O Multiúsos e o paseo da Xunqueira, así como os soportais do Concello, acollen a exposición colectiva de tres artistas redondeláns: Manuel Seijas, Olimpio Giráldez e José Ángel Xesteira. Esta mostraconmemorativa celebra os 60 anos da primeira vez que se reuniron para expoñer as súas obras, fito que repetiron 30 anos despois.

A exposición, que se pode ver ata o 26 de marzo, reúne obras das xa expostas nas anteriores mostras así como outras novas, con diferentes estilos e técnicas. O acto de inauguración, no que participaron a alcaldesa, Digna Rivas, e a concelleira de Cultura, Rita Pérez, congregou a un nutrido grupo de veciños e veciñas, familares e amizades dos tres artistas. Seijas, Giráldez e Xesteira conincidiron en reclamar “máis cultura, e menos guerra”. Rivas puxo o acento no dinamismo da sociedade redondelá, que é un “exemplo” de compromiso coa cultura, as liberdades, a solidariedade e a democracia “como nos demostran nesta exposición estes tres artistas, persoas ben coñecidas e queridas nesta vila”.

La entrada Exposición conmemorativa: 60 anos de arte e amizade de Seijas, Giráldez e Xesteira se publicó primero en Concello de Redondela.

O mércores 11 de Marzo do 2026, ás 18:00 𝐞𝐧 𝐑𝐞𝐝𝐨𝐧𝐝𝐞𝐥𝐚 𝐭𝐞𝐫𝐚́𝐧 𝐩𝐚𝐬𝐚𝐝𝐨 𝟔𝟎 𝐚𝐧𝐨𝐬.
No 1966 tres amigos reuníronse para expoñer as súas obras nos soportais do Concello. (FOTO2)
No 1996, 30 anos despois, os mesmos amigos voltaron a se reunir, na Casa da Cultura, para expoñer novas e antigas obras. (FOTO3)
No 2026, 60 anos despois, 𝐌𝐀𝐍𝐔𝐄𝐋 𝐒𝐄𝐈𝐉𝐀𝐒, 𝐎𝐋𝐈𝐌𝐏𝐈𝐎 𝐆𝐈𝐑𝐀́𝐋𝐃𝐄𝐙 e 𝐉𝐀 𝐗𝐄𝐒𝐓𝐄𝐈𝐑𝐀 van inaugurar unha nova exposición. Ás 18:00 no Multiusos do Concello de Redondela. (FOTO4)
O Arquivo e o Concello de Redondela, axudaron a crear este novo encontro. E por iso queremos animarvos a asistir á inauguración. E a pasarvos calquera día (do 11 ó 26 de marzo) polos soportais do Concello, polo Paseo da Xunqueira ou pola Sala de exposicións do Multiusos da Xunqueira.
𝗡𝗼𝗻 𝘁𝗼́𝗱𝗼𝗹𝗼𝘀 𝗱𝗶́𝗮𝘀 𝗽𝗮𝘀𝗮𝗻 𝟲𝟬 𝗮𝗻𝗼𝘀

La entrada Exposición 1966 1996 2026 se publicó primero en Concello de Redondela.

Alfombristas, mocidade e voluntarios de todas as idades están a participar na elaboración dun gran mural na superficie da rúa peonil Padre Sarmiento. O Concello de Redondela puxo en marcha esta iniciativa para dar unha nova vida a esta rúa e render homenaxe ás tradicións do municipio. Os viadutos, as alfombras florais, a Coca e os xigantes son algúns dos protagonistas desta creación, que foi encargada á artista local Paula Amoedo.
A alcaldesa Digna Rivas e a concelleira Iria Vilaboa comprobaron esta tarde a evolución dos traballos desta alfombra-mural “de gran a creatividade e beleza”. Tanto Rivas como Vilaboa destacaron que se trata dun traballo no que participan moitas persoas, “son voluntarios e voluntarias de todas as idades que se sumaron a esta iniciativa para crear unha obra colectiva e interxeracional”.
A intervención artística está a realizarse nesta céntrica rúa peonil que conta cunha lonxitude duns 50 metros. Esta actuación vai na liña doutras políticas postas en marcha desde o goberno local para unha mobilidade sostible. O obxectivo é recuperar espazos públicos para a cidadanía e crear unha vila máis amable para os peóns dándolles prioridade nos lugares onde é posible.

La entrada Redondela inmortaliza os seus símbolos na alfombra-mural colectiva de Padre Sarmiento se publicó primero en Concello de Redondela.

– As concellerías de Xuventude e Cultura celebran este verán un campus dirixido á rapazada de 12 a 16 anos que está a ser todo un éxito entre a mocidade. Ofrece actividades de fotografía e vídeo, Intelixencia Artificial e pintura mural. Os participantes na actividade de pintura decoran o lateral do campo de fútbol de Santa Mariña cun mural que recolle imaxes deportivas.

O Concello de Redondela puxo en marcha este verán o novo programa “Campus Xuventude” dirixido á mocidade. A rapazada de entre 12 e 16 anos conta con actividades como edición de fotografía e vídeo, intelixencia artificial e pintura mural que están a ter moito éxito. O campus, organizado polas concellerías de Xuventude e Cultura, é totalmente gratuíto e está a deixar “pegada” nas instalacións municipais. A alcaldesa, Digna Rivas, e a concelleira Iria Vilaboa visitaron aos participantes no campus de pintura mural que están a decorar o lateral do campo de fútbol de Santa Mariña. Coas indicacións e a axuda da súa mestra, a artista local Paula Amoedo, a rapazada decorou o muro con imaxes deportivas “cun resultado espléndido”, destacou Rivas. Para moitos participantes esta é a súa primeira experiencia no mundo do graffiti, e amosáronse “moi contentos e motivados coa actividade”. A alcaldesa animounos a seguir formándose nesta especialidade artística e propúxolles decorar outros espazos públicos en vindeiras edicións do campus.

La entrada Diversión e aprendizaxe nos Campus Xuventude se publicó primero en Concello de Redondela.