– A tiradora do club MeigArco fíxose co ouro no Campionato de España de Sala de arco na modalidade longbow. No seu palmarés figuran tamén dous campionatos estatais, en equipo mixto e individual en anos anteriores, así como numerosos podios en probas autonómicas.

– A alcaldesa, Digna Rivas, sinalou que é “un exemplo” dos resultados que se acadan “con traballo e disciplina”. Mónica Ledo amosouse “moi ilusionada” por este recoñecemento. A próxima cita para a tiradora será na casa, cunha proba en Reboreda o 18 de abril organizada polo club MeigArco.

O Concello de Redondela celebrou onte a recepción á deportista de tiro con arco Mónica Ledo, do club MeigArco de Redondela. A tiradora acaba de gañar a medalla de ouro no Campionato de España de Sala de arco na modalidade longbow en categoría sénior feminina. Ledo, de 50 anos, recibiu o diploma “Orgullo redondelán” e a insignia do Concello de mans da alcaldesa, Digna Rivas, e o concelleiro de Deportes, Antonio Cabaleiro, como recoñecemento polo seu traballo e méritos deportivos a nivel estatal. A deportista, que comezou a practicar tiro con arco en 2015, amosouse “moi ilusionada” por este recoñecemento por parte do Concello nun deporte minoritario “no que o adestramento psicolóxico é case máis importante que o físico”. No palmarés de Mónica Ledo figuran outros dous ouros estatais, un no campionato de España ao Aire Libre de 2022 en categoría individual e no 2021 en equipo mixto, así como numerosos podios noutras edicións estatais e en campionatos autonómicos.

A alcaldesa destacou sinalou que Mónica é “un exemplo” dos grandes resultados que se acadan “con traballo e disciplina”. Tanto Rivas como Cabaleiro interesáronse polas próximas citas deportistas de Ledo e o club MeigArco e desexáronlle moita sorte para as citas autonómicas e estatais. A próxima competición será en Reboreda o 18 de abril cunha proba ao aire libre.

La entrada O Concello outorga a Mónica Ledo o recoñecemento “Orgullo redondelán” se publicó primero en Concello de Redondela.

O Concello de Redondela acolleu onte a recepción a Guillermo García Alonso . O deportista acadou esta temporada grandes éxitos a nivel nacional e autonómico quedando 1º na Copa de España de ciclocross 2025/26 en categoría cadete, 1º no Campionato galego de XCO 2025 en categoría cadete e 3º no Campionato de España de ciclo cross 2025/26 en categoría cadete.

Guillermo recibiu o diploma “Orgullo redondelán” e a insignia do Concello de mans da alcaldesa, Digna Rivas, e do concelleiro de Deportes, Antonio Cabaleiro, como “recoñecemento e homenaxe polo seu traballo e méritos deportivos”. Para a alcaldesa é “un luxo” que este municipio conte con deportistas “ao máis alto nivel no ciclo cross e augúrolle “moitos éxitos” no futuro a Guillermo García que con tan só 15 anos destaca no panorama galego e estatal “como unha firme promesa do deporte”. Guillermo García conta cun gran palmarés desde o ano 2024 ata o día de hoxe:

-1º Copa Galicia de XCO 2024 en categoría infantil.

-1º Campionato galego de XCO en 2024 en categoría infantil.

-1º Campionato de España XCO 2024 en categoría infantil.

-1º Campionato galego de DH 2024 en categoría infantil.

-1º Copa Galicia de ciclo cross 2024/25 en categoría cadete.

-2º Campionato de Galicia de ciclo cross 2024/25.

-1º Copa Galicia de XCO 2025 en categoría cadete.

-1º Campionato galego de XCO 2025 en categoría cadete.

-1º Copa de España de ciclo cross en 2025/26 en categoría cadete.

-3º Campionato de España de ciclo cross 2025/26 en categoría cadete.

O acto de homenaxe celebrouse no antigo salon de plenos e particiaron tamén o pai do deportista, David García, e o voceiro do BNG na Corporación Municipal, Xoán Carlos González.

La entrada O Concello outorga a Guillermo García o recoñecemento “Orgullo redondelán” se publicó primero en Concello de Redondela.

– A alcaldesa, Digna Rivas, destacou “o gran papel” das xogadores e xogadores de Redondela neste campionato estatal “froito do excelente traballo que fan ao longo de todo o ano os clubs locais SAR, BM Chapela e Choqueiras”.

-Na xornada do 8M a rexedora puxo en valor “o auxe do deporte feminino en Redondela, e nomeadamente no balonmán, onde as licenzas femininas superan ás masculinas”. Desde o Concello amosan “todo o apoio ao deporte redondelán”.

O Concello celebrou unha recepción para o grupo redondelán que participou no Campionato de España de Seleccións 2025 en Cataluña, con grandes éxitos para os equipos galegos. Da man da alcaldesa, Digna Rivas, e o concelleiro de Deportes, Iván Valles, recibiron o diploma “Orgullo redondelán” e a insignia do Concello como “recoñecemento e homenaxe” polo seu traballo e méritos deportivos. Deste gran grupo forman parte xogadores e xogadoras dos tres clubs redondelán. Participaron pola SAR Daniela Fernández, Daniela Figueroa, Daniela Míguez, Karla Fernández, Noa Portela, Candela Martínez, Alba Pérez e Julia González, xunto coas técnicas Carla Abad e Nerea Bouzón. Do BM Chapela os seleccionados foron Ángela Sánchez, Óscar González e Nicolás e Lois Alonso. Por parte das Choqueiras participou Adriana Bouzón.

A alcaldesa destacou “o gran papel” das xogadores e xogadores de Redondela neste campionato estatal “froito do excelente traballo que fan ao longo de todo o ano os clubs locais SAR, BM Chapela e Choqueiras”. Nesta xornada do 8M a rexedora puxo en valor “o auxe do deporte feminino en Redondela, e nomeadamente no balonmán, onde as licenzas femininas superan ás masculinas” e amosou “todo o apoio” do Concello ao deporte local. De feito, co gallo do 8M, onte celebrouse o encontro “Xuntas no deporte” con mulleres directivas dos clubs redondeláns en diferentes disciplinas coa participación de Paula Fernández (Club Baloncesto Redondela), Déborah Bouzón (CBF As Choqueiras), María González (BM Chapela), Vicky Ricón (CD Choco), Ana Romasanta (Asociación Deportiva CAR) e Carla Abad (Federació Galega de Balonmán).

Éxito do balonmán galego e redondelán no CESA 2025

O Campionato de España de Seleccións Autonómicas (CESA 2025), celebrado en Cataluña, deixou grandes resultados para a Selección Galega, que contou con esta nutrida participación de representantes de Redondela en diversas categorías e no corpo técnico.

A categoría cadete masculina logrou a medalla de prata. Lois e Nicolás Alonso, e Óscar González tiveron un papel clave neste éxito, xunto coas técnicas Carla Abad e Nerea Bouzón. O equipo infantil feminino foi bronce coas xogadoras redondelás Daniela Fernández, Daniela Míguez, Daniela Figueroa, Karla Fernández e Ángela Sánchez. Por outra banda, a Selección Galega infantil masculina acadou o bronce coa participación de Javier, xogador redondelán que milita no Culleredo. O equipo xuvenil feminino rematou no sexto posto coas xogadoras Alba Pérez e Julia González.

O equipo cadete feminino tamén alcanzou a medalla de prata na Copa coas representantes redondelás Adriana Bouzón, Noa Portela e Candela Martínez. O concelleiro de Deportes sinalou que, con estes resultados, o balonmán de Redondela “reafirma a súa posición como un dos grandes referentes desta disciplina en Galicia grazas ao talento e ao esforzo tanto de xogadoras e xogadores como do equipo técnico”.

La entrada Recoñecemento “Orgullo redondelán” ás xogadoras e xogadores da Selección Galega no CESA 2025 se publicó primero en Concello de Redondela.

O Concello de Redondela acolleu a recepción á futbolista Zaira Martínez, convocada coa Selección Española de Fútbol. A xogadora, que actualmente milita no ED Val Miñor, comezou a xogar ao fútbol nos equipos base de Redondela. Esta temporada forma parte por cuarto ano da Selección Galega. Esta temporada o combinado galego está clasificado para xogar o Campionato de España Fase Ouro. A futbolista, de 14 anos, recibiu o diploma “Orgullo redondelán” e a insignia do Concello de mans da alcaldesa, Digna Rivas, e o concelleiro de Deportes, Iván Valles, como recoñecemento polo seu traballo e méritos deportivos. No acto a xogadora estivo arroupada pola súa familia, entre eles a súa irmá Naiara, tamén futbolista e que milita en As Celtas.

Para a alcaldesa é “un luxo” que este municipio conte con deportistas “tan novas e ao máis alto nivel do fútbol nacional”. Tanto a rexedora como o concelleiro felicitaron a Zaira polos seus logros “que son un exemplo para todas as nenas”. Desde o Concello de Redondela desexámoslle “moita sorte” para o Campionato de España Fase Ouro que xogará esta fin de semana en Zaragoza, no que tamén participa a redondelá Lucía Salceda.

La entrada O Concello outorga a Zaira Martínez o recoñecemento “Orgullo redondelán” se publicó primero en Concello de Redondela.

O veterano nadador Xosé Ferreira recibiu esta semana de mans da alcaldesa, Digna Rivas, a insignia do Concello de Redondela e o diploma “Orgullo redondelán” polos seus éxitos deportivos. O deportista do Club Natación Redondela estivo acompañado por familiares e compañeiros do club de natación. No último campionatos galego da súa categoría celebrado en xaneiro acadou unha medalla de ouro, outra de prata e dous bronces.

Estes logros no Campionato Máster de Inverno súmanse aos acadados en 2024, co título de campión galego en 400 metros libres no Campionato Galego Máster de Verán e a prata no Campionato Galego de Longa Distancia en 1500 metros libres.

Tanto a alcaldesa, Digna Rivas, como o concelleiro de Deportes, Iván Valles, destacaron a longa traxectoria deportiva de Ferreira, que comezou ligada ao mundo do fútbol e fútbol sala antes de dar o salto á natación. Rivas puxo en valor a súa traxectoria “como un exemplo” e tamén o gran traballo do CN Redondela e toda a súa canteira.

La entrada O nadador Xosé Ferreira recibe o recoñecemento “Orgullo redondelán” se publicó primero en Concello de Redondela.

– A taekwondista acaba de gañar a medalla de bronce no Mundial de Poomsae de Hong Kong na modalidade de parellas na categoría + de 60 anos. Este mediodía recibiu o diploma “Orgullo redondelán” e a insignia do Concello de mans da alcaldesa, Digna Rivas, e o concelleiro de Deportes, Iván Valles.

– Para a alcaldesa é “un exemplo de que non importa a idade, senón os soños e as metas que nos marquemos, porque na vida sempre hai que ter ilusións”. Queiro amosouse “moi ilusionada e contenta” por este recoñecemento. A próxima cita para a taekwondista será o día 22 de decembro, no Open Internacional de Ourense.

O Concello de Redondela acolleu a recepción á taekwondista Beatriz Queiro, do Ximnasio Escola Omnihum de Redondela. Queiro acaba de gañar a medalla de bronce no Mundial de Poomsae de Hong Kong na modalidade de parellas na categoría + de 60 anos xunto ao catalán José Manuel Marín.

A deportista, de 62 anos, recibiu o diploma “Orgullo redondelán” e a insignia do Concello de mans da alcaldesa, Digna Rivas, e o concelleiro de Deportes, Iván Valles, como “recoñecemento e homenaxe” polo seu traballo e méritos deportivos a nivel internacional. No acto a deportista estivo acompañada por Alfonso Barcia, do Ximnasio Escola Omnihum de Redondela.

Para a alcaldesa é “un luxo” que este municipio conte con mulleres deportistas “no máis alto nivel do taekwondo mundial”. A alcaldesa destacou de Beatriz que é “un exemplo de que non importa a idade, senón os soños e as metas que nos marquemos, porque na vida sempre hai que ter ilusións”.

A taekwondista amosouse “moi ilusionada e contenta” por este recoñecemento por parte do Concello de Redondela. Queiro segue “coas mesmas gañas” que cando comezou neste deporte, hai xa 30 anos, nos que acadou tamén un bronce no Campionato de Europa de Poomsae de 2015 e participou no Campionato Internacional de México en 2014, no que acadou quinto posto. O seu obxectivo é seguir sumando títulos a nivel individual. O deporte é parte fundamental da súa vida, xa que ademais de adestrar e competir ao máis alto nivel do taekwondo, tamén é monitora de ximnasia en Omnihum. Beatriz Queiro recomenda á xente de todas as idades que practiquen algún deporte “porque o importante é estar en movemento para gozar dunha boa saúde a nivel físico e mental”. A próxima cita para a taekwondista será o día 22 de decembro, no Open Internacional de Ourense.

La entrada O Concello outorga a Beatriz Queiro o recoñecemento “Orgullo redondelán” se publicó primero en Concello de Redondela.

O Concello de Redondela acolleu onte a recepción aos pilotos Alex e Theo Gourdon Rafael do Team GR Husqvarna, equipo creado polos propios deportistas redondeláns. Os dous irmáns, de 17 e 19 anos respectivamente, acadaron esta temporada grandes éxitos a nivel nacional e internacional. Hoxe recibiron o diploma “Orgullo redondelán” e a insignia do Concello de mans da alcaldesa, Digna Rivas, e o concelleiro de Deportes, Iván Valles, como “recoñecemento e homenaxe” polo seu traballo e méritos deportivos. Para a alcaldesa é “un luxo” que este municipio conte con deportistas “ao máis alto nivel do motociclismo nacional e internacional nunha disciplina tan esixente” e auguroulles moitos éxitos no futuro tanto a Alex como a Théo.

Alex Gourdon Rafael é Campión de España de motociclismo de supermotard 2024, sendo o primeiro piloto galego en conseguir esta fazaña. Théo Gourdon Rafael foi terceiro na xeral. Alex proclamouse ademais subcampión de Europa FIM 2024 na proba celebrada no circuíto de Busca (Italia) en xuño 2024.

O TEAM GR Husqvarna, no seu primeiro ano de vida, conseguiu o título de Campión de España, Subcampión de Europa FIM e estar no TOP 5 do Campionato de Italia, sendo o primeiro equipo galego que acada estes éxitos.

La entrada Os pilotos Alex e Théo Gourdon Rafael reciben o recoñecemento “Orgullo redondelán” se publicó primero en Concello de Redondela.

O Concello de Redondela acolleu este mediodía a recepción ás patinadoras redondelás Laura Albán e Lidia Couñago, que participaron o pasado mes de setembro no Mundial ‘World Skate Games’ celebrado en Italia, no que remataron en 6º lugar. Laura Albán e Lidia Couñago forman parte do grupo de patinaxe do club Ribex de Tui, que acadou o bronce no Campionato de España de Patinaxe artística.

Hoxe recibiron o diploma “Orgullo redondelán” e a insignia do Concello de mans da alcaldesa, Digna Rivas, nun acto no que participaron tamén o concelleiro de Deportes, Iván Valles, e o de Infraestruturas Roberto Villar. A rexedora sinalou que este acto é “un recoñecemento e homenaxe polo seu traballo e méritos deportivos nesta disciplina”. Rivas felicitounas polos seus éxitos e fixo fincapé no esforzo que supón “compaxinar os adestramentos co traballo e os estudos para manterse na elite da patinaxe, o que é un gran mérito” .

La entrada O Concello outorga a Laura Albán e Lidia Couñago o recoñecemento “Orgullo redondelán” se publicó primero en Concello de Redondela.

O Concello de Redondela acolleu a pasada semana a recepción a Carla Abad Alonso. A ex deportista e adestradora de balonmán recibiu o diploma “Orgullo redondelán” e a insignia do Concello de mans da alcaldesa, Digna Rivas, e do concelleiro de Deportes, Iván Valles, como “recoñecemento e homenaxe” polo seu traballo e méritos deportivos. Para a alcaldesa é “un luxo” que este municipio conte con deportistas e adestradores “ao máis alto nivel no balonmán” e auguroulle moitos éxitos no futuro a Carla Abad.

Carla comezou de nena na canteira da SAR, e xa en categoría absoluta militou na elite do balonmán en equipos como o Guardés. Graduada en Ciencias da Actividade Física, traballa como adestradora en varios equipos e forma parte do corpo técnico das Federacións Galega e Española de Balonmán. Como técnica da selección galega en 2019 acadou o bronce no Campionato de España categoría Infantil feminina e os subcampionatos de España Territoriais en 2023 nas categorías Infantil masculina e Cadete feminina. Formou parte do corpos técnicos da Selección Española Xuvenil masculina que foi Campioa de Europa en 2022 e Campioa do Mundo en 2023. Neste 2024 estivo no equipo técnico da selección Española Sub21 que acadou o Campionato de Europa Junior.

La entrada O Concello outorga a Carla Abad Alonso o recoñecemento “Orgullo redondelán” se publicó primero en Concello de Redondela.

O Concello de Redondela acolleu onte a recepción aos bailaríns dos grupos da escola de baile Dansarey que participaron no campionato de Europa Dancing Stars. Os tres grupos que competiron no certame gañaron o campionato na categoría premium nivel amateur, e foron campións e subcampións na categoría premium nivel avanzado.

Os grupos de baile da escola Dansarey recibiron o diploma “Orgullo redondelán” e a insignia do Concello de mans da alcaldesa, Digna Rivas, e o concelleiro de Deportes, Iván Valles, como “recoñecemento e homenaxe” polo seu traballo e méritos deportivos nesta disciplina. A alcaldesa deulle os parabéns polos seus éxitos deportivos e polo esforzo que realizan ao longo de todo o ano e sinalou que son “un orgullo para todo o municipio”.
O grupo Dansarey Queens, campioas de Europa Dancing Stars disciplina estilo libre categoría premium nivel avanzado, está formado por Paula Dopazo, Andrea Míguez, Raquel Bouza, Eva Teijeira, Arantza Rodríguez, Andrea Bouzón, Rocío Docio, Amaya Trigo, Aylin Rodríguez, Carmen Reigosa e Beatriz Ramallo.
O grupo Dansarey Ladies, campioas de Europa Dancing Stars disciplina libre categoría premium nivel amateur, son Paula Dopazo, Andrea Míguez, Rocío Docio, Amaya Trigo, Aylin Rodríguez, Beatriz Ramallo, Noa Corujeira, Sandra Gómez e Sara Rodríguez.
O grupo Dansarey Dance Company, subcampións de Europa Dancing Stars disciplina libre categoría premium nivel avanzado compóñeno Amaya Trigo, Aylin Rodríguez, Lidia Iglesias, David Otero, David Brea e Carlos Galego.

La entrada O Concello outorga aos bailaríns da escola Dansarey o recoñecemento “Orgullo redondelán” se publicó primero en Concello de Redondela.

O Concello de Redondela acolleu onte a recepción aos atletas do CAR (Club de Atletismo Redondela) Nerea Lago Pires e Gael Couñago Romasanta. Os dous deportistas, de 19 e 15 anos, respectivamente, acadaron esta temporada grandes éxitos a nivel autonómico e estatal. Hoxe recibiron o diploma “Orgullo redondelán” e a insignia do Concello de mans da alcaldesa, Digna Rivas, e o concelleiro de Deportes, Iván Valles, como “recoñecemento e homenaxe” polo seu traballo e méritos deportivos. Para a alcaldesa é “un luxo” que este municipio conte con deportistas “ao máis alto nivel do atletismo galego” e auguroulles moitos éxitos no futuro tanto a Nerea como a Gael.

Nerea Lago, na categoría Sub20, é subcampioa galega absoluta en pista cuberta na modalidade de probas combinadas e subcampioa Sub20 en probas combinadas e lanzamento de peso. En Pista ao aire libre é subcampioa galega absoluta en combinadas,e subcampioa galega sub20 en altura e campioa galega en triplo salto.

Gael Couñago é récord galego sub16 salto de altura coa marca persoal 1,86 m. rachando co anterior récord que no se batira desde 1975. Malia a súa xuventude en pista cuberta é subcampión galego absoluto en altura e campión galego sub18. En Pista ao aire libre é tamén subcampión galego absoluto en salto de altura e campión galego sub18. Acadou tamén o 8º posto no Campionato de España sub18 salto de altura. Participou tamén coa Sociedad Gimnástica de Pontevedra nos campionatos galegos de clubs absoluto e sub18, quedando campións.

La entrada O Concello outorga a Nerea Lago e Gael Couñago o recoñecemento “Orgullo redondelán” se publicó primero en Concello de Redondela.