A Rede de Bibliotecas de Galicia ven de presentar unha serie de novidades que afectan a todas ás bibliotecas da Rede e, polo tanto, ás Bibliotecas Públicas Municipais de Redondela.
Entre as máis interesantes salientamos o lanzamento dunha app que podedes incorporar nos vosos teléfonos móbiles, coa que poderedes:
- Dispoñer dunha versión dixital do voso carné de usuario da rede de bibliotecas.
- Acceder á colección de documentos electrónicos (libros, audiolibros, revistas, cinema), xa que contén todo o catálogo de GaliciaLe, a plataforma de préstamo de obras en formato electrónico das bibliotecas públicas galegas, así como o de EBiblioGalicia, o catálogo de documentos en castelán.
- Permite tamén o acceso a unha nova modalidade de préstamo, orientada a persoas non residentes en Galicia que desexan ler en galego: GaliciaLe+.
- Consultar o catálogo da Rede de Bibliotecas de Galicia (documentos físicos das bibliotecas), onde poderedes tamén acceder á vosa conta persoal (préstamos das bibliotecas).
Coa nova aplicación podes levar o teu carné da biblioteca no móbil e poderás acceder ao préstamo ou a calquera outro servizo da túa biblioteca sen necesidade de levar a tarxeta.