Juventud

Iria Vilaboa, concelleira de Infancia, Luciano Otero, alcalde de Pazos, Digna Rivas, alcaldesa de Redondela, e Manu Lourenzo, alcalde de Soutomaior.

– A alcaldesa de Redondela, Digna Rivas, asinou hoxe o convenio de colaboración cos alcaldes de Soutomaior e Pazos de Borbén para poñer en marcha este novo serbio no que tamén participa Fornelos de Montes. A asistencia de Atención Temperá prestarse en Redondela para a poboación infantil de 0 a 6 anos dos catro municipios que o precise.

– Os nenos e nenas accederán a este recurso mediante derivación do seu pediatra de referencia cando se detecte ou exista sospeita dalgún trastorno no desenvolvemento do menor. Rivas explicou que o obxectivo principal é ofrecer este recurso “imprescindible” para moitas crianzas e as súas familias, e facelo “de xeito precoz e no seu entorno máis próximo”.

A alcaldesa de Redondela, Digna Rivas, asinou esta mañá o convenio de colaboración para a xestión compartida do Servizo de Atención Temperá cos alcaldes de Soutomaior, Manu Lourenzo, e o de Pazos de Borbén, Luciano Otero, do que tamén forma parte tamén Fornelos de Montes. O novo servizo prestarase en Redondela e estará dirixido a nenos e nenas de 0 a 6 anos dos catro municipios. O convenio fixa as liñas de traballo e o funcionamento desta prestación para os menores e as súas familias no marco da Rede Galega.

O Servizo de Atención Temperá, un recurso público e gratuíto, estará dirixido a nenos e nenas con trastornos no desenvolvemento ou en risco de padecelos. A alcaldesa, Digna Rivas, explicou que o obxectivo principal é ofrecer este recurso que é “imprescindible” para moitas crianzas e e as súas familias, e facelo “dun xeito precoz e no seu entorno máis próximo”. Os nenos e nenas accederán a este recurso mediante derivación do seu pediatra de referencia cando se detecte ou exista sospeita dalgún trastorno no seu desenvolvemento. A posta en marcha deste convenio, que valoraron dun xeito moi positivo todos os alcaldes, supón ofrecer “apoio especializado para os menores e tamén para as súas familias, o que favorecerá a autonomía e a inclusión das crianzas ofrecendo unha intervención adaptada ás necesidades específicas de cada caso”. O Servizo de Atención Temperá permitirá “detectar e intervir o antes posible para optimizar as terapias e tratamentos necesarios en cada caso”.

O servizo prestarase en instalacións do Concello de Redondela, e contará cun mínimo de tres profesionais especializados en trastornos do desenvolvemento a nivel cognitivo, psicomotor, da linguaxe e comunicación, da autonomía e tamén prestarán apoio e formación á familia. O equipo ofrecerá atención interdisciplinar en ámbitos como a psicoloxía, a logopedia e a fisioterapia.

Digna Rivas sinalou que a sinatura deste convenio “é un primeiro paso” que reflicte “o firme compromiso dos concellos implicados coa infancia e coas familias, partindo do convencemento de que unha intervención precoz, integral e especializada é fundamental para garantir un desenvolvemento saudable e unha inclusión plena dos nenos e nenas”.

No convenio os catro Concellos acordan solicitar as subvencións convocadas pola administración autonómica dentro da Rede Galega para o seu financiamento.

Alfombristas, mocidade e voluntarios de todas as idades están a participar na elaboración dun gran mural na superficie da rúa peonil Padre Sarmiento. O Concello de Redondela puxo en marcha esta iniciativa para dar unha nova vida a esta rúa e render homenaxe ás tradicións do municipio. Os viadutos, as alfombras florais, a Coca e os xigantes son algúns dos protagonistas desta creación, que foi encargada á artista local Paula Amoedo.
A alcaldesa Digna Rivas e a concelleira Iria Vilaboa comprobaron esta tarde a evolución dos traballos desta alfombra-mural “de gran a creatividade e beleza”. Tanto Rivas como Vilaboa destacaron que se trata dun traballo no que participan moitas persoas, “son voluntarios e voluntarias de todas as idades que se sumaron a esta iniciativa para crear unha obra colectiva e interxeracional”.
A intervención artística está a realizarse nesta céntrica rúa peonil que conta cunha lonxitude duns 50 metros. Esta actuación vai na liña doutras políticas postas en marcha desde o goberno local para unha mobilidade sostible. O obxectivo é recuperar espazos públicos para a cidadanía e crear unha vila máis amable para os peóns dándolles prioridade nos lugares onde é posible.

– Mozos e mozas de entre 9 e 17 anos están a participar nos campamentos “Aventuras Dixitais” organizados pola concellería de Novas Tecnoloxías. A experiencia está a resultar un éxito entre a rapazada que pode divertirse ao tempo que aprenden programación, robótica, ciberseguridade ou manexo de drons. A alcaldesa animounos a achegar as súas propostas para realizar futuras actividades no eido das novas tecnoloxías.

Ao longo do verán diferentes grupos de mozos e mozas están a mergullarse no mundo das novas tecnoloxías a través dos campamentos “Aventuras Dixitais” organizados polo Concello de Redondela. Os participantes, ademais de utilizar computadores e tabletas, tamén aprenden a empregar impresoras 3D, kits de robótica ou a facer programación, ademais de recibir formación teórica e práctica sobre ciberseguridade e IA, entre outros temas. A experiencia está a resultar un éxito entre a rapazada, que disfruta “xogando e aprendendo”.

A alcaldesa, Digna Rivas, e o concelleiro de Novas Tecnoloxías, visitaron esta mañá á aula CEMIT de Redondela onde se imparten estes campamentos de xeito gratuíto. Os participantes compartiron cos responsables municipais as súas experiencias e amosaron os robots que están a programar. A alcaldesa animounos a achegar as súas propostas e suxestións de cara a realizar futuras actividades dirixidas á mocidade no eido das novas tecnoloxías.

Os cursos, que se realizan ao longo de todo o mes de agosto, continuarán na primeira semana de setembro. A actividade está financiada polo Ministerio de Juventud e Infancia a través dos fondos da Unión Europea.