Policía Local
A área de Policía Local de Redondela encárgase de protexer ás persoas e os bens da cidade, así como garantir unha asistencia no caso de que sexa necesario.
Contacta
- 986 402 610
- policialocal@redondela.gal
- xefaturapolicialocal@redondela.gal
- Paseo do Pexegueiro, 3, 36800 Redondela, Pontevedra
- Todos los días las 24 horas
– As cámaras para o control de tráfico instaladas polo Concello no casco histórico da vila rexistraron un total de 50.979 vehículos en 20 días. Entre todos os vehículos que circulan por esta zona restrinxida detectáronse 9.247 matrículas diferentes. A cifra é moi superior ao volume de residentes estimado na casco histórico.
– Os dispositivos instaláronse na praza da Constitución, rúa Prata, Pai Crespo e Campo das Redes para verificar que só circulan os coches autorizados. O acceso está permitido para os residentes do casco histórico, e tamén poden circular os servizos públicos e emerxencias, ademais das operacións de carga e descarga.
O Concello de Redondela traballa na reordenación do tráfico no casco histórico da vila. A restrición do tráfico nesta zona busca “mellorar a calidade de vida e a seguridade dos veciños e veciñas, fomentar a sostibilidade e preservar o patrimonio histórico”. De feito, as restricións de tráfico comezaron xa en 2012, pero ata o de agora o sistema presentaba moitas eivas. Os incumprimentos das limitacións no caso histórico son moi frecuentes, o que supón un grave prexuízo para o patrimonio e unha inseguridade para os peóns. Limitar o tráfico de xeito eficiente permitirá reducir a contaminación e o ruído.
Para facer do casco histórico unha zona máis accesible e segura instaláronse cámaras de control do tráfico, ás que teñen acceso os corpos e forzas de seguridade. Para unha xestión máis eficiente da circulación as cámaras están situadas nos puntos do casco vello que recomendou o estudo da Policía Local: praza da Constitución, rúa Prata, rúa Pai Crespo e Campo das Redes. Os dispositivos identifican as matrículas dos vehículos para verificar que só circulan os que están autorizados. Nos primeiros vinte días de funcionamento rexistraron case 51.000 vehículos (50.979), o que fai unha media de 2.500 coches ao día. Desde o Concello de Redondela advirten que “este elevado volume de tráfico resulta incompatible coa conservación do patrimonio e a seguridade da veciñanza e dos peóns”.
Entre todos os vehículos que circularon por esta zona restrinxida no prazo de vinte días detectáronse 9.247 matrículas diferentes. A cifra é moi superior ao volume de residentes estimado na casco histórico.
Nun principio as cámaras están a funcionar en probas. Previamente á súa entrada oficial en funcionamento, informarase á cidadanía. Con estas medidas evitarase que moitos condutores utilicen a praza da Constitución como un “atallo” polo corazón da vila. Deste xeito reducirase o tráfico non só no casco vello, senón tamén na rúa Baixada da Estación e Alfonso XII. O acceso está permitido para os residentes e propietarios de inmobles no casco histórico. Do mesmo xeito poden circular os vehículos de servizos públicos e emerxencias, así como as operacións de carga e descarga. Desde o Concello sinalan que este novo sistema evitará que as persoas non residentes circulen polo casco histórico, o que reducirá dun xeito moi significativo o tráfico. As cámaras servirán para previr o estacionamento indebido e axudarán a que as rúas sexan máis seguras. Os dispositivos terán tamén un efecto disuasorio ante actos incívicos que ocasionan molestias aos residentes. No caso de áreas delicadas, as cámaras axudarán a protexelas e, no caso de rexistrarse algún problema, a axuda chegará antes xa que están conectadas á policía.
– Un grupo de voluntarios de Protección Civil parten esta tarde cara Valencia con máis de 2.000 quilos de axuda. A alcaldesa explica que o envío está a coordinarse cos policías de Redondela desprazados na zona “xa que a situación alí é de colapso e son os nosos axentes os que xestionaron a onde trasladar as doazóns”.
– Rivas agradeceu aos axentes da Policía Local e aos efectivos de Protección Civil “o seu traballo e entrega” e tamén “a axuda do pobo redondelán e das empresas Autos González e Autos Brea que unha vez máis son un gran exemplo de solidariedade”.
Un grupo de voluntarios da Agrupación de Protección Civil de Redondela desprazaranse esta tarde a Valencia para axudar en tarefas de limpeza, seguridade e apoio na zona afectada pola DANA. Nos últimos días recolleron multitude de doazóns no Multiúsos da Xunqueira de alimentos non perecedoiros, produtos de hixiene, material de limpeza e roupa que serán trasladados a Valencia. Son máis de 2.000 quilos de axuda os que van trasladar a Valencia nun vehículo de Protección Civil e dous furgóns cedidos por Autos González e Autos Brea.
Esta axuda súmase á que desde o pasado luns prestan na zona cinco Policías Locais de Redondela, e que tamén levaron alimentos e enseres de primeira necesidade que foran doados pola veciñanza. Os axentes a traballar na localidade de Benetússer en tarefas de limpeza e vixilancia grazas a un convenio coa Generalitat Valenciana.
A alcaldesa de Redondela, Digna Rivas, e a concelleira de Interior, Rita Pérez Táboas, supervisaron o material que se vai enviar esta tarde a Levante. Rivas explica que o envío está a coordinarse cos policías de Redondela desprazados na zona, “xa que a situación alí é de colapso e son os nosos axentes os que xestionaron a onde trasladar as doazóns”. Rivas explica que desde o Concello non se envíou a axuda ata o de agora “para ter claro a onde podía trasladarse o material e en que condicións”. Rivas agradeceu aos axentes da Policía Local e aos efectivos de Protección Civil “o seu traballo e entrega” e tamén “a axuda do pobo redondelán e das empresas Autos González e Autos Brea que unha vez máis son un gran exemplo de solidariedade”.
El hombre también está siendo investigado por la Policía Local por dos presuntos delitos contra la seguridad vial. Ayer por la tarde, una discusión entre una pareja en la playa de Cesantes llevó a varios vecinos a pasear por la zona para alertar a las fuerzas de seguridad. Antes de la llegada de los agentes, el matrimonio abandonó el lugar en un coche que se salió de la calzada provocando destrozos en el mobiliario urbano, y el conductor se dio a la fuga.
Agentes de la Policía Local hablaron con la mujer, quien les confirmó que había tenido una discusión con su pareja y que había sido agredida. El hombre fue localizado por agentes que se encontraban escondidos en una granja y arrestado. Ante los síntomas de encontrarse en estado de ebriedad, fue sometido a pruebas de alcoholemia con resultado positivo de 0,79 y 0,81 mg/l. Al no disponer del permiso de conducir en vigor, también está siendo investigado por dos presuntos delitos contra la seguridad vial.
En la intervención también participó la Policía Nacional, que se hizo cargo del traslado del detenido al centro médico y posteriormente a comisaría.
There is no Event
Consulta o tráfico
Historia
En 1863 o alcalde de Redondela naquela época, Genaro Borines, aprobou a creación da Policía Local no municipio para garantir a seguridade cidadá. O servizo estaba formado por un só axente, Juan Ruiz, que cobraba un soldo de 1.500 reais polo seu traballo. A súa arma regulamentaria era un sabre e polas noites contaba co apoio de dous serenos. As bases para que o municipio dispuxese deste servizo de seguridade púxoas dous anos antes o seu predecesor, Fermín Monroy Correa. Moito cambiou desde esa data ata hoxe, cando o servizo cumpre o seu 150 aniversario.
Hai un século e medio o axente Juan Ruiz comezaba a historia da Policía Local de Redondela. O corpo foi creado o 1 de xullo de 1863 baixo o mandato do alcalde Genaro Borines, aínda que as bases para que o municipio dispuxese deste servizo de seguridade púxoas dous anos antes o seu predecesor, Fermín Monroy Correa.
“Consignouse no orzamento municipal de 1861 a contratación dun axente policial cun soldo de 1.500 reais, aínda que finalmente non puido saír adiante por falta de provisión económica”, explica Roberto Gil, un dos axentes actuais e autor, xunto ao seu compañeiro Gonzalo Amoedo, do libro “Arredor de nós: historia dá Policía Local 1863-2003”. Nesta obra de investigación, Gil e Amoedo realizan un percorrido polo corpo redondelán desde a súa creación tras un exhaustivo traballo de documentación durante varios anos no arquivo da Deputación Provincial, das hemerotecas de diversos xornais e mesmo a través dos informes do rexistro do Concello.
A obra recolle desde o primeiro plan de tráfico de Redondela dirixido ás carruaxes a un apéndice de ordenanzas históricas que mostran distintos aspectos da sociedade redondelá de principios do pasado século. O texto tamén está salpicado de centos de anécdotas e casos curiosos ao longo da historia, moitos deles documentados e outros baseados nos testemuños de axentes xubilados, viúvas e familiares doutros falecidos, que serviron de fontes de información para o estudo.
Neste sentido, Gil lembra un caso curioso ocorrido en 1987, cando uns veciños alertaron dun porco de grandes dimensións que se escapou dun cortello e meteuse no bar Central, na praza de Ponteareas. “Causouse un gran balbordo e para sacalo foi necesario chamar ao veterinario municipal, que vivía preto do lugar”, sinala.
Entre a documentación que achega o libro tamén destacan as normativas de cada época. “No século XIX e principios do XX, ao non existir os coches, as normas eran curiosas porque regulaban as saídas de animais, os carros de esterco e mesmo se obrigaba á colaboración cidadá en caso de incendio, tendo que acudir os veciños con cubos”, destaca Gil.
Respecto ao primeiro axente, Juan Ruiz, sábese que só traballou durante catro anos. “Entón era unha profesión que non tiña un recoñecemento importante e o soldo era baixo, polo que se lles xurdían outras oportunidades cambiaban de traballo”, apunta Gil. Para ver á primeira muller houbo que esperar 135 anos, ata 1998, cando entrou no corpo Ana Belén Acuña.
O servizo conta agora con trinta axentes e tres vehículos patrulla, así como unhas novas dependencias inauguradas en 2009.