Medio Ambiente

– Arranca a campaña de sensibilización e divulgación e todas as familias do municipio redondelán poderán dirixirse á carpa de “Ti tes a Chave” o vindeiro martes 28 de outubro o en horario de 10.30h a 13.30h e de 15.30h a 18.30h, na praza do Concello. Haberá máis accións informativas a pé de rúa nas vindeiras semanas e meses, xa que este é un proxecto que vén para quedar.

– En paralelo poñemos en marcha a campaña de “compostaxe doméstica” coa entrega de máis de 200 composteiros en vivendas unifamiliares. A veciñanza que resida nunha vivenda illada e que conte cunha parcela ou horta dun mínimo de 25m2 pode solicitalo, ben chamando ao teléfono do Concello 986 400 300 ou directamente a través da solicitude online.

Desde o Concello de Redondela queremos adaptarnos aos novos criterios de xestión de residuos. Case a metade do lixo que producimos nas nosas casas é materia orgánica, por iso para cumprir coa lexislación vixente é moi importante a clasificación dos residuos en orixe. O colector marrón, a quinta fracción, que ten como uso exclusivo a recollida de residuos orgánicos chega ó Concello de Redondela. Este novo depósito ten a particularidade de estar pechado coa finalidade de concienciar á veciñanza. Queremos ser máis sostibles e iso só será posible coa implicación de toda a cidadanía. Facemos un chamamento á participación das familias de Redondela neste novo proxecto, que de seguro sentará as bases do que será a futura recollida de lixo neste Concello.

Súmate ao voluntariado marrón. Buscamos familias e persoas concienciadas

Acaba de arrancar a campaña de sensibilización e divulgación e todas as familias do municipio redondelán poderán dirixirse á carpa de “Ti tes a Chave” o vindeiro martes 28 de outubro o en horario de 10.30h a 13.30h e de 15.30h a 18.30h, na praza do Concello. Haberá máis accións informativas a pé de rúa nas vindeiras semanas e meses, xa que este é un proxecto que vén para quedar. As persoas interesadas en sumarse ó voluntariado marrón poden rexistrarse a través da solicitude online FORMULARIO ONLINE SOLICITUDE DE TI TES A CHAVE CONCELLO DE REDONDELA. Informaremos das novas datas, localizacións e horarios mediante as redes sociais do Concello.

Campaña de compostaxe doméstica

En paralelo poñemos en marcha a campaña de “compostaxe doméstica” coa entrega de máis de 200 composteiros en vivendas unifamiliares. A veciñanza que resida nunha vivenda illada e que conte cunha parcela ou horta dun mínimo de 25m2 pode solicitalo, ben chamando ao teléfono do Concello 986 400 300 ou directamente a través da solicitude online FORMULARIO ONLINE SOLICITUDE DE COMPOSTEIRO INDIVIDUAL CONCELLO DE REDONDELA.

– O Concello de Redondela entregará 200 composteiros en vivendas unifamiliares. A alcaldesa, Digna Rivas, e o concelleiro de Infraestruturas e Sostibilidade, Roberto Villar, presentaron  a campaña. Todas as persoas residentes nunha vivenda illada que conte cunha parcela ou horta dun mínimo de 25 metros cadrados pode solicitar o seu composteiro doméstico. Poden facelo no Concello, no teléfono 986 400 300 ou solicitalo desde a páxina web do Concello de Redondela.

Os composteiros que se entregarán teñen capacidade para 400 litros e deben situarse no exterior da vivenda, nunha zona sombreada e protexida das inclemencias meteorolóxicas, preferiblemente baixo unha árbore de folla caduca. Debe estar en contacto directo coa terra, para facilitar a entrada dos microorganismos descompoñedores.

O obxectivo da compostaxe doméstica é que a autoxestión da materia orgánica sexa unha práctica habitual nas zonas rurais. “Trátase do xeito máis económico, eficiente e sostible de tratar os residuos orgánicos, xa que non é necesario ningún tipo de transporte nin tratamento posterior nunha planta”, explica Villar. “Isto evita calquera tipo de contaminación ambiental e supón un aforro para as arcas municipais”, engade o edil. A separación dos residuos en orixe non é nada novo, xa que é unha tradición moi asentada no rural galego, co uso dos restos orgánicos para alimento dos animais ou elaboración de compost “só que agora facémolo du xeito máis eficiente, cómodo e hixiénico”, conclúe a alcaldesa.