Este xoves a Biblioteca Xela Arias organizou un encontro entre maiores e escolares para lembrar xuntos a figura de Rosalía de Castro nas datas próximas ao seu aniversario.

Persoas usuarias do obradoiro de estimulación cognitiva de AFAGA Alzheimer en Chapela xuntáronse con escolares do 1º ciclo de Primaria do CEIP Alexandre Bóveda.

Nunha primeira parte da actividade os participantes de cada grupo fixeron respectivas preguntas para coñecerse mellor, e comparar as características das diferentes xeracións.

Lembramos o aniversario de Rosalía de Castro. Os maiores leron dous poemas escollidos da autora, mentres que a rapazada interpretou un poema cantado. Pero o máis estimulante foi a actividade manual, máis participativa, onde decoramos con “camelias rosalianas”, feitas con papel, os poemas interpretados polos participantes.

Temos que comentar que esta ven ser a primeira experiencia que facemos nas bibliotecas con grupos interxeracionais, e quedamos contentos, xa que as reaccións de todos os participantes resultaron satisfactorias. Tamén pola actividade manula que se lles propuxo, que resultou estimulante e moi acorde aos seus gustos.

A Biblioteca Xela Arias, que celebra este ano o seu 20 aniversario, está a fomentar o protagonismo e a participación das persoas usuarias en diferentes públicos.

Levamos a cabo esta actividade dentro da programación da Semaniña Enteira, organizada polo Servizo de Normalización Lingüística de Redondela, que xunto cos centros de ensino e mais outros colectivos do noso concello, pretende fomentar o uso do galego na semana de celebración do 23 de febreiro, Día de Rosalía.

A nova en FARO DE VIGO.

La entrada Rosalía de Castro protagoniza un encontro interxeracional na Biblioteca Xela Arias se publicó primero en Concello de Redondela.

Na mañá de onte, a sala infantil da Biblioteca Valle-Inclán de Redondela encheuse de ledicia, de cores e de moita arte.

Coma outros anos, a Escola Infantil Carrusel achegou aos seus cativos á biblioteca para que a coñeceran e descubriran aquel lugar máxico onde hai moitos libro, e onde, tamén, as palabras dos libros voan para se converter en voz.

A nosa compañeira Mª José compartiu con eles a arte e a maxia  de contos onde os protagonistas eran o mundo da pintura, das artes e das cores.

O público asistente, cativos e cativas de 2 e 3 anos, portouse fenomenal, e amosounos as súas dotes artísticas compoñendo entre todos un mural. Gozaron da palabra contada, da sorpresa e da inspiración artística que lles presentou a biblioteca, pero sobre todo, da sensación de encher as súas pequenas mans de pintura e compoñer con ela as súa interpretación artísticas do mundo.

Grazas a Carrusel, un ano máis, pola súa visita.
Agardámosvos sempre na vosa biblioteca amiga!

La entrada Visita da Escola Infantil Carrusel á Biblioteca de Redondela se publicó primero en Concello de Redondela.

Onte en Chapela a Biblioteca Xela Arias volveu gozar dunha mañá de lecturas de contos e mais de poesías, que pudo compartir coas persoas usuarias do taller de estimulación cognitiva de Afaga.

Desta vez visitounos o grupo que organiza Afaga en Redondela, e deunos moita alegría saber porque para eles era a primeira vez que visitaban a nosa biblioteca.

Anteriormente xa nos visitara o grupo de Afaga de Chapela, co que realizaramos unha actividade arredor do Día das Letras Galegas.

O obxectivo destas visitas grupais é achegar os servizos da biblioteca a grupos de poboación con necesidades específicas, axeitando os nosos contidos e recursos ás mesmas. Desde as bibliotecas queremos proporcionar a estas persoas acceso á cultura e a un ocio de calidade, reducindo as desigualdades e contribuíndo ao coidado da súa saúde e benestar.

La entrada A Biblioteca Xela Arias recibe ao taller de estimulación de Afaga Redondela se publicó primero en Concello de Redondela.

A Biblioteca Xela Arias de Chapela remata esta semana as visitas dos centros de ensino. Este luns tocoulle ao alumnado de 1º e 2º de primaria do Colexio Vigo.

Entre xogos e contos, repasaron obras icónicas da pintura abstracta e a súa importancia na historia da arte.

Ademáis, nunha segunda parte da visita, exploraron a súa propia creatividade:
– Dunha banda démoslle espazo ao traballo co trazo e a liña, para potenciar a súa sensibilidade e expresar as súas emocións.
– Doutra, exploramos coa mancha de cor como detonante para crear formas e figuras.

Pasámolo en grande con estes xeniais artistas.

Grazas pola vosa inspiración!

• A visita no Instagram do Colexio Vigo.

La entrada Unha nova visita na Biblioteca Xela Arias: o alumnado de 1º e 2º do Colexio Vigo se publicó primero en Concello de Redondela.

Comezamos a semana cargando as pillas cunha visita que nos deixou cheos de enerxía!

Os cativos e cativas de Infantil do CEIP Alexandre Bóveda visitaron esta mañá a Biblioteca Xela Arias de Chapela.

Con eles achegámonos á arte da pintura a través dos contos e tamén dos libros informativos das nosas estanterías. Ademáis puderon traballar cada un deles en elaborar as súas propias creacións plásticas.

Debuxo, liña, trazo… fronte a pintura, mancha, cor. Quen vencerá? Unha confrontación que expusemos desde os contos, pero que cada quen resolveu coa súa propia expresión creativa, a través de diferentes propostas pictóricas.

Unha actividade para gozar da arte, da estética e da literatura a través da experimentación da nosa creatividade.

VER FOTOGRAFÍAS DA ACTIVIDADE

• A visita no Instagram do CEIP Alexandre Bóveda.

La entrada Recibimos aos cativos do CEIP Alexandre Bóveda na biblioteca se publicó primero en Concello de Redondela.

A Biblioteca Xela Arias de Chapela continúa coas súas actividades de dinamización dos seus servizos.
Esta mañá contamos coa visita de dous grupos de persoas maiores: as alumnas e alumnos das clases de Axilización da memoria que se reúnen no Multiúsos da parroquia todas as mañás dos xoves.

Estas visitas constitúen unha ocasión fantástica para achegarnos a colectivos de diferentes idades e características para contactar cos seus intereses e achegarlles os servizos das bibliotecas.

La entrada Recibimos na Biblioteca Xela Arias aos grupos de Axilización da Memoria de Chapela se publicó primero en Concello de Redondela.

Na véspera do Día das Letras Galegas as bibliotecas gozamos de achegar a literatura galega e, en especial, este ano, a figura de Luísa Villalta a todos os nosos lectores.

• Esta mañá a Biblioteca Xela Arias recibiu a visita dun grupo de usuarios de Afaga, da área de Chapela.

Con eles repasamos a figura da escritora, e aproveitamos para facer un percorrido pola historia do Día das Letras Galegas.

Lemos poemas en galego.
Coñecemos as mil facetas de Luísa Villalta.
Achegámonos aos poemas da autora homenaxeada a través da cor e a composición artística.

• Pola tarde, cativas da nosa contorna sumáronse a facer esas composicións para decorar a biblioteca.

La entrada Luísa Villalta: melodía e cor na Biblioteca Xela Arias se publicó primero en Concello de Redondela.

Os cativos e cativas de INFANTIL do CEIP Igrexa Chapela visitaron esta mañá a Biblioteca Xela Arias para unha sesión de contos e fantasía.
A creatividade e as artes son a temática sobre a que xiraba a actividade que o persoal da biblioteca lle tiña preparado a este grupo tan entusiasta e activo.

Pasámolo xenial.
Agardamos vervos pronto levando contos para ler na casa.

VER IMAXES DA SESIÓN.

• A visita no Instagram do CEIP Igrexa Chapela.

La entrada Visita da rapazada de Educación Infantil do CEIP Igrexa á Biblioteca Xela Arias se publicó primero en Concello de Redondela.