La entrada FESTA DOS MAIOS 2026 se publicó primero en Concello de Redondela.

– As asociacións e colectivos interesados teñen ata o 21 de abril para anotarse no rexistro municipal ou na sede electrónica. A alcaldesa, Digna Rivas, destacou a importancia de manter viva esta herdanza: “Os Maios son moito máis que esculturas vexetais; son resultado do traballo colectivo e a ilusión de moitas xeracións. Convidamos a toda a veciñanza a vivir a festa”.

– O Goberno local mantén a súa aposta pola tradición consolidando as axudas de 200 euros por cada maio participante, ademais de premios en metálico para os tres mellores dotados de 200, 250 e 300 euros en cada unha das catro categorías.

Redondela prepárase para recibir a primavera coa súa emblemática Festa dos Maios, unha das citas máis senlleiras do calendario cultural galego. O Concello vén de anunciar a apertura do prazo de inscrición para o concurso de figuras e coplas, convidando a toda a veciñanza, asociacións e colectivos a ser partícipes desta explosión de arte natural e retranca que terá o seu día grande o vindeiro 1 de maio.

Tras o éxito acadado en edicións anteriores, o Concello reafirma o seu apoio a esta tradición mantendo a contía das axudas directas por participación. Así, cada grupo que presente un maio ao concurso recibirá unha subvención de 200 euros, co obxectivo de sufragar os gastos de elaboración e fomentar que ningunha parroquia quede sen representación.

A alcaldesa, Digna Rivas, destacou a importancia de manter viva esta herdanza: “Os Maios son moito máis que esculturas vexetais; son o resultado do traballo colectivo e a ilusión de moitas xeracións. Queremos que Redondela siga sendo o referente que é, onde a creatividade dos maios artísticos convive co respecto polos nosos tradicionais conos e cruceiros”. Desde o Concello convídase a todos os colectivos a que se somen a esta festa. O ano pasado superáronse as 20 agrupacións “e este ano o reto é seguir medrando para demostrar que a tradición redondelá ten o futuro asegurado”, concluíu Rivas.

O prazo para formalizar a participación estará aberto ata o vindeiro 21 de abril. As entidades interesadas poden realizar o trámite de xeito presencial no rexistro do Concello ou a través da sede electrónica municipal.

Categorías e Premios

O certame volverá contar con catro categorías competitivas: Maio Tradicional, Maio Artístico, Copla e Interpretación. Para cada unha delas, establécense premios de 300 euros para o 1º clasificado, 250 euros para o 2º e 200 euros para o 3º. En total, o Concello outorgará 12 premios que recoñecerán tanto a calidade plástica das figuras (feitas con elementos naturais como fentos, flores ou ovos) como o enxeño e a crítica social das coplas cantadas ao ritmo das castañolas.

La entrada Aberto o prazo de inscrición para o concurso da Festa dos Maios se publicó primero en Concello de Redondela.

Unha mañá solleira permitiu ao público gozar dunha espléndida xornada dos Maios en Redondela. A Alameda Castelao estivo ateigada para celebrar por todo o alto esta tradicional festividade na vila.
Un total de 23 maios participaron na edición deste ano, o que pon de manifesto o pulo que desde o Concello de Redondela se está a dar a esta arraigada celebración.
Conos e cruceiros, enmarcados na categoría de maio tradicional, compartiron espazo con estruturas orixinais e variadas na categoría de maio artístico, onde os asistentes puideron ver o redeiras, o miliario de Vilar, o viaduto, carros de bois, paxaros do paraíso e ata Minions.
A concelleira de Cultura, Rita Pérez, mostrou o seu agradecemento a todos os participantes “que con tanta ilusión e traballo preparan estes maios, nos que participan veciños e veciñas de todas as idades, nunha festa que é tradición e cultura de Redondela”. A cantidade e calidade dos maios presentados é unha garantía “de que esta tradición está máis viva ca nunca, con moita participación das novas xeracións, e iso é unha garantía para o futuro”, sinalaba a alcaldesa, Digna Rivas. A rexedora pediu aos participantes que para o próximo ano sexan “aínda máis”.
O obxectivo do Concello, que este ano duplicou as cantidade económica coa que se subvenciona aos maios participantes, é poñer en valor esta fermosa tradición. Tamén se entregaron unha ducia de premios aos mellores maios, 3 en cada unha das categorías: Premio ás coplas, Premio á interpretación, Premio ao maio tradicional e Premio ao maio artístico. O primeiro premio está dotado con 300 euros, o segundo de 250 euros e o terceiro premio con 200 euros. O xurado, integrado pola mestra Ana Area, o filólogo Xosé Couñago e o presidente do Obradoiro de Estudos Redondeláns, José Antonio Martínez, tiveron a difícil labor de escoller aos galardoados nesta edición.

Premios Maio Tradicional
1º Premio: Case non chegamos (A. VV. O Eixo de Soutoxuste)
2º Premio: Amigos do Carballo
3º Premio: As florciñas

Premios Maio Artístico
1º Premio: As esquecidas (Asoc. Mulleres Arela)
2º Premio: O marco que nos une (ANPA Porto Cabeiro)
3º Premio: Cruzado a vila (ANPA de Cedeira)

Premios Coplas
1º Premio: Case non chegamos (A. VV. O Eixo de Soutoxuste)
2º Premio: O cono dos meniños (Asoc. Mulleres Arela)
3º Premio: O maio da raíña (ANPA Cedeira)

Premios Interpretación
1º Premio: A Ramallada
2º Premio: O cono do amor (A.C.R. Quintela)
3º Premio: O carballo das cen pólas (Asoc. O Carballo das Cen Pólas)

La entrada A Alameda Castelao acolleu unha multitudinaria Festa dos Maios se publicó primero en Concello de Redondela.