Este mes de novembro a Biblioteca de Chapela comprácese en ofrecer un novo contacontos para cativos.

De novo as familias poderán inscribirse na biblioteca para gozar dunha divertida contada, que nos ofrecerá unha usuaria da biblioteca.

Será o venres 14 de novembro, ás 18:30 h, na sala infantil da Biblioteca Xela Arias.
Contaremos con Beatriz, usuaria da biblioteca, mamá e namorada da literatura infantil, que xa nos ten ofrecido outras sesións.

• Para nenos e nenas a partir dos 3 anos.
• Insricións na biblioteca.

La entrada Nova sesión de Contos da Veciñanza, contacontos para cativos na Biblioteca Xela Arias se publicó primero en Concello de Redondela.

Este outono ven moi animado nas Bibliotecas municipais de Redondela.

Grazas ao programa Ler Conta Moito para a dinamización da lectura da Xunta de Galicia, as bibliotecas de Redondela e mais de Chapela ofertan actividades para diferentes públicos nos meses de setembro e outubro.

Ademáis, adicaremos o 24 de outubro, Día das Bibliotecas, a festexar o XX aniversario da Biblioteca Xela Arias cun concerto moi especial.

O prazo xa está aberto para as actividades que requiren inscrición.

Achegádevos e participade 🤩

• XOVES 25 DE SETEMBRO, ás 18:00 h.

“Cambio e conto”, con Raquel Queizás
Contacontos para bebés. Cativos de 1 a 4 anos.
Inscrición previa na biblioteca.
Programa Ler conta Moito.
BIBLIOTECA VALLE-INCLÁN DE REDONDELA.

• MARTES 30 DE SETEMBRO, ás 17:30 h.

“Conta miña compañeira”, con Lorena Piñeiro
Contacontos para persoas maiores.
Inscrición previa na biblioteca.
Programa Ler conta Moito.
BIBLIOTECA XELA ARIAS DE CHAPELA.

• XOVES 9 DE OUTUBRO, ás 18:00 h.

“Contos pequeniños”, con Bea Campos
Contacontos para bebés. Cativos de 6 meses a 3 anos.
Inscrición previa na biblioteca.
Programa Ler conta Moito.
BIBLIOTECA XELA ARIAS DE CHAPELA.

• XOVES 16 DE OUTUBRO, ás 18:00 h.

“A corpo contado”, con Charo Pita
Contacontos infantil. Rapazada 5-9 anos.
Entrada libre ata completar localidades.
Programa Ler conta Moito.
BIBLIOTECA VALLE-INCLÁN DE REDONDELA.

• VENRES 24 DE OUTUBRO, ás 20:00 h.

Día das Bibliotecas.
Concerto XX aniversario Biblioteca Xela Arias:
Os Carunchos: presentación do libro-disco:
“Unha gorxa chea de Paxaros”.
BIBLIOTECA XELA ARIAS DE CHAPELA.

La entrada Outono – Programación cultural das Bibliotecas municipais de Redondela se publicó primero en Concello de Redondela.

– O mes de agosto arranca en Redondela con trece propostas de turismo ambiental e cultural para todas as idades: visitas guiadas polo casco histórico sobre lendas e supersticións da vila, rutas polo litoral de Cesantes a pé ou en kaiak e actividades para “exploradores” en busca de animais no Chan das Pipas.

– Desde o Concello de Redondela destacan a “transversalidade” destas actividades “que apostan polo turismo ambiental, sostible e cultural con saídas para coñecer o espectacular patrimonio natural e histórico de Redondela”. Para participar é preciso inscribirse na oficina de turismo, no correo electrónico turismo@redondela.gal ou no teléfono 986.401.713.

O mes de agosto chega a Redondela cargado de actividades para público de todas as idades. Á ampla e variada oferta cultural do Concello súmanse as propostas de turismo ambiental que organizan os departamentos de Turismo, Sostibilidade e Medio Ambiente. A primeira saída deste mes será mañá sábado día 2 coa ambiental “As pedras de Ventosela” ás 10.00 horas.

Unha das novidades deste verán é a ruta “Redondela oculta: entre a lenda e a superstición” a cargo da guía turística Soledad Chayán. No percorrido dáse conta das supersticións e tradicións arredor dos oficios, sobre todo dos mariñeiros, onde se destacan personaxes como a bruxa Benita, o mago Marcolfo ou Xan Carallás, mítico fundador da vila de Redondela. Haberá dúas citas con esta ruta, os martes 12 e 26 de agosto ás 21.00 horas. Tamén os martes serán as visitas guiadas ao Cemiterio dos Eidos, declarado como o cemiterio “máis bonito de España”. Serán os días 5 e 19 de agosto ás 21.00 horas.

O sábado día 9 realizarase a ruta ambiental “O litoral de Soutoxuste” , ás 10.00 horas e o domingo día 10 a denominada “A intermareal de Cesantes” con saída desde o Porto de Cesantes ás 10.00 horas.

O luns día 11 a proposta é unha ruta en kaiak pola enseada de San Simón, unha actividade familiar para dar a coñecer o patrimonio natural tanto sobre as augas como por baixo da superficie. A saída está prevista para as 10.30 horas. O mércores 20 celébrase outra saída en kaiak, neste caso pola zona da Portela para dar a coñecer o patrimonio da Portela e da enseada de San Simón. A saída será ás 11.00.

Para o sábado 16 a proposta é unha observación xeográfica, histórica e natural da ría de Vigo. Será ao serán, a partir das 20 horas. O domingo 17 realízase a ruta ambiental “O río Pexegueiro” con saída ás 10.00 horas.

Os máis pequenos terán unha actividade pensada especialmente para eles o día 27 de agosto con “Exploradores: Animais do luscofusco”. Está dirixida a rapazada de 8 a 12 anos. Nesta saída os participantes explorarán a natureza da man dun guía especializado no Chan das Pipas. O horario será de 19.15 a 21.15 horas. A última saída será o domingo 31 cunha ruta ambiental no Monte Penide ás 10.00 horas.

Para participar nestas actividades é preciso facer a inscrición previa na oficina de turismo, no teléfono 986 40 17 13 ou no enderezo electrónico turismo@redondela.gal.

La entrada Roteiros ambientais e culturais: Redondela oculta, Kaiak pola enseada, Animais do luscofusco e moito máis se publicó primero en Concello de Redondela.

E no mes de maio…. volven os «Contos da veciñanza» á Biblioteca Xela Arias de Chapela!

E nada mellor que facelo arredor do Día Internacional das Familias. Unha data singular do calendario que nós festexaremos con este encontro veciñal arredor da narrativa oral.

Despois de dúas  sesións divertidísimas, ofrecidas por contistas voluntarias da nosa contorna, e porque non hai dous sen tres, o vindeiro xoves atreverémonos cunha terceira aposta por Contos da Veciñanza.

Unha tarde para gozar en familia, compartindo nervios, un pouco de vergoña, risas, diversión, e moitos contos coas persoas máis afoutas da veciñanza, que son aquelas que se atreven a contar en público, e que nesta ocasión serán dúas das mamás máis gaioleiras da nosa contorna: Rebeca e mais Sonia.

E, de novo, ao rematar faremos algunha pequena actividade manual para compartir entre cativos e adultos.

Será o xoves 22 de maio, ás 18:00 h. (data modificada).

– A proposta é para nenos e nenas a partir de 3 anos.
– Dado que as prazas son moi limitadas, deberedes anotarvos previamente na biblioteca.

986-454-226

bibliotecachapela@redondela.gal

Este ano a Biblioteca Xela Arias celebra o seu 20 aniversario, e quere facelo fortalecendo o seu vencello coas persoas usuarias.

Grazas á veciñanza polo seu talento e xenerosidade.

#ContosdaVeciñanza

La entrada No Día das Familias voltan os “Contos da Veciñanza” á Biblioteca Xela Arias se publicó primero en Concello de Redondela.

La entrada 20 anos de biblioteca se publicó primero en Concello de Redondela.

Como xa sabemos, o 23 de abril celébrase o Día do Libro.

Para festexar esta data a Biblioteca Xela Arias de Chapela ofrece un obradoiro creativo para nenos e nenas, da man de Costa Oeste, escola de deseño e arquitectura.

Un obradoiro para espertar a creatividade a carón dos nosos contos favoritos. Contos en construción é un taller baseado nos contos clásicos e contemporáneos. Nel as persoas participantes, mediante unha didáctica experimental onde se fomentará a creatividade individual e o traballo cooperativo, reflexionarán sobre os estereotipos que aparecen no conto e interpretarán un fragmento do relato escollido materializándoo coa construción dunha maqueta 3D.

A actividade está dirixida para nenos e nenas de entre 6 e 12 anos, que terán que inscribirse na biblioteca para participar.

Terá lugar o mércores 23 de abril, entre as 18 e as 19:30 h. e realízase grazas ao programa Ler Conta Moito, da Rede de Bibliotecas de Galicia.

A Biblioteca Xela Arias festexa este 2025 o seu 20 aniversario, que ten lugar neste abril, mes do libro.

La entrada A Biblioteca Xela Arias festexa o Día do Libro cun obradoiro creativo se publicó primero en Concello de Redondela.

A Biblioteca Xela Arias de Chapela será a máis madrugadora na programación do 8M no noso Concello. Adiantándose ao día do pregón ofrecerá un contacontos musical para público familiar.

O vindeiro xoves contaremos coa actuación da banda Música Miúda, que nos achegarán cancións e contos con mensaxe, adaptando á escea o seu libro-disco “Cambia o conto”.

“A pequena Xiana lévanos a través das súas aventuras e pensamentos, a reflexionar sobre os diferentes estereotipos de xénero. Atópase con personaxes dos contos populares, reiventados doutro xeito, e presenta outras novas, que desafían as imposicións dos xéneros”.

📆 Será o xoves 6 de marzo, ás 18:30 h.

Rapazada de +3 anos, e público familiar.
Entrada libre ata encher a capacidade.

La entrada Na Biblioteca Xela Arias festexamos o 8M cun contacontos musical se publicó primero en Concello de Redondela.

A Biblioteca Xela Arias de Chapela deu acollida esta tarde a un dos contacontos máis fermosos e celebrados dos que temos feito.

Dúas usuarias da biblioteca e veciñas da nosa contorna: Lía, e mais Beatriz, ofrecéronse a compartir cos seus veciños e veciñas aqueles contos que máis lles emocionan, e hoxe estabamos citados para escoitalos.

• Comezou esta particular festa Beatriz, nai de Gonzalo, que nos achegou unha particular versión dun dos contacontos máis senlleiros da literatura infantil recente: “Unha eiruga moi larpeira”. Unha versión moi creativa de achegarnos esa enchenta de froitas e máis alimentos.
• E continuou Lía, unha auténtica contacontos de dez anos, que nos achegou un dos contos cos que sente máis agarimo: “O coelliño que quería un pastel”. Gozamos coas fermosas e divertidas rimas deste conto onde todos os animáis colaboran.
• E para marchar para a casa cun recordo destas historias, todos os asistentes elaboraron cadansúa eiruga de papel, seguindo as instruccións do noso persoal.

Ambas intrépidas narradoras foron moi ben acollidas por un público que enchía completamente a nosa sala infantil. O público asistente saíu moi contento, pedíndonos que repitamos actividades como esta.

Nós estamos encantados de poder facelas de novo… así que precisamos que papás/mamás ou nenos/nenas da nosa contorna se animen a vivir esta experiencia.

E vós, animádesvos?

A Biblioteca Xela Arias cumpre 20 anos este 2025 e non pode celebralo de xeito mellor que implicando a toda a cidadanía nas súas actividades. Queremos que todos e todas participedes e formedes parte da nosa pequena historia.

La entrada Tarde de contos e amizade na Biblioteca Xela Arias se publicó primero en Concello de Redondela.

Na Biblioteca Xela Arias estamos de sorte!

Temos usuarias moi riquiñas ás que lles gusta contar contos. Tras unha primeira experiencia que tivemos este Nadal, na que todos e todas saímos moi contentos, creceron os ánimos, e propuxémonos repetir a experiencia.

Pensamos que na nosa contorna temos talento suficiente e unha veciñanza abondo xenerosa e aberta como para que algo tan fermoso como compartir contos non se quede na anécdota dun día, senón que o podamos repetir máis a cotío.

Viñémonos arriba e propuxemos unha nova data para darlle pulo á creatividade, á maxia e ao goce de transmitir historias:

O venres 21 de febreiro, ás 18:30 h. teremos unha nova sesión.
Chamarémoslles “Contos da veciñanza”, porque están feitos, deseñados e preparados por veciñas (neste caso son dúas mulleres) da nosa contorna.

Nesta sesión contarán:
    – Lía, unha rapaza de 10 anos, cun futuro prometedor na narración oral.
    – Beatriz, unha mamá con talento narrador e gañas de transmitir.

A proposta é para nenos e nenas a partir de 3 anos.
Dado que as prazas son moi limitadas, deberedes anotarvos previamente na biblioteca.

📞986-454-226

💻bibliotecachapela@redondela.gal

Este ano a Biblioteca Xela Arias celebra o seu 20 aniversario, e quere facelo fortalecendo o seu vencello coas persoas usuarias.

Grazas á veciñanza por compartir con nós o seu tempo, habelencias e talento na biblioteca.

La entrada “Contos da veciñanza”. Próxima cita para a rapazada na Biblioteca Xela Arias se publicó primero en Concello de Redondela.

Esta tarde a rapazada de mente máis curiosa e inqueda de Chapela gozou dunha actividade ao seu gusto. A redondelá Paula Rivas, doutora en neurociencia e divulgadora neste eido mantivo con eles unha formación sobre o funcionamento do cerebro e o sistema nervioso.

Unha actividade que ofrecimos dentro do ciclo Aquí sí hai quen escriba, a raíz do seu libro: “A incrible viaxe de Antía ao cerebro humano”, que podedes consultar nas nosas bibliotecas.

Entre xogos, adiviñas e moitas curiosidades, a doutora Paula faloulles dos máis famosos científicos relacionados co estudo do cerebro, da formación das neuronas e o seu funcionamento, da evolución, do tamaño do cerebro en distintos animáis, dos sentidos e como transmiten a información ao sistema nervioso, e ata do día a día no traballo dos investigadores de ciencia.

Unha formación da que o seu xoven público non perdeu detalle.

Desde as bibliotecas de Redondela queremos darlle as grazas a Paula Rivas pola súa xenerosidade e por facer unha actividade tan amena para o noso público lector máis novo.

La entrada Viaxando ao cerebro humano con Paula Rivas se publicó primero en Concello de Redondela.

A Biblioteca Valle-Inclán de Redondela leva gozando de tres días máxicos de Nadal, grazas á colaboración coa Fundación Filomena Rivero Alonso.
Tres días nos que a maxia dos contos con sabor a Nadal e a fantasía artística e creativa na elaboración de postais encheron de ilusión e de ledicia as nosas salas.

Tres días nos que celebramos dous contacontos coa magnífica contadora e actriz Olga Cuervo, e un obradoiro de postais, coa artista e creativa Chus Rojo.

Todas as sesións estiveron completas, con familias enchendo a sala para escoitar os contos e coas prazas completas para participar no obradoiro de postais.

A todos os que participastes, queremos darvos as grazas.

E á Fundación Filomena, queremos agradecerlles a súa colaboración nestas datas un ano máis.

La entrada O “Nadal Total” enche a Biblioteca de Redondela un ano máis de contos e creatividade se publicó primero en Concello de Redondela.

Este martes a Biblioteca Xela Arias de Chapela fixo a súa pequena festa de Nadal cos máis cativos e mais as súas familias.

• PODEDES VER ALGUNHAS FOTOS DA ACTIVIDADE NESTE ENLACE.

Unha pequena celebración de Nadal que foi todo un éxito e que lle temos que agradecer a Lía.

Lía é unha nena de 10 usuaria da biblioteca dende moi cativa, voraz lectora e namorada dos contos e da fantasía. Como contadora promete moitísimo e pensamos que vai ter un gran futuro 🥰

A nosa contadora voluntaria achegou a nenos e grandes o seu conto preferido: “O crebanoces”, unha historia chea de música e que nos achega ao Nadal máis fantasioso.

Tamén contamos “O soldadiño de chumbo”, un conto clásico do noso imprescindible Hans Christian Andersen, onde os xoguetes son os protagonistas das aventuras.

Un encontro coa fantasía de Nadal moi entrañable, que foi adozado por galletas con forma de crebanoces, agasallo de Lía mais María, a súa mamá.

Ao rematar os contos fixemos un traballo manual, construíndo o noso crebanoces articulado para levar á casa. A rapazada e mais os adultos acompañantes traballaron arreo!

Queremos darlle as grazas aos nosos usuarios e usuarias por darlle vida á nosa biblioteca.

• A actividade anunciada no Faro de Vigo.

La entrada Contando no Nadal: coa nosa amiga Lía e o Crebanoces se publicó primero en Concello de Redondela.