– A xornalista Cláudia Morán recolleu o V Premio Sesé Mateo pola reportaxe “Todas as veces que foron un non”, realizada xunto a Marta Veiga e Marta Otero. O traballo, publicado na Revista Luzes, relata o testemuño de mulleres vítimas de violencia sexual e a análise de expertas en psicoloxía, antropoloxía e educación que afondan nas causas.

– Este premio naceu co obxectivo de recoñecer “a ética á hora de tratar informacións relacionadas coa violencia machista, fuxindo de sensacionalismos e respectando a intimidade das vítimas e as súas familias, e iso é o que fai esta reportaxe que dá voz ás propias vítimas”, como explicou a alcaldesa Digna Rivas.

O Concello de Redondela entregou onte o V Premio Sesé Mateo de Xornalismo Ético no tratamento da violencia machista á reportaxe “Todas as veces que foron un non”, de Cláudia Morán, Marta Veiga e Marta Otero. O traballo, publicado na Revista Luzes, recolle testemuños de mulleres galegas de diferentes idades e denuncia “a normalización da cultura da violación en todos os ámbitos”. Lonxe da imaxe dun home descoñecido que viola de noite na rúa, as denuncias sinalan “homes da contorna, parellas ou ex parellas”. A reportaxe ofrece tamén a visión de expertas que afondan nas causas desta violencia desde a psicoloxía, a educación ou a antropoloxía.

A concelleira de Igualdade, Iria Vilaboa, sinala que o traballo elixido polo xurado pon o foco “nas vítimas e en como a sociedade e as propias mulleres normalizan a violencia sexual”. A alcaldesa, Digna Rivas, lembrou que este premio naceu por iniciativa de Joshua Mateo e co apoio do Concello para recoñecer “a ética” no tratamento de informacións relacionadas coa violencia machista, “fuxindo de sensacionalismos e respectando a intimidade das vítimas e das súas familias, e iso é o que fai esta reportaxe: dar visibilidade ás propias vítimas e analizar as causas desta violencia que moitas mulleres calan por vergoña”. Rivas afirmou que reportaxes coma esta serve “para que a vergoña cambie de bando, porque son os maltratadores os que cando deben tela”.

Cláudia Morán recibiu o premio en nome tamén das súas compañeiras Marta Veiga e Marta Otero, que non puideron acudir ao acto. No seu discurso agradeceu o recoñecemento ao Concello de Redondela e ao xurado, xa que Redondela “é un dos poucos Concellos cunha implicación real, transversal, firme e continuada no tempo na loita contra a violencia de xénero”. Asegurou que este recoñecemento é “un orgullo para todas as que cremos que o xornalismo pode e debe ser unha ferramenta para un mundo sen machismo, sen unha muller máis violentada ou asasinada”. Fixo un agradecemento especial “a todas as mulleres que compartiron connosco os seus relatos de violencia sexual, que reabriron con xenerosidade as feridas que lles pertencen, para que o mundo saiba o que tantas viven cada día”. Morán lembrou “a todas as mulleres que sofren violencia machista en todas as súas formas” e especialmente a Sesé Mateo, veciña de Chapela que dá nome a este galardón. A Joshua Alonso Mateo, o seu fillo e promotor destes premios xunto ao Concello, agradeceulle “a súa loita incansable contra a violencia machista”.

O galardón está dotado con 1.500 euros en metálico e unha escultura en bronce feita pola asociación Lenda que representa unha man facendo a forma dun corazón, unha figura sobre madeira de buxo “con moito significado”. Rivas e Joshua Mateo entregáronlle o galardón nun acto no que participaron a concelleira de Igualdade, Iria Vilaboa, que presentou a xornada, e Jaime Figueroa, en representación da asociación de Saúde Mental Lenda.

La entrada “Todas as veces que foron un non”, reportaxe gañadora do V Premio Sesé Mateo de Xornalismo Ético se publicó primero en Concello de Redondela.

– As xornalistas Macarena Baena e Laura de Grado recolleron o IV Premio Sesé Mateo de Xornalismo Ético pola súa reportaxe “Desprotexidas. A realidade das mulleres migrantes vítimas de violencia de xénero en España”. O traballo foi publicado na plataforma Efeminista, da axencia EFE.

– Este premio naceu co obxectivo de recoñecer “a ética á hora de tratar informacións relacionadas coa violencia machista, fuxindo de sensacionalismos e respectando a intimidade das vítimas e as súas familias, e iso é o que fai esta reportaxe que dá voz ás propias vítimas”, como explicou a alcaldesa Digna Rivas.

O Concello de Redondela entregou o sábado o IV Premio Sesé Mateo de Xornalismo Ético no tratamento da violencia machista ás xornalistas Macarena Baena Garrido e Laura de Grado Alonso. A súa reportaxe “A realidade das mulleres migrantes vítimas de violencia de xénero en España”, publicado na plataforma Efeminista, da axencia EFE, alzouse co galardón. Trátase dunha ampla reportaxe que inclúe vídeos con testemuños de mulleres de diferentes nacionalidades. Este traballo denuncia “a situación de vulnerabilidade destas mulleres migrantes, que ademais de sufrir violencia de xénero son tamén vítimas de violencia institucional, racismo e unha desprotección sistemática pola súa situación irregular”. A reportaxe ofrece tamén a visión de expertas que propoñen solucións e información sobre os recursos dispoñibles para as vítimas. A concelleira de Igualdade, Iria Vilaboa, sinala que o traballo elixido polo xurado pon o foco nas propias vítimas, “mulleres invisibles que sofren marxinación e violencia polo feito de ser mulleres, o que se grava pola súa condición de estranxeiras e sen recursos”. Este premio naceu co obxectivo de recoñecer “a ética á hora de tratar informacións relacionadas coa violencia machista, fuxindo de sensacionalismos e respectando a intimidade das vítimas e as súas familias, e iso é o que fai esta reportaxe que dá voz ás propias vítimas”, como explicou a alcaldesa Digna Rivas.

As autoras agradeceron este premio que lles fai “especial ilusión” e tamén “a confianza e valentía” das mulleres que participar no proxecto “co obxectivo de que ningunha outra muller teña que vivir o mesmo”. Explicaron que este tipo de informacións son útiles e necesarias “e que o xornalismo ten que contar con recursos para que cada vez sexan máis”.

O galardón está dotado con 1.500 euros e unha escultura en bronce feita pola asociación Lenda que representa unha man facendo a forma dun corazón.

Digna Rivas e Joshua Alonso Mateo entregáronlles o premio nun acto que contou cunha charla coloquio co título “Os medios de comunicación como axentes do cambio” con Ana González Liste, gañadora do III Premio Sesé Mateo, e Diana López Varela, xornalista e escritora. Ambas destacaron a importancia da formación en igualdade para facer un xornalismo ético e con perspectiva de xénero á hora de abordar situación de violencia machista “porque non podemos tratar igual á vítima que ao agresor”. Tamén alertaron da grave ameaza que supoñen as “fake news” para o feminismo e para a democracia en xeral.

O cambio de formato destes premios, que ata o de agora se facían cunha gala no auditorio da Xunqueira, responde a un desexo do propio Joshua Mateo. “Buscamos facer algo máis profesional, e que non resultase tan doloroso emocionalmente para min e a miña familia”, explicaba o fillo de Sesé Mateo. O acto rematou cunha emotiva lectura de poemas do libro de Sesé Mateo “Polo camiño do vento” a cargo de Mar Núñez.

La entrada Redondela homenaxea a Sesé Mateo no IV Premio de Xornalismo Ético se publicó primero en Concello de Redondela.

Macarena Baena e Laura de Grado. Foto: Mariscal/EFE

– As xornalistas Macarena Baena Garrido e Laura de Grado Alonso son as gañadoras do IV Premio Sesé Mateo de Xornalismo Ético pola súa reportaxe “Desprotexidas. A realidade das mulleres migrantes vítimas de violencia de xénero en España”. O traballo foi publicado no medio dixital Efeminista, da axencia EFE.

– A reportaxe denuncia “a situación de vulnerabilidade das mulleres migrantes, que ademais de sufrir violencia de xénero son tamén vítimas de violencia institucional, racismo e unha desprotección sistemática pola súa situación irregular”. As gañadoras recollerán o premio, dotado co 1.500 euros, nun acto que se celebrará este sábado, día 23, na Oficina de Turismo de Redondela ás 12.00 horas.

 As xornalistas Macarena Baena Garrido e Laura de Grado Alonso son as gañadoras do IV Premio Sesé Mateo de Xornalismo Ético pola súa reportaxe “Desprotexidas. A realidade das mulleres migrantes vítimas de violencia de xénero en España”. O traballo foi publicado na web Efeminista, da axencia EFE. Trátase dunha ampla reportaxe que inclúe vídeos con testemuños de mulleres de diferentes nacionalidades. Este traballo denuncia “a situación de vulnerabilidade destas mulleres migrantes, que ademais de sufrir violencia de xénero son tamén vítimas de violencia institucional, racismo e unha desprotección sistemática pola súa situación irregular”. A reportaxe ofrece tamén a visión de expertas que propoñen solucións.

A concelleira de Iguldade, Iria Vilaboa, sinala que o traballo elixido polo xurado pon o foco nas propias vítimas, “mulleres invisibles que sofren marxinación e violencia polo feito de ser mulleres, o que se grava pola súa condición de estranxeiras e sen recursos”. A alcaldesa, Digna Rivas, lembra que estes premios naceron co obxectivo de recoñecer “a ética á hora de tratar información relacionada coa violencia machista, evitando o sensacionalismo, e iso é o que fai esta reportaxe que dá voz ás propias vítimas”.

As xornalistas da Axencia EFE, Macarena Baena e Laura de Grado, afirman que a súa responsabilidade “é dar visibilidade a aquelas voces que sistematicamente foron silenciadas”. A través desta reportaxe “queriamos que estas mulleres se convertesen nas donas da súa propia historia, narrándoas en toda a súa complexidade”. As autoras agradecen “a confianza e valentía” destas mulleres ao participar neste proxecto “co obxectivo común de que ningunha outra muller teña que vivir o que elas viviron”. Advirten que “a falta de acceso a recursos, o racismo, a discriminación, a desconfianza nas institucións e a lei de estranxeiría colócaas nunha posición de extrema vulnerabilidade”.

O xurado estivo formado polas xornalistas Cristina García (CRTVG) gañadora do II Premio Sesé Mateo, Ana González Liste (A Praza) gañadora do III Premio Sesé Mateo, Laura Nogueira (Atlántico Diario) e María Xesús Queimaliños (Radio Redondela).

O premio está dotado n 1.500 euros e unha escultura en bronce feita pola asociación Lenda. As premiadas recollerano nun acto que se celebrará este sábado, día 23, na Oficina de Turismo de Redondela ás 12.00 horas. Celebrarase tamén unha charla-coloquio baixo o título “Os medios de comunicación como axentes do cambio” con Ana González Liste, Diana López Varela (xornalista, guionista e escritora) e Joshua Alonso Mateo, Técnico superior en Promoción da Igualdade de Género. Haberá unha lectura de poemas do libro de Sesé Mateo “Polo camiño do vento” a cargo de Mar Núñez.

La entrada Macarena Baena e Laura de Grado, gañadoras do IV Premio Sesé Mateo de Xornalismo Ético se publicó primero en Concello de Redondela.

– Este certame ten como obxectivo recoñecer e destacar publicacións xornalísticas que aborden de maneira ética e respectuosa os temas relacionados coa violencia de xénero, protexendo a intimidade das vítimas e das súas familias.

– A alcaldesa Digna Rivas destaca que este premio “non só recoñece o esforzo e o compromiso dos e das profesionais do xornalismo que contribúen a combater a violencia de xénero, senón que tamén serve como un permanente recordatorio ás vítimas”.

– O premio, dotado con 1.500 euros en efectivo, está aberto a traballos de calquera xénero xornalístico (noticias, artigos de opinión, reportaxes, etc.) . O prazo para a presentación dos traballos está aberto ata o 30 de setembro de 2024.

O Concello de Redondela consolida o seu compromiso co xornalismo ético na loita contra a violencia machista coa convocatoria do IV Premio Sesé Mateo de Xornalismo Ético. Este certame ten como obxectivo recoñecer e destacar o traballo dos e das profesionais do xornalismo que aborden de maneira ética e respectuosa os temas relacionados coa violencia de xénero, protexendo a intimidade das vítimas e das súas familias. A alcaldesa Digna Rivas, reafirma así u o compromiso do goberno local “na loita pola erradicación da lacra que supón a violencia machista en todas as súas manifestacións”. Rivas destacou que este premio “non só recoñecen o esforzo e o compromiso dos e das profesionais do xornalismo que contribúen a combater a violencia de xénero, senón que tamén serven como un permanente recordatorio ás vítimas”. “Redondela sempre estivo comprometida coa igualdade e a loita contra a violencia machista e continúa liderando esta importante fronte”, sinala a alcaldesa.

Sesé Mateo (Chapela, Redondela 1965-2017) foi unha muller feminista e militante na defensa das liberdades básicas para os seres humanos, de calquera raza e condición. Foi asasinada en 2017 pola súa ex parella, nun crime que deixou, ademais, sen fogar á súa familia durante meses. A figura de Sesé Mateo inspira esta convocatoria por ser o seu caso un dos máis mediáticos de Galicia. A concelleira de Igualdade, Iria Vilaboa, sinala que “queda moito por mellorar aínda no ámbito do xornalismo con respecto ao tratamento da violencia en xeral e da violencia contra as mulleres e as súas crianzas en particular”.

O premio, dotado con 1.500 euros en efectivo, está aberto a traballos de calquera xénero xornalístico (noticias, artigos de opinión, reportaxes, etc.) sen límite de extensión e que fosen publicados, en medios en papel ou dixitais, ou emitidos en medios de comunicación radiofónicos ou audiovisuais, entre o 1 de setembro de 2023 e o 31 de agosto de 2024. O prazo para a presentación dos traballos está aberto ata o 30 de setembro de 2024. Poderán presentarse no Rexistro Xeral do Concello de Redondela ou nos lugares que sinala o artigo 16.4 da Lei 39/2015, do 1 de outubro, do procedemento administrativo común das administracións públicas, entre os cales se atopa a Sede Electrónica do Concello de Redondela.

La entrada Redondela convoca o IV Premio Sesé Mateo de Xornalismo Ético se publicó primero en Concello de Redondela.