O adiamento responde á necesidade de realizar traballos de limpeza na zona e ao desmonte do escenario tralo Entroido de Verán que se celebra este sábado

O Concello de Redondela vén de anunciar o adiamento da feira que tería que celebrarse este vindeiro domingo, 21 de agosto, que pasa ao sábado 27 de agosto, tal e como anunciou a Concellería de Feiras e Mercados que xestiona Vicente Lamas.

A alcaldesa de Redondela, Digna Rivas fixo fincapé que, a importancia que para a dinamización comercial da vila ten a feira quincenal que se celebra na vila os días 6 e 21 de cada mes “fai preciso ofrecer a ambulantes e veciñanza un espazo, como o Campo da Feira, perfectamente axeitado e limpo para o desenvolvemento desta actividade”.

Dado que o sábado, ata ben entrada a mañanciña do domingo, Redondela celebrará o Entroido de Verán, os servizos de limpeza precisan de tempo para levar a cabo o seu traballo nunha zona na que se concentrou gran parte das actividades do Entroido. Amais das labores de limpeza, precísase tamén tempo para o desmonte do escenario situado nese mesmo lugar.

Así pois, a Feira trasládase ao sábado 27 de agosto para, logo, seguir nos calendario habitual e celebrar a seguinte xa o 6 de setembro