Este xoves, 30 de xuño, a Biblioteca Xela Arias vestiuse de gala para participar na programación do noso Concello para festexar o Día LGTBIQ+ .
O artista Manuel Solla, de Os Carballiños, achegouse ata o parque do Piñeiral do Crego para ofrecernos un divertido e moi tenro contacontos: “Voando libres”.
Nenos, nenas e adultos divertímonos con este contacontos cheo de maxia e xogos, onde con contos como “Conrado, o tiburón desdentado” ou “O día da ra vermella”, compartimos unha mensaxe arredor da tolerancia, a aceptación do diferente, e de inclusión, desbotando aqueles clixés que nos limitan e oprimen.