ES 
GL 
O 21 de marzo comeza a Primavera.
O 21 de marzo é o Día Internacional dos Bosques.
E o 21 de marzo é, tamén, o Día Mundial da Poesía.
Unha data moi destacada, como vedes, e para a que a Biblioteca Xela Arias ten preparada unha actividade de interés para amantes das letras, da literatura e da performance.
A escritora e artista Andreia Costas visitaranos esa tarde para facernos gozar da poesía, presentando o seu último libro: “Magnolia punk e outras arritmias” e homenaxeando, xaora, a quen é unha das súas referentes: a poeta Xela Arias, que da nome á nosa biblioteca.
Será o xoves 21 de marzo, ás 20:00 h.
Se queredes deixarvos sorprender pola poesía, achegádevos á Xela Arias.
A actividade está enmarcada dentro do ciclo Aquí sí hai quen escriba, organizado polas bibliotecas municipais para promover e dar a coñecer a obra escrita e tamén a labor de creatividade da veciñanza redondelá.
