– A XII Conmemoración da Batalla de Rande celebrarase os días 11 de outubro na vila de Redondela cun desfile e o 18 e 19 na contorna do museo Meirande. A cita, que recrea a batalla naval de 1702, contará cun mercado tradicional, obradoiros de oficios antigos, concentración de embarcacións tradicionais e recreacións teatrais.

– A alcaldesa Digna Rivas, veciña da parroquia, agradeceu “o gran traballo da ACD Rande nesta conmemoración xunto coa veciñanza e persoas voluntarias”. Rivas salientou tamén “a excelente posta en escena” da directora teatral Mónica Sueiro, na que participan actores profesionais e unha vintena de veciños e veciñas afeccionados.

Un ano máis Rande revive unha das batallas navais máis importantes da historia, a que enfrontou en 1702 as tropas angloholandesas e hispanofrancesas na ría de Vigo. A XII Conmemoración da Batalla de Rande celebrarase os días 11 de outubro na vila de Redondela e o 18 e 19 en Rande. O exterior do museo Meirande acolleu onte a presentación desta festa, que une cultura, historia e tradición. O presidente da asociación, Pedro Otero, presentou o acto no que participaron Carmen Pita, directora de Promoción de la Axencia de Turismo de Galicia, Jorge Cubela, responsable de Cultura na Deputación de Pontevedra, a alcaldesa Digna Rivas, e a concelleira de Cultura Rita Pérez Táboas.

Como alcaldesa e como veciña da parroquia, Rivas, agradeceu “o gran traballo da ACD Rande, que ao longo de todo o ano prepara esta conmemoración xunto coa veciñanza e persoas voluntarias”. Rivas salientou tamén da “excelente posta en escena” da directora teatral Mónica Sueiro, que un ano máis se encarga das representacións con actores profesionais e unha vintena de veciños e veciñas afeccionados.

A rexedora local lembrou que este episodio histórico fixo da nosa ría un lugar coñecido no mundo enteiro, “que lembra a forza, a resistencia e a identidade da xente desta terra”. Esta festa é unha das representacións históricas máis importantes do sur da provincia.

O sábado día 11 celebrarase o desfile polas rúas do centro da vila ás 18.30 da tarde, que rematará na praza da Torre. O día 18 haberá actividades ao longo de todo o día na contorna do museo Meirande con mercado tradicional, obradoiros de oficios como olaría ou acuñado de moedas, concentración de embarcacións tradicionais e representacións teatrais. Sueiro explicou que haberá “petiscos teatrais” fieis á historia da batalla de Rande e que recrearán tamén escenas cotiás da época. O domingo, tamén na contorna do Meirande, repetirase o mercado, os obradoiros e as representacións teatrais, coa última función ás 13.30 horas.

A alcaldesa convidou a toda a xente de Redondela e bisbarra a achegarse a esta celebración, á que o Concello destina este ano unha subvención de 22.000 “o que constata o compromiso do Concello con Rande, coa súa historia e a súa xente”.

La entrada Redondela, capital das festas históricas coa XII Conmemoración da Batalla de Rande se publicó primero en Concello de Redondela.

Centos de persoas ateigaron a carpa da XXXVII Festa do Choco, nunha xornada gastronómica na que non faltou a boa música e o humor. O delicioso choco non defraudou aos asistentes, que o degustaron en empanada, á prancha, na súa tinta con arroz, ou en croquetas, entre outras saborosas elaboracións. A xornada comezou co pregón, a cargo do actor e presentador Rafa Durán, quen se encargou de poñer a nota de humor á xornada e mesmo fixo cantar aos asistentes ao ritmo de “choco-choco”. A alcaldesa, Digna Rivas, puxo en valor o traballo conxunto de “mariñeiros, hostaleiros e todas as persoas que fan posible esta festa, que consolida a Redondela como referente na promoción dos produtos do mar galegos”. Lembrou que o choco da enseada de San Simón é “o mellor choco do mundo” e que está “no ADN” de todos os redondeláns, “por iso nos coñecen como choqueiros e choqueiras”. Rivas convidou ao público a gozar da festa, a gastronomía e a cultura de Redondela e as súas parroquias, “con moitos lugares fermosos que vos van sorprender”.

A programación musical é outro dos pratos fortes desta festa, que despois do éxito da verbena do venres co Combo Dominicano, onte sábado puxo a bailar ao público con Airiños de San Simón, Tato nos Ten, o tributo a U2 Zen Garden e os picadiscos Rodri Vegas e Enter. Hoxe domingo as actuacións da mañá estiveron protagonizadas pola Bande de Música de Chapela e o Carballo das Ce Pólas, e pola tarde será a quenda da Rondalla de Redondela, ás 18.00 horas, e a Orquestra Gran Parada ás 21.00.

La entrada Éxito de público na XXXVII Festa do Choco coa mellor gastronomía, música e humor se publicó primero en Concello de Redondela.