Os traballos comezaron na parroquia de Cesantes

– As tarefas comezaron xa na parroquia de Cesantes e estenderanse de xeito progresivo por todo o termo municipal para que os camiños estean en perfectas condicións antes do verán. A actuación forma parte do contrato de mantemento que garante dúas limpezas completas ao ano e un investimento de case un millón de euros.

– A alcaldesa, Digna Rivas, destaca que o obxectivo é “garantir a seguridade viaria, a prevención de incendios e unha mellora real na calidade de vida das veciñas e veciños das parroquias”.

O Concello de Redondela deu comezo este mes á campaña de limpeza e roza de toda a rede de camiños municipais, unha actuación que se enmarca no contrato de mantemento das vías municipais que se realiza dúas veces ao ano. Os traballos arrancaron na parroquia de Cesantes, onde as brigadas xa están a actuar, e desde onde se irán desprazando de xeito programado ao resto das 13 parroquias do municipio.

O cronograma de traballo deseñado polo goberno local establece que a totalidade dos camiños municipais e as súas marxes estean “en perfecto estado” antes da chegada do verán. Esta primeira fase de intervención, que se desenvolve entre os meses de abril e xuño, é fundamental non só para o ornato e a mobilidade, senón tamén “para cumprir coa normativa de prevención e defensa contra os incendios forestais antes da época de maior risco”, explica a alcaldesa Digna Rivas. Esta campaña é froito dun contrato cualificado por Rivas como “histórico”. Cunha licitación inicial de case un millón de euros por dous anos, o servizo garante, por primeira vez en Redondela, dúas rozas integrais ao ano en todos os camiños, unha na primavera e outra no outono.

“O noso compromiso coas parroquias é firme. Con este novo modelo de xestión aseguramos que as marxes das estradas estean limpas todo o ano e non só en momentos puntuais”, explica a rexedora. Rivas subliña que esta “aposta decidida” busca igualar a calidade dos servizos en todo o territorio municipal. Os traballos que se están a realizar non se limitan á roza de maleza, herbas e arbustos. O servizo inclúe a limpeza de gabias e drenaxes “para permitir a correcta evacuación da auga da chuvia e evitar asolagamentos”. As brigadas tamén retiran o lixo, plásticos, latas e outros desperdicios atopados nas beiravías. Todo o material vexetal é transportado e tratado segundo a normativa medioambiental. O mantemento realízase mediante medios mecánicos e manuais, sen o uso de produtos químicos, respectando a biodiversidade local.

La entrada O Concello inicia a campaña de roza e limpeza integral nos camiños municipais das 13 parroquias se publicó primero en Concello de Redondela.

– A segunda limpeza anual dos camiños municipais comezou onte na parroquia do Viso, onde continuarán ao longo da próxima semana. Unha vez rematados as tarefas nesta parroquia as brigadas continuarán en Cesantes, e logo percorrerán o resto de parroquias.

– As tarefas de roza e limpeza fanse dúas veces ao ano en todos os camiños públicos de Redondela. Esta é a segunda campaña de limpeza que se fai neste 2025. As brigadas traballarán ata o mes de novembro para deixar a punto os camiños municipais de todas as parroquias.

Todos os camiños municipais lucirán en perfecto estado antes de que remate o ano. O contrato “histórico” adxudicado polo Concello de Redondela permite realizar traballos de roza e limpeza nas 13 parroquias dúas veces ao ano. Onte comezaron a segunda campaña de rozas na parroquia do Viso, na zona de Soutoxuste, e continuarán a vindeira semana polo resto de barrios da parroquia. A empresa Naturgalia, responsable do servizo, continuará despois nas parroquias de Cesantes e Ventosela. Pedro Villaverde, concelleiro responsable da área, explica que os traballos continuarán ata finais de novembro polo resto das parroquias do municipio para manter as estradas e camiños libres de maleza e en perfecto estado.

O obxectivo do Concello con este contrato histórico é que todos os camiños das parroquias e as súas marxes estean en perfectas condicións todo o ano. Trátase dunha “aposta decidida” da alcaldesa Digna Rivas “pola mellora da calidade de vida nas parroquias, cun servizo de limpeza que se foi ampliando e mellorando nos últimos anos”. Os traballos deixan os camiños e as súas marxes despexados, rozados e limpos, o que inclúe a maleza, herbas e arbustos tanto nos camiños como nas beiravías e noiros. Os operarios retiran todo o lixo e restos vexetais e fan unha limpeza a fondo das cunetas con maquinaria especializada. As brigadas limpan os caños e sistemas de drenaxe obstruídos e retiran todo o lixo acumulado para permitir unha boa evacuación da auga e evitar asolagamentos na época de chuvias.

O contrato, por dous anos, licitouse por un importe de 989.268 euros e podería prorrogarse dous anos máis, de xeito anual.

La entrada Comeza no Viso a segunda campaña anual de roza e limpeza nos camiños municipais se publicó primero en Concello de Redondela.

Unha das limpezas realizadas o ano pasado

– O 1 de abril comezan os traballos de roza e limpeza en Cesantes, logo as brigadas desprazaranse ao Viso e Ventosela. Os traballos continuarán ata finais de xuño para deixar a punto os camiños municipais de todas as parroquias.

– As tarefas de roza e limpeza faranse dúas veces ao ano. Agora comeza a primeira, no trimestre de abril a xuño, e a segunda roza será entre setembro e novembro. Os traballos permitirán tamén cumprir coa normativa de prevención e defensa contra os incendios forestais.

-“O obxectivo deste contrato histórico que comezou o ano pasado é que todos os camiños das parroquias e as súas marxes estean en perfectas condicións todo o ano”, explica a alcaldesa Diga Rivas.

Todos os camiños municipais lucirán en perfecto estado antes de que comece o verán. O contrato “histórico” adxudicado polo Concello de Redondela en 2024 permite realizar traballos de roza e limpeza nas 13 parroquias dúas veces ao ano. A empresa Naturgalia, responsable do servizo, comezará o 1 de abril coa primeira das limpezas en Cesantes, e continuarán despois no Viso e Ventosela. Logo continuarán polo resto das parroquias do municipio “para manter as estradas e camiños libres de maleza e en perfecto estado para o seu uso”, explica a alcaldesa Digna Rivas. Os traballos permitirán tamén cumprir coa normativa de prevención e defensa contra os incendios forestais.

Tal como aconteceu por primeira vez en 2024, as tarefas de roza e limpeza faranse dúas veces ao ano en todos os camiños públicos de Redondela, cunha primeira fase entre os meses de abril e xuño e unha segunda roza no trimestre de setembro a novembro. “O obxectivo deste contrato histórico é que todos os camiños das parroquias e as súas marxes estean en perfectas condicións todo o ano”, explica Rivas. Trátase dunha “aposta decidida” da rexedora local “pola mellora da calidade de vida nas parroquias” cun servizo de limpeza que se foi ampliando e mellorando nos últimos anos.

Os traballos deixarán os camiños e as súas marxes despexados, rozados e limpos, o que inclúe a maleza, herbas e arbustos tanto nos camiños como nas beiravías e noiros. Os operarios retiran todo o lixo e restos vexetais e fan unha a limpeza a fondo das cunetas con maquinaria especializada. As brigadas limpan os caños e sistemas de drenaxe obstruídos por vexetación ou outros residuos e retiran todo o lixo acumulado permitir unha boa evacuación da auga.

Desperdicios como bolsas plásticas, papeis, latas ou botellas que se atopen durante os labores de limpeza tamén son retirados e Naturgalia encárgase do transporte de todo os residuos, así como da súa clasificación, xestión e tratamento segundo a normativa medioambiental.

O contrato, por dous anos, licitouse por un importe de 989.268 euros e podería prorrogarse dous anos máis, de xeito anual.

La entrada Comezan os traballos de roza nos camiños municipais de Cesantes se publicó primero en Concello de Redondela.

– A empresa adxudicataria do contrato, Naturgalia, comezou onte os traballos de roza e limpeza en Cesantes, para continuar nas próximas semanas polo resto de parroquias.

– Por primeira vez as tarefas de roza e limpeza faranse dúas veces ao ano en todos os camiños públicos de Redondela, cunha primeira fase neste mes de xuño e unha segunda roza entre setembro e novembro.

-“O obxectivo deste contrato histórico é que todos os camiños das parroquias e as súas marxes estean en perfectas condicións todo o ano”, explica a alcaldesa Diga Rivas.

Os camiños municipais lucirán en perfecto estado este verán, unha vez comezou xa a traballar a empresa adxudicataria do contrato “histórico” adxudicado polo Concello de Redondela para os traballos de roza e limpeza nas 13 parroquias. A empresa Naturgalia, responsable do servizo, comezou onte os traballos en Cesantes “para manter as estradas e camiños libres de maleza e en perfecto estado para o seu uso”. Logo continuarán polo resto das parroquias do municipio. Os traballos permitirán tamén cumprir coa normativa de prevención e defensa contra os incendios forestais.

Por primeira vez as tarefas de roza e limpeza faranse dúas veces ao ano en todos os camiños públicos de Redondela, cunha primeira fase neste mes de xuño e unha segunda roza entre setembro e novembro. “O obxectivo deste contrato histórico é que todos os camiños das parroquias e as súas marxes estean en perfectas condicións todo o ano”, explica a alcaldesa Diga Rivas. Trátase dunha “aposta decidida” da rexedora local “pola mellora da calidade de vida nas parroquias” cun servizo de limpeza que se foi ampliando e mellorando nos últimos anos.

O contrato, por dous anos, licitouse por un importe de 989.268 euros. O contrato podería prorrogarse dous anos máis, de xeito anual, ata un importe máximo de 1.978.536 euros para os catro anos.

Os traballos deixarán os camiños e as súas marxes despexados, rozados e limpos, o que inclúe a maleza, herbas e arbustos tanto nos camiños como nas beiravías e noiros. Retirarase todo o lixo acumulado nas beiravías e gabias para permitir unha boa evacuación da auga, o que evitará atascos e facilitará a evacuación da auga da chuvia. Desperdicios como bolsas plásticas, papeis, latas ou botellas que se atopen durante os labores de limpeza tamén están a ser retirados. Naturgalia tamén se encarga da recollida e transporte de todo o material procedente das rozas e limpezas, así como a súa clasificación, xestión e tratamento segundo a normativa medioambiental.

La entrada Comezan os traballos de roza nos camiños municipais de Cesantes se publicó primero en Concello de Redondela.