– A Alameda Castelao acolle a IV edición do certame “Espallar Tinta”, no que participan preto de 700 escolares de Infantil de Primaria dunha ducia de colexios. “A volta ao mundo”, a literatura de Jules Verne ou a poesía de Rosalía de Castro foron algúns dos temas que amosaron ao público.

– A alcaldesa, Digna Rivas, agradeceu a todos os centros a súa participación nesta feira na que o propio alumnado dá a coñecer as súas producións escritas en lingua galega. Para a alcaldesa é moi importante “facilitar espazos ao aire libre e abertos ao público onde os nenos e nenas poidan expresarse e amosar o seu traballo”. A rapazada puido gozar tamén do espectáculo do Show de Fifo.

“Espallar Tinta” chega á súa IV edición co obxectivo cumprido: “promover a dinamización da escritura e a literatura en galego na infancia”. Preto de 700 nenos e nenas dos diferentes centros de Educación Primaria e Infantil de Redondela danse cita na Alameda Castelao durante dous días para participar nesta fermosa iniciativa. Onte participou o alumnado dos colexios de Cedeira, Ventosela, Alexandre Bóveda, EEI Marisma, Quintela e Colexio Vigo. Como novidade, nesta edición participou como convidado o CEIP Doutor Suárez, de Fornelos de Montes. Hoxe estarán os centros Igrexa-Chapela, Santa Mariña, Outeiro das Penas, San Pedro de Cesantes, Reboreda, e repiten Cedeira e Alexandre Bóveda. Como cada ano os colexios presentan orixinais traballos. Puidemos coñecer diferentes países coa “Volta ao mundo en 80 días”, e outras novelas de Jules Verne, así como poesía de Rosalía de Castro, entre outras propostas. Como en edicións anteriores tamén participaron as Bibliotecas Municipais de Redondela e Chapela.

A alcaldesa, Digna Rivas, explica que “Espallar Tinta” é unha feira na que o propio alumnado dá a coñecer as súas producións escritas. Nestas dúas xornadas a infancia é a protagonista. Para a alcaldesa é moi importante “facilitar espazos ao aire libre e abertos ao público onde os nenos e nenas poidan expresarse con seguridade e amosar o seu traballo”. O concelleiro de Ensino, Alberto Álvarez, salientou tamén a importancia de actividades como esta “para favorecer a convivencia entre o alumnado e profesorado dos diferentes centros, e poder compartir proxectos e experiencias”. E para facer deste “Espallar Tinta” unha festa completa, a rapazada puido gozar do espectáculo “O Show de Fifo”, de Troula Animación, con maxia, xogos e moito humor. Todos os participantes recibiron tamén por parte do Concello un fermoso caderno serigrafiado coa mascota do evento.

“Espallar Tinta” é unha actividade financiada polo Concello de Redondela que partiu da iniciativa do CEIP Cedeira. A alcaldesa agradeceu o gran traballo deste centro, da súa ANPA, e da profesora Jessica Rodriguez Piñeiro “na organización dun evento desta magnitude”.

La entrada De Jules Verne a Rosalía: 700 nenos e nenas amosan as súas creacións literarias nas xornadas “Espallar tinta” se publicó primero en Concello de Redondela.

– A Alameda Castelao acolleu a presentación dos traballos feitos en galego por máis de 700 escolares. Poesías, as lendas de Redondela, a obra de Rosalía de Castro ou os animais mariños foron algúns dos temas que deron a coñecer. Nenos e nenas viviron unhas interesantes xornada de convivencia e gozaron do concerto de “Pakolas”.

– A III edición das xornadas “Espallar Tinta” encheu a Alameda Castelao durante dous días coa rapazada dos CEIP Cedeira, Outeiro das Penas, Alexandre Bóveda, Porto Cabeiro, Reboreda, Ventosela, Santa Mariña, San Pedro, Laredo, Igrexa, Quintela e Colexio Vigo. Esta actividade, financiada polo Concello de Redondela, é unha iniciativa do CEIP Cedeira.

A Alameda Castelao acolleu nas xornadas de onte xoves e hoxe venres a III edición das xornadas “Espallar Tinta”. Uns 700 nenos e nenas dos colexios de Redondela deron a coñecer os traballos literarios que realizaron durante o curso en lingua galega. Xornais, poesías, historias e lendas de Redondela, investigacións sobre interesantes animais mariños ou a obra de Rosalía foron algunhas das creacións que se expuxeron ao público. A alcaldesa de Redondela, Digna Rivas, e o concelleiro de Ensino, Iván Villar, déronlle a benvida á rapazada de diferentes cursos dos CEIP Cedeira, Outeiro das Penas, Alexandre Bóveda, Porto Cabeiro, Reboreda, Ventosela, Santa Mariña, San Pedro, Laredo, Igrexa, Quintela e Colexio Vigo.

Estas xornadas serven para dar visibilidade á infancia e a todo aquilo que escriben e queren compartir. Para a alcaldesa Digna Rivas “é moi importante facilitar espazos ao aire libre e abertos ao público onde os nenos e nenas poidan expresarse e ensinar o seu traballo”. O concelleiro de Ensino, Iván Valles, salientou tamén a importancia de actividades como esta para favorecer “a convivencia entre o alumnado e profesorado dos diferentes centros, e poder compartir proxectos e experiencias”.

Nenos e nenas viviron unha interesante xornada de convivencia, aprenderon moito e gozaron dos concertose rock infantil con “Pakolas”. Todos os participantes reciben tamén por parte do Concello un fermoso caderno serigrafiado co cartel do evento.

“Espallar Tinta” é unha actividade financiada polo Concello de Redondela que partiu da iniciativa do CEIP Cedeira. A alcaldesa agradeceu o gran traballo deste centro, da súa ANPA, e da profesora Jessica Rodriguez Piñeiro “na organización dun evento desta magnitude”.

La entrada 700 nenos e nenas expoñen as súas creacións literarias nas xornadas “Espallar Tinta” se publicó primero en Concello de Redondela.

– A Alameda Castelao será este xoves e venres un gran escaparate cos traballos de máis de 700 escolares redondeláns de Educación Infantil e Primaria. Trátase dunh actividade en prol da escritura en galego feita por nenos e nenas para compartir con toda a comunidade educativa. Os participantes gozarán dos concertos de “Pakolas”. O Concello de Redondela financia esta actividade e colabora co CEIP de Cedeira na organización. 

Máis de 700 nenos e nenas dos diferentes centros de Educación Primaria e Infantil de Redondela participan esta semana no programa Espallar Tinta. A Alameda de Castelao acollerá o xoves e venres esta actividade para promover a dinamización da escritura e a literatura na infancia.

Espallar Tinta recolle durante dous días os proxectos de escolares e profesorado nunha feira na que o propio alumnado dá a coñecer as súas producións escritas. Xornais, contos ou poemas son algúns dos traballos que se darán a coñecer. Nestas dúas xornadas darase visibilidade á infancia e a todo aquilo que escriben e queren compartir. Para a alcaldesa Digna Rivas “é moi importante facilitar espazos ao aire libre e abertos ao público onde os nenos e nenas poidan expresarse con seguridade e ensinar o seu traballo”. O concelleiro de Ensino, Iván Valles, salientou tamén a importancia de actividades como esta para favorecer “a convivencia entre o alumnado e profesorado dos diferentes centros, e poder compartir proxectos e experiencias”. E para facer deste “Espallar Tinta” unha festa completa, os dous días teremos concerto de rock infantil con “Pakolas”.

O Concello de Redondela corre con todos os gastos da actividade, así como o traslado do alumnado ata a Alameda Castelao, e colabora co CEIP plurilingüe de Cedeira na organización. A alcaldesa agradeceu á profesora Jessica Rodriguez Piñeiro o seu traballo “na organización dun evento desta magnitude”.

Imaxes: Edición das xornadas “Espallar Tinta” de 2024

La entrada A rapazada encherá a Alameda Castelao de escritura en galego nunha nova edición de “Espallar Tinta” se publicó primero en Concello de Redondela.