O Concello de Redondela incorpora este mes once novos traballadores e traballadoras para os servizos de Vías e Obras, Limpeza, Parques e Xardíns, Medio Ambiente e Turismo. Son sete peóns, tres técnicos de Turismo e un electricista. A alcaldesa, Digna Rivas, e a concelleira de Persoal, Rita Pérez Táboas, recibiu esta mañá no Concello aos novos empregados e empregadas. Rivas deulles a benvida agardando que esta nova etapa profesional sexa unha experiencia enriquecedora tanto para os traballadores e traballadoras como para o municipio, que verá reforzados o seus servizos á cidadanía.

A contratación foi realizada desde Concello a través do plan +Provincia da Deputación para a activación do emprego xa que está dirixido a persoas desempregadas.

La entrada Redondela incorpora once novos traballadores e traballadoras se publicó primero en Concello de Redondela.

Unha das limpezas realizadas o ano pasado

– O 1 de abril comezan os traballos de roza e limpeza en Cesantes, logo as brigadas desprazaranse ao Viso e Ventosela. Os traballos continuarán ata finais de xuño para deixar a punto os camiños municipais de todas as parroquias.

– As tarefas de roza e limpeza faranse dúas veces ao ano. Agora comeza a primeira, no trimestre de abril a xuño, e a segunda roza será entre setembro e novembro. Os traballos permitirán tamén cumprir coa normativa de prevención e defensa contra os incendios forestais.

-“O obxectivo deste contrato histórico que comezou o ano pasado é que todos os camiños das parroquias e as súas marxes estean en perfectas condicións todo o ano”, explica a alcaldesa Diga Rivas.

Todos os camiños municipais lucirán en perfecto estado antes de que comece o verán. O contrato “histórico” adxudicado polo Concello de Redondela en 2024 permite realizar traballos de roza e limpeza nas 13 parroquias dúas veces ao ano. A empresa Naturgalia, responsable do servizo, comezará o 1 de abril coa primeira das limpezas en Cesantes, e continuarán despois no Viso e Ventosela. Logo continuarán polo resto das parroquias do municipio “para manter as estradas e camiños libres de maleza e en perfecto estado para o seu uso”, explica a alcaldesa Digna Rivas. Os traballos permitirán tamén cumprir coa normativa de prevención e defensa contra os incendios forestais.

Tal como aconteceu por primeira vez en 2024, as tarefas de roza e limpeza faranse dúas veces ao ano en todos os camiños públicos de Redondela, cunha primeira fase entre os meses de abril e xuño e unha segunda roza no trimestre de setembro a novembro. “O obxectivo deste contrato histórico é que todos os camiños das parroquias e as súas marxes estean en perfectas condicións todo o ano”, explica Rivas. Trátase dunha “aposta decidida” da rexedora local “pola mellora da calidade de vida nas parroquias” cun servizo de limpeza que se foi ampliando e mellorando nos últimos anos.

Os traballos deixarán os camiños e as súas marxes despexados, rozados e limpos, o que inclúe a maleza, herbas e arbustos tanto nos camiños como nas beiravías e noiros. Os operarios retiran todo o lixo e restos vexetais e fan unha a limpeza a fondo das cunetas con maquinaria especializada. As brigadas limpan os caños e sistemas de drenaxe obstruídos por vexetación ou outros residuos e retiran todo o lixo acumulado permitir unha boa evacuación da auga.

Desperdicios como bolsas plásticas, papeis, latas ou botellas que se atopen durante os labores de limpeza tamén son retirados e Naturgalia encárgase do transporte de todo os residuos, así como da súa clasificación, xestión e tratamento segundo a normativa medioambiental.

O contrato, por dous anos, licitouse por un importe de 989.268 euros e podería prorrogarse dous anos máis, de xeito anual.

La entrada Comezan os traballos de roza nos camiños municipais de Cesantes se publicó primero en Concello de Redondela.

Operarios traballando na parroquia de Cedeira

– A segunda limpeza anual dos camiños municipais de Redondela comezou en setembro e rematará antes de finalizar o ano. A alcaldesa, Digna Rivas, destaca que “por primeira vez as tarefas de roza e limpeza fanse dúas veces ao ano en todos os camiños públicos de Redondela”.

– Esta segunda fase de limpeza, que inclúe a retirada de todo o lixo acumulado nas cunetas, permite unha boa evacuación da auga. Deste xeito evítase os asolagamentos na época de chuvias. Rivas sinala que son uns traballos “moi necesarios” xa que hai máis dunha década que non se facía unha limpeza a fondo das cunetas.

Os traballos de roza de camiños municipais están a realizarse por fases nas diferentes parroquias de Redondela. A empresa Naturgalia, adxudicataria do servizo, realiza desde setembro a segunda campaña anual de limpeza. Os traballos inclúen tanto a retirada da maleza e restos vexetais como a limpeza a fondo das cunetas con maquinaria especializada. A brigada retira todo o lixo acumulado nas beiravías para permitir unha boa evacuación da auga. Os operarios limpan os caños e sistemas de drenaxe obstruídos por vexetación ou outros residuos. Isto evitará atascos e facilitará a evacuación da auga da chuvia. A alcaldesa, Digna Rivas, sinala que se trata duns traballos “moi necesarios” xa que hai máis dunha década que non se realizaba unha limpeza a fondo das cunetas.

Por primeira vez as tarefas de roza e limpeza fanse dúas veces ao ano en todos os camiños públicos de Redondela. A primeira fase realizouse entre xuño e agosto. A segunda limpeza é a que está a facerse actualmente e rematará antes de que finalice o ano. “O obxectivo deste contrato histórico é que todos os camiños das parroquias e as súas marxes estean en perfectas condicións todo o ano”, explica Rivas. Trátase dunha “aposta decidida” da rexedora local “pola mellora da calidade de vida nas parroquias” cun servizo de limpeza que se foi ampliando e mellorando nos últimos anos. O contrato, por dous anos, licitouse á empresa Naturgalia por un importe de 989.268 euros. O contrato podería prorrogarse dous anos máis, de xeito anual, ata un importe máximo de 1.978.536 euros para os catro exercicios.

La entrada Segunda fase de roza e limpeza nos camiños para evitar inundacións se publicó primero en Concello de Redondela.

– Entre os residuos que atoparon no areal había moitos envases de plástico de todos os tamaños, vasos, tapóns, botellas, material de pesca, vidro, toalliñas e outros produtos de hixiene, ademais dunha lámpada de gran tamaño.

– O concelleiro de Infraestruturas e Sostibilidade, Roberto Villar, e o de Ensino, Iván Valles, acompañaron nesta xornada aos rapaces e rapazas. Villar explicoulles a orixe de moitos destes residuos, “que acaban nas praias porque alguén non fixo unha xestión correcta dese obxecto”.

Redondela participou na XIII Limpeza Simultánea de Praias promovida por Adega. Foi na xornada de onte co alumnado do IES Mendiño e a colaboración do Concello de Redondela, que achegou material para a limpeza e xestionou a recollida dos residuos. Máis de 80 alumnos de 3º e 4º da ESO xunto co seu profesorado percorreron esta mañá a praia da Punta, en Cesantes, para recoller lixo. Entre os residuos que atoparon no areal había moitos envases de plástico de todos os tamaños, vasos, tapóns, botellas, material de pesca, vidro, toalliñas e outros produtos de hixiene como compresas e aplicadores de tampóns, e ata uha lámpada de gran tamaño. O concelleiro de Infraestruturas e Sostibilidade, Roberto Villar, e o de Ensino, Iván Valles, acompañaron nesta xornada aos rapaces e rapazas. Villar explicoulles a orixe de moitos destes residuos, “que acaban nas praias porque alguén non fixo unha xestión correcta dese obxecto”. Nalgúns casos os restos proceden da actividade pesqueira, restos de aparellos ou elementos que se desprenden das bateas. En moitas ocasións son residuos domésticos que acaban nos ríos e no mar “porque en lugar de botalos no colector do lixo, a xente tíraos polo inodoro”. O edil advertiu tamén que o lixo que botamos no chan pode acabar no mar “ao caer polos sumidoiros de augas pluviais, ou ben porque vai parar aos ríos”. Despois son as correntes mariñas as que se encargar de arrastrar todo ese lixo ata as praias. O responsable de Sostibilidade lembroulle á rapazada “a importancia de depositar todo o refugallo nos colectores correspondentes, e non deixalo nunca no medio natural”.

Tanto Roberto Villar como Iván Valles agradeceron ao alumnado e aos docentes a súa participación nesta actividade. Desde o Concello aplauden tamén que a xornada de educación ambiental fora totalmente sostible, xa que todo o grupo se desprazou desde o IES Mendiño ata a praia a pé.

La entrada Redondela participa nunha limpeza de praias co alumnado do IES Mendiño se publicó primero en Concello de Redondela.

– Os traballos de roza dos camiños municipais contratados polo Concello de Redondela remataron xa nas parroquias de Cesantes, Cabeiro, Trasmañó e Vilar. Esta semana quedarán rematados tamén no Viso e Chapela. En total son 138,75 quilómetros de camiños rozados desde que comezaron os traballos no mes de xuño.

– A limpeza das cunetas realízase nunha segunda fase con maquinaria especializada e retírase o lixo acumulado para permitir unha boa evacuación da auga.. Actualmente a brigada traballa en Vilar, e proseguirá polo resto de parroquias en vindeiras semanas. A alcaldesa, Digna Rivas, sinala que son uns traballos “moi necesarios” xa que hai máis dunha década que non se facía unha limpeza a fondo das cunetas.

– No mes de agosto rematará a primeira fase de roza e limpeza en todas as parroquia. En setembro comezará a segunda limpeza anual, que se prolongará ata novembro. Rivas destaca que “por primeira vez as tarefas de roza e limpeza faranse dúas veces ao ano en todos os camiños públicos de Redondela”.

Os traballos de roza e limpeza de camiños municipais están a realizarse por fases nas diferentes parroquias de Redondela. A empresa Naturgalia, adxudicataria do servizo, rematou xa as rozas nas parroquias de Cesantes, Cabeiro, Trasmañó e Vilar. Esta semana quedarán rematados tamén no Viso e Chapela. En total son 138,75 os quilómetros rozados e limpos desde que comezaron os traballos no mes de xuño. Ao longo desta semana as brigadas realizarán traballos de roza e limpeza na parroquia de Quintela. No vindeiro mes de agosto os operarios desprazaranse a facer as rozas ás parroquias de Santo Estevo de Negros, Ventosela, Reboreda, Saxamonde e Cedeira.

Limpeza a fondo das cunetas

A limpeza das cunetas realízase nunha segunda fase con maquinaria especializada. A brigada retira todo o lixo acumulado nas beiravías para permitir unha boa evacuación da auga. Os operarios limpan os caños e sistemas de drenaxe obstruídos por vexetación ou outros residuos. Isto evitará atascos e facilitará a evacuación da auga da chuvia. A alcaldesa, Digna Rivas, sinala que se trata duns traballos “moi necesarios” xa que hai máis dunha década que non se realizaba unha limpeza a fondo das cunetas. A alcaldesa, xunto cos concelleiros Pedro Villaverde e Iria Vilaboa supervisou esta mañá a limpeza das cunetas que está a realizarse actualmente en Vilar, e proseguirá polo resto de parroquias nas vindeiras semanas.

Segunda limpeza anual en setembro

Por primeira vez as tarefas de roza e limpeza faranse dúas veces ao ano en todos os camiños públicos de Redondela. A primeira fase, que comezou en xuño, rematará en agosto. A segunda limpeza anual realizarase entre os meses de setembro e novembro. “O obxectivo deste contrato histórico é que todos os camiños das parroquias e as súas marxes estean en perfectas condicións todo o ano”, explica Rivas. Trátase dunha “aposta decidida” da rexedora local “pola mellora da calidade de vida nas parroquias” cun servizo de limpeza que se foi ampliando e mellorando nos últimos anos. O contrato, por dous anos, licitouse á empresa Naturgalia por un importe de 989.268 euros. O contrato podería prorrogarse dous anos máis, de xeito anual, ata un importe máximo de 1.978.536 euros para os catro anos.

La entrada Os traballos de roza limparon xa máis de 138 quilómetros de camiños municipais se publicó primero en Concello de Redondela.

– Desde o 15 de xuño e ata o 15 de setembro os areais de Cesantes e Arealonga contarán con servizo de socorristas e limpeza diaria tanto nas praias como na súa contorna. Por primeira vez a praia dos Penedos, en Chapela, terá limpeza diaria, e amplíase en Soutoxuste e Rande con tres días á semana.

– A alcaldesa, Digna Rivas, destaca o esforzo que se fai desde o Concello para que estes servizos estean operativo xa a mediados de xuño “adiantándonos á temporada alta de verán para que a veciñanza poida gozar das praias nas mellores condicións”.

O Concello de Redondela inaugura oficialmente esta fin de semana a temporada de praias. A partir de 15 de xuño e ata o 15 de setembro os areais da praia da Punta, en Cesantes, e de Arealonga, e Chapela, contarán con socorristas e servizo de limpeza todos os días. Os traballos inclúen tamén os paseos de Cesantes, Jesús Durán Troncoso e Cardona, os accesos, aparcadoiros, zonas verdes e espazos de xogos adxacentes. Por primeira vez a praia dos Penedos, en Chapela, tamén terá limpeza diaria, e amplíanse os días de limpeza en Soutoxuste e Rande, con tres días á semana, e na praia de Cabanas, en Trasmañó, dous días á semana.

A concelleira de Medio Ambiente, Pilar Martínez, destaca que este ano “comezamos moito antes esta campaña de limpeza para garantir que os areais e a súa contorna estean limpos e en perfectas condicións para o uso da veciñanza”. As labores de limpeza realizaranse tendo en conta a conservación do medio natural, “sen afectar ao equilibrio ecolóxico das praias e respectando sempre a fauna e flora da contorna”. No caso das algas mariñas, argazos e restos vexetais, a retirada será “de xeito manual e de acordo coa normativa vixente, xa que son compoñentes naturais do ecosistema mariño”. Estes traballos na temporada de verán súmanse ás tarefas de mantemento que durante todo o ano se realizan nos areais. Ao longo do inverno e na primavera fixéronse limpezas para retirar o lixo arrastrado polos temporais, e puxéronse a punto os paseos e o mobiliario urbano “que resultaron moi danados polos temporais deste inverno” explica Martínez.

Servizo de Socorristas nas praias de Arealonga e Cesantes

O servizo de socorrismo e salvamento comezará esta fin de semana nas praias de Arealonga e Cesantes. Os socorristas estarán nos areais os tres meses de verán, entre o 15 de xuño e o 15 de setembro, todos os días, incluídos festivos, en horario continuado, de 12:00 a 20:00 horas. A alcaldesa, Digna Rivas, destaca o esforzo que se fai desde o Concello para que este servizo estea operativo xa a mediados de xuño “adiantándonos á temporada alta de verán para que a veciñanza poida gozar das nosas praias nas mellores condicións e con total seguridade ”.

O servizo inclúe tamén dúas cadeiras anfibias que estarán dispoñibles para os usuarios na praia de Cesantes e unha para Arealonga “para favorecer que as persoas con mobilidade reducida poidan gozar dos nosos areais e do baño con todas as comodidades e garantías”. O persoal do servizo de socorrismo asistirá ás persoas que o precisen tanto para o acceso á praia como á zona de baño.

As funcións de vixilancia e salvamento con embarcacións “farase por toda a zona de costa de Redondela, tanto nas áreas de Arealonga e Cesantes como en Cabanas, Rande e Penedos”, explica Rivas. O servizo contará con dúas embarcacións, polo que unha terá a súa base na zona de Chapela e a outra na zona de Cesantes “e realizarán de labores de vixilancia ao longo de toda a zona costeira próxima as praias, de maneira coordinada”.

La entrada Redondela abre esta fin de semana a temporada de praias co servizo de socorristas e limpeza diaria se publicó primero en Concello de Redondela.

– A empresa adxudicataria do contrato, Naturgalia, comezou onte os traballos de roza e limpeza en Cesantes, para continuar nas próximas semanas polo resto de parroquias.

– Por primeira vez as tarefas de roza e limpeza faranse dúas veces ao ano en todos os camiños públicos de Redondela, cunha primeira fase neste mes de xuño e unha segunda roza entre setembro e novembro.

-“O obxectivo deste contrato histórico é que todos os camiños das parroquias e as súas marxes estean en perfectas condicións todo o ano”, explica a alcaldesa Diga Rivas.

Os camiños municipais lucirán en perfecto estado este verán, unha vez comezou xa a traballar a empresa adxudicataria do contrato “histórico” adxudicado polo Concello de Redondela para os traballos de roza e limpeza nas 13 parroquias. A empresa Naturgalia, responsable do servizo, comezou onte os traballos en Cesantes “para manter as estradas e camiños libres de maleza e en perfecto estado para o seu uso”. Logo continuarán polo resto das parroquias do municipio. Os traballos permitirán tamén cumprir coa normativa de prevención e defensa contra os incendios forestais.

Por primeira vez as tarefas de roza e limpeza faranse dúas veces ao ano en todos os camiños públicos de Redondela, cunha primeira fase neste mes de xuño e unha segunda roza entre setembro e novembro. “O obxectivo deste contrato histórico é que todos os camiños das parroquias e as súas marxes estean en perfectas condicións todo o ano”, explica a alcaldesa Diga Rivas. Trátase dunha “aposta decidida” da rexedora local “pola mellora da calidade de vida nas parroquias” cun servizo de limpeza que se foi ampliando e mellorando nos últimos anos.

O contrato, por dous anos, licitouse por un importe de 989.268 euros. O contrato podería prorrogarse dous anos máis, de xeito anual, ata un importe máximo de 1.978.536 euros para os catro anos.

Os traballos deixarán os camiños e as súas marxes despexados, rozados e limpos, o que inclúe a maleza, herbas e arbustos tanto nos camiños como nas beiravías e noiros. Retirarase todo o lixo acumulado nas beiravías e gabias para permitir unha boa evacuación da auga, o que evitará atascos e facilitará a evacuación da auga da chuvia. Desperdicios como bolsas plásticas, papeis, latas ou botellas que se atopen durante os labores de limpeza tamén están a ser retirados. Naturgalia tamén se encarga da recollida e transporte de todo o material procedente das rozas e limpezas, así como a súa clasificación, xestión e tratamento segundo a normativa medioambiental.

La entrada Comezan os traballos de roza nos camiños municipais de Cesantes se publicó primero en Concello de Redondela.