Recreación do futuro Viveiro de Empresas de Redondela

– O Consorcio licitará antes do verán o proxecto de rehabilitación da antiga casa de Ponte da Lima que albergará o novo centro empresariaL, iniciativa na que van da man a Zona Franca e o Concello de Redondela. Zona Franca recibiu o informe positivo de Patrimonio da Xunta ao proxecto, que era o trámite que se agardaba para poder avanzar.

– A alcaldesa de Redondela, Digna Rivas, destacou que é “unha moi boa nova para o Concello e para toda a cidadanía de Redondela”, porque este proxecto tan importante para a vila está “máis preto de facerse realidade?. Rivas agradeceu ao delegado do Estado na Zona Franca o seu compromiso con Redondela porque este Centro de Negocios e Viveiro de Empresas suporá “un impulso aos novos emprendedores e as pemes”.

A Zona Franca de Vigo sacará a licitación no primeiro semestre deste ano o proxecto de rehabilitación da antiga casa situada na Praza de Ponte da Lima, coñecida popularmente como Praza da Petanca, un inmoble icónico que albergará o futuro Centro de Negocios e Viveiro de Empresas da vila. Zona Franca recibiu o informe positivo de Patrimonio da Xunta de Galicia ao proxecto, que era o trámite que se agardaba para poder avanzar. O espazo, que atenderá os estándares de calidade, sostibilidade, accesibilidade e eficiencia enerxética, será un complexo de emprendemento para dar resposta á demanda do tecido empresarial e facilitará “un maior e mellor servizo ás persoas emprendedoras”.

O CZFV, que asumirá o custo do futuro Centro de Negocios cun investimento estimado de 1,3 millóns de euros, xa solicitou a licenza de obra ao Concello de Redondela e, unha vez obtida, licitará as obras que poderían comezar a final de ano. A redacción do proxecto estivo a cargo da UTE formada por Díaz e Díaz Arquitectos S.L.P. e Castroferro Arquitectos S.C.P. co obxectivo de volver pór en valor unha edificación singular cun marcado carácter representativo dunha época, dotándoa dun novo uso para volver pola no foco de actividade da vila. Contempla que o Centro e Viveiro dispoña, entre outras instalacións, de salas de reunións, salas de usos múltiples para coworkings, ou espazos para contido cultural/expositivo. O delegado do Estado, David Regades, sinalou que “imos en prazo, e unha vez conseguido o visto e prace de Patrimonio ao proxecto básico, temos o camiño aberto”. Lembrou a ampla experiencia de Zona Franca na área de emprendemento “con viveiros, incubadoras e aceleradoras de start-ups que actualmente son referentes en todo o Estado”, e mostrouse optimista “coa gran oportunidade que se lles dá ás persoas emprendedoras e á capacidade de atracción de Redondela como centro empresarial: facilítanselles espazos, apóstase polo seu talento, e serán asesorados por persoal especializado”. O obxectivo é claro, dixo Regades, “seguir impulsando a economía, xerando emprego e incrementando a colaboración público-privada”.

A alcaldesa de Redondela, Digna Rivas, destacou que “é unha moi boa nova para ou Concello e para toda a cidadanía de Redondela, porque este proxecto tan importante para a vila está máis preto de facerse realidade”. Rivas agradeceu ao delegado do Estado na Zona Franca o seu compromiso con Redondela porque este Viveiro de Empresas suporá “un impulso aos novos emprendedores e as pemes. En pouco tempo veremos xa a transformación deste edificio tan emblemático”.

Unha vez que finalicen as obras do Centro de Negocios, a Zona Franca seguirá colaborando co Concello na dinamización das instalacións. Será o Concello quen asuma a xestión do Viveiro, de iniciativa e promoción municipal, fixará os criterios de acceso para a selección dos proxectos nos que priorizará as propostas máis innovadoras e as que máis postos de traballo poidan crear, determinará o regulamento de funcionamento ou as tarifas. Encargarase tamén do mantemento do edificio, horarios, servizos ou ingresos, así como do persoal, que dependerá directamente do Consistorio. A Zona Franca tamén disporá dun espazo de atención para as persoas emprendedoras e colaborará na selección das persoas usuarias.

La entrada Zona Franca avanza no proxecto do Viveiro de Empresas de Redondela se publicó primero en Concello de Redondela.

– O delegado do Estado, David Regades, e a alcaldesa, Digna Rivas, asinan o convenio para a rehabilitación da Casa de Don Pancho que acollerá este novo espazo de emprendemento en Redondela. As obras comezarán en 2025 e o edificio entrará en uso en dous anos.

– A alcaldesa Digna Rivas sinalou que “hoxe cumprimos unha demanda histórica como é a de facilitar o maior e mellor servizo aos emprendedores que requiren a colaboración das administracións para a posta en marcha de proxectos empresariais”.

– O futuro Viveiro de Empresas de Redondela está en marcha. O delegado do Estado na Zona Franca, David Regades, e a alcaldesa, Digna Rivas, asinaron este mediodía no Multiusos da Xunqueira o convenio que suporá a rehabilitación da icónica Casa de Don Pancho, na Praza dá Petanca, para convertela neste novo espazo de emprendemento que chega da man do Consorcio á cuarta cidade da provincia. “É a primeira actuación da Zona Franca en Redondela, a primeira de moitas”, dixo David Regades, dado o dinamismo económico e social da vila. No acto de presentación no Multiusos da Xunqueira ao que asistiron, entre outros, o presidente da CEP, Jorge Cebreiros, a presidenta do Círculo de Empresarios, María Borras, ou o presidente da Asociación de Empresarios de Redondela, Enrique Lago, David Regades destacou que “hoxe é un día moi importante para Redondela, que poderá dispor dun espazo dinamizador para o municipio e a súa área de influencia, que impulse o emprendemento, fortaleza o tecido empresarial e axude a xerar emprego, pero tamén o é para a Zona Franca que se dedica ao fomento da economía e ao apoio e nacemento de novas actividades empresariais”. O delegado do Consorcio lembrou, neste sentido, “que as iniciativas que lanzamos non terían sentido sen a implicación e a participación das empresas”.

Pola súa banda, a alcaldesa Digna Rivas sinalou que “hoxe cumprimos unha demanda histórica como é a de facilitar o maior e mellor servizo aos emprendedores que requiren a colaboración das administracións para a posta en marcha de proxectos empresariais. O viveiro é de iniciativa e promoción municipal, foi unha demanda das organizacións empresariais de Redondela e estou encantada de poder cumprir este compromiso, polo que agradecemos á Zona Franca toda a colaboración e axuda que nos vai a prestar para que sexa pronto unha realidade”. O inmoble que acollerá este espazo de emprendemento será obxecto dunha importante restauración e rehabilitación. Será a Zona Franca a encargada de redactar o proxecto que atenderá os estándares de calidade, sostenibilidade e eficiencia enerxética. Os próximos pasos, unha vez asinado o convenio será licitar a redacción do proxecto que, unha vez aprobado, dará paso á solicitude da licenza para despois iniciar a execución das obras e adecuación do inmoble. Como lembrou o delegado do Estado, o proxecto xa está incluído nos orzamentos xerais de 2025, estímase que as obras poidan comezar o próximo ano e nun prazo máximo de dous anos estará en pleno funcionamento. Tras a apertura, o Consorcio colaborará co Concello na dinamización das instalacións, presentará os proxectos do Viveiro aos seus programas de aceleración e manterá esta incubadora como pertencente á súa rede de emprendemento. Pola súa banda, o Concello asumirá a xestión do Viveiro, os criterios de acceso para a selección dos proxectos nos que priorizará as propostas máis innovadoras e as que máis postos de traballo poidan crear, o regulamento de funcionamento ou as tarifas. Encargarase tamén do mantemento do edificio, horarios, servizos ou ingresos, así como do persoal, que dependerá directamente do Concello. A Zona Franca tamén disporá dun espazo de atención para o seu persoal na atención aos emprendedores, e colaborará na selección das persoas usuarias.

La entrada O futuro Viveiro de Empresas de Redondela ponse en marcha se publicó primero en Concello de Redondela.

– A sede da Zona Franca en Vigo acolleu onte a sinatura da compra do edificio situado na Praza da Petanca por 265.628,27 euros. Regades informou que o proxecto xa está redactado e que as obras poderán comezar o ano que vén. O importe da rehabilitación do inmoble ascende a aproximadamente a 1.250.000 euros.

– A alcaldesa, Digna Rivas, destacou que “é un día grande e para toda a cidadanía de Redondela porque este proxecto tan importante para a vila é xa unha realidade”. Rivas agradeceu ao delegado o seu compromiso con Redondela “porque este viveiro suporá un impulso aos novos emprendedores, as pemes e as empresas. En pouco tempo veremos xa a transformación deste edificio tan emblemático”.

O Consorcio da Zona Franca deu un paso máis na posta en marcha do futuro Viveiro de Empresas de Redondela. O delegado do Estado, David Regades, asinou a escritura de compra-venda da Casa de Don Pancho, edificio situado na Praza da Petanca, que albergará este espazo de emprendemento na cuarto Cocnello da provincia. Ao acto de firma asistiron a alcaldesa de Redondela, Digna Rivas, e as propietarias do inmoble, estando tamén presente o adxunto á Secretaría Xeral do Consorcio José Manuel Rodríguez Quiroga. A operación de compra-venda do edificio, situado na Subida á Estación nº1, en pleno centro de Redondela e que conta cunha superficie de 670 metros cadrados construídos, realizouse por un importe de 265.628,27 euros, segundo a taxación oficial, e responde ao protocolo de colaboración e do convenio subscritos entre a Zona Franca e o Concello para a implantación do Viveiro.

O delegado de Zona Franca, David Regades, sinalou que o Viveiro de Empresas é a primeira actuación do Consorcio en Redondela, “e ante o interese común do Concello e do Consorcio estamos convencidos que non será a última. O noso obxectivo é achegar espazos a todas as persoas con novas iniciativas que queiran emprender e acompañalas no seu nacemento e na súa consolidación. En Redondela hai un dinamismo económico que temos que aproveitar para seguir xerando riqueza, creación de emprego e atracción de talento. Hoxe é un día importante para Zona Franca”. Pola súa banda, a alcaldesa, Digna Rivas, destacou que “hoxe é un día grande como alcaldesa e para toda a cidadanía de Redondela porque este proxecto é moi importante para a vila e hoxe xa é unha realidade”. Rivas agradeceu ao delegado David Regades o seu compromiso con Redondela “porque este viveiro suporá un impulso aos novos emprendedores, as pemes e as empresas. En pouco tempo veremos xa a transformación deste edificio tan emblemático. Hoxe é un día feliz”.

Regades informou que o proxecto xa está redactado e que este mesmo ano irá a licitación polo que as obras poderán comezar o ano que vén. Unha vez pechada a adquisición da Casa de Don Pancho, será Zona Franca quen levará a cabo a rehabilitación do inmoble, cuxas obras se cifran nun importe aproximado dun 1.250.00 euros. Tras a apertura do viveiro, o Consorcio tamén colaborará co Concello de Redondela na dinamización das instalacións. Pola súa banda, o Concello asumirá a xestión e mantemento deste novo espazo de emprendemento e do edificio e dotará ás instalacións de persoal para as labores de atención e asesoramento.

La entrada Zona Franca formaliza a compra da Casa de Don Pancho para o futuro Viveiro de Empresas de Redondela se publicó primero en Concello de Redondela.