– Actualmente existen xa algunhas casas de acollida nas que persoas voluntarias se fan cargo dos animais abandonados mentres non son adoptados. Logo de dous anos de experiencia o concelleiro Roberto Villar advirte fai un balance “moi positivo” deste programa pero advirte que se precisan máis voluntarios e voluntarias “para seguir medrando e contar con máis casas de acollida e persoas que colaboren nos coidados dos animais no refuxio”.

A concellería de Infraestruturas e Sostibilidade pon en marcha unha campaña de voluntariado para que persoas que teñan interese poidan colaborar no Programa de Adopción Felina como “casas de acollida” ou colaborando coas tarefas do refuxio municipal. O concelleiro Roberto Villar explica que, a día de hoxe, xa hai un grupo de voluntarios e voluntarias que colaboran co programa, especialmente co coidado de crías abandonadas.

Redondela está agora implementando a terceira fase do Programa de Adopción felina, un proxecto que comezou no 2023, “e xa consolidamos tanto a recollida de animais na rúa como a asistencia veterinaria e o programa de adopción”, sinala Villar. Actualmente existen xa algunhas casas de acollida no que persoas voluntarias se fan cargo dos animais abandonados mentres non son adoptados. A día de hoxe o traballa na construción dun pequeno refuxio, “coa experiencia que acumulamos estes dous anos sabemos que precisamos máis voluntarios e voluntarias para que funcione mellor o programa, con máis casas de acollida e persoas que colaboren nos coidados no refuxio”. Villar amósase moi satisfeito cos resultados acadados ata o de agora e confía en que máis xente se anima a colaborar “para darlle unha segunda oportunidade a estes animais”. Quen queira formar parte do voluntariado tan só ten que inscribirse no Concello ou no teléfono 604 044 165 e colaborar “na medida das súas posibilidades”.

Nos vindeiros meses porase en marcha unha cuarta fase do programa que será a campaña de voluntariado para o rescate de animais feridos na rúa.

O Programa de Adopción Felina non se limita a atender animais abandonados e buscarlles un fogar, senón que pretende concienciar á sociedade contra o abandono animal e a obrigatoriedade de esterilizar ás mascotas. Recalcar que antes de levar un animal a casa é fundamental reflexionar sobre o tempo que hai que dedicarlles, os recursos económicos que requiren e o espazo dispoñible para eles. Villar solicita a colaboración cidadá na protección dos dereitos dos animais e na promoción dunha cultura de respecto e coidado cara a eles.

La entrada Redondela pon en marcha unha campaña de voluntariado para o Programa de Adopción Felina se publicó primero en Concello de Redondela.

O concelleiro de Medio Ambiente, Alberto Álvarez, visitou onte ao alumnado e profesores do Colexio Hogar Afundación que realizou unha actividade ambiental na praia de Cesantes. O centro desprazouse a Redondela para realizar unha nova xornada de voluntariado ambiental no marco do proxecto PLANCTO, que consistente na retirada de diferentes especies de flora exótica invasora e lixo mariño. En canto ás especies botánicas a eliminar, atópanse, entre outras, a margarida africana. Son plantas que é necesario eliminar de lugares tan fráxiles como este ecosistema dunar, un lugar que forma parte do LIC Enseada de San Simón pertencente á Rede Natura 2000. Nesta xornada retiráronse 194 quilos de especies invasoras e 74,4 quilos de lixo, cun total de 268,4 quilos.

A actividade conta coa colaboración do Concello de Redondela, que se encarga da xestión final dos residuos e especies alóctonas invasoras eliminadas ao longo da xornada.

La entrada O voluntariado retira 268 quilos de lixo e plantas invasoras da praia de Cesantes se publicó primero en Concello de Redondela.

Alumnado do instituto Illa de San Simón e voluntarios do Programa de Voluntariado do Concello sumáronse á limpeza simultánea de ríos impulsada pola Asociación para a Defensa Ecolóxica de Galicia (Adega). O Concello colaborou co material necesario para a recollida dos residuos e a súa posterior retirada. A concelleira de Medio Ambiente, Pilar Martínez, sinala que estas xornadas buscan concienciar sobre a necesidade de manter limpos de residuos os cursos fluviais. O río escollido nesta ocasión foi o Maceiras, ao longo do paseo fluvial que é moi empregado pola veciñanza. A xornada de limpeza realizouse o venres, e nunhas poucas horas voluntarios e escolares retiraron 200 quilos de lixo, con moitos restos de entullo, téxtil, tanto roupa como calzado, e tamén plásticos. Pilar Martínez sinalou que todo este lixo foi recollido só nun tramo do Maceiras, “o que lamentablemente quere dicir que son moitos os residuos que chegan ás canles dos ríos, e resulta sorprendente todo o que a xente tira nos espazos naturais”. A parte positiva de campañas como esta é ver “o compromiso da mocidade e do voluntariado coa protección do medio ambiente” .

Desde o Concello animan a toda a veciñanza a participar en labores de voluntariado ambiental. Pilar Martínez avanza que ao longo do curso seguirán realizando campañas de limpeza e educación ambiental co alumnado dos centros de ensino do municipio.

La entrada Redondela retira máis de 200 quilos de lixo do río Maceiras se publicó primero en Concello de Redondela.

O Concello de Redondela, a través da concellería de Maiores e Infancia, organiza un curso de Formación en Voluntariado que se vai impartir nas diferentes parroquias do municipio. A concelleira, Pilar Martínez, explica que este curso está dirixido ás persoas que forman parte do Programa Municipal de Voluntariado, pero tamén aberto “a coidadores e coidadoras de familiares dependentes, ou calquera que queira formar parte do programa de voluntariado”. Os participantes no curso aprenderán “a comunicarse con persoas con patoloxías severas, realizar mobilizacións a persoas con mobilidade reducida, e tamén actividades físicas e cognitivas recomendables para as persoas que acompañamos”.

O obxectivo deste curso é dotar aos voluntarios e voluntarias dos coñecementos necesarios para a súa labor de acompañamento a maiores e persoas dependentes. “Deste xeito o voluntariado do programa municipal terá os coñecementos necesarios para axudar a persoas maiores ou dependentes e acompañalos para dar un paseo, facer xestións ou realizar compras”, explica Pilar Martínez. A concelleira incide en que esta labor de voluntariado “non trata de substituír en ningún caso o traballo profesional que fan coidadores e coidadoras, senón que está dirixida a prestar apoio aos maiores e ás súas familias”.

Co obxectivo de facilitar a participación neste curso de toda a veciñanza, as clases van celebrarse en diferentes puntos do municipio nos seguintes días, lugares e horarios:

– Martes 18 de Xuño, de 16:00 a 18:00h Asociación Deportiva e Cultural de Rande

– Martes 18 de Xuño, de 18:30 a 20:30h Círculo Cultural e Deportivo de Cesantes

– Venres 21 de Xuño, de 10:00 a 12:00h Centro Cultural e Recreativo de Quintela

– Venres 21 de Xuño, de 16:00 a 18:00h Centro Cultural de Vilar de Infesta

– Venres 21 de Xuño, de 18:30 a 20:30h Multiúsos da Xunqueira de Redondela

O curso, impartido pola fundación Formavigo, é totalmente gratuíto. Máis información e inscricións no enderezo electrónico formacion@fundacionformavigo.com e no teléfono 600 06 01 46.

La entrada Redondela organiza un curso de Formación en Voluntariado sobre coidados se publicó primero en Concello de Redondela.