar Martínez explica que nestes cursos os participantes “desenvolverán experiencias sensoriais, xogos interactivos e diferentes exercicios que lles axudarán a reforzar a atención, incrementar a agudeza auditiva e visual e previr o deterioro da memoria, o que redunda nunha mellor calidade de vida”.

O Concello de Redondela, a través da concellería de Maiores, pon en marcha un ano máis os cursos dirixidos a persoas de máis de 55 anos. A alcaldesa, Digna Rivas, sinala que se trátase de actividades “moi demandadas pola veciñanza”. Baixo o título “Corpo e mente” os cursos teñen como obxectivo “mellorar a calidade de vida dos participantes a través de exercicios que promoven o benestar físico, mental e social”. A concelleira Pilar Martínez explica que estes cursos inclúen tanto exercicios de movemento “con exercicios físicos suaves de coordinación, equilibrio e estiramentos”, como tamén talleres de memoria “para reforzar a capacidade de atención e as funcións cognitivas en xeral”. Tamén se inclúen obradoiros de autocoidado e xestión emocional “co reforzo de recursos e habilidades para mellorar a autoestima e valoración persoal”.

O prazo de inscrición para estes cursos, que son de balde, estará aberto entre o 2 e o 13 de setembro. As clases comezarán o 18 de setembro. No Multiúsos da Xunqueira impartiranse os mércores de 9.30 a 10.45 horas, e os venres haberá dous grupos, de 9.30 a 10.45 horas e outro de 11.00 a 12.15 horas. No Multiúsos do Piñeiral de Chapela será os xoves, cun grupo de 10.00 a 11.15 e outro de 11.30 a 12.45 horas. Os requisitos para poder participar é ser maior de 55 anos e estar empadroado en Redondela. A inscrición pode facerse no propio Concello de Redondela ou no departamento de Servizos Sociais de Chapela. Para máis información poden dirixirse ao teléfono 986.400.300 ou ao enderezo electrónico concello@redondela.gal.

Na segunda quincena de setembro abrirase tamén o prazo de inscrición para os cursos de Tai Chi, que comezarán a impartirse no mes de outubro.

La entrada Novos cursos para maiores “Corpo e mente” se publicó primero en Concello de Redondela.