Igualdade

O Premio Sesé Mateo de Xornalismo Ético no tratamento da violencia machista que acollerá traballos de calquera xénero xornalístico (noticias, artigos de opinión, reportaxes etc.) sen límite de extensión e que fosen publicados, en medios en papel ou dixitais, ou emitidos en medios de comunicación radiofónicos ou audiovisuais, entre o 1 de setembro del año pasado e o 31 de agosto de este ano.

Poderanse presentar aqueles e aquelas xornalistas, maiores de idade, que asinen noticias co requisito sinalado na primeira destas bases.
Poderán presentar tamén propostas e candidaturas os xornais, radios ou televisións. Neste caso, de resultar premiado o traballo, a beneficiaria e quen recibirá o premio será a persoa autora do traballo.
Só se poderá presentar un traballo por persoa. No caso de coexistir un traballo presentado polo/a autor/a e outro ou o mesmo dese/a autor/a proposto/a por calquera entidade, prevalecerá a candidatura do/a autor/a, rexeitándose a presentada polo xornal, radio ou televisión, respectándose así a Lei de propiedade intelectual (RDL 1/1996, do 12 de abril).
Os traballos presentaranse en lingua galega ou castelá, valorándose con maior puntuación os realizados en lingua galega.

A alcaldesa, Digna Rivas, visitou ao alumnado e profesorado que comezaron o curso.

– A iniciativa, impulsada pola concellería de Igualdade, tivo unha excelente acollida por parte da veciñanza, o que levou ao Concello a aumentar o número de prazas dispoñibles . O obxectivo principal é “avanzar cara a un municipio máis inclusivo, facilitando ferramentas de comunicación que eliminen barreiras”.

Concello de Redondela iniciou este mes as clases do novo curso de lingua de signos, unha acción formativa que arrincou cunha valoración moi positiva e unha gran motivación por parte de todos os asistentes. A convocatoria espertou moito interese e completou todas as prazas ofertadas, polo que a concellería de Igualdade ampliou as vacantes para dar resposta a todas as solicitudes.

Cun perfil de alumnado moi diverso, de diferentes idades e sectores profesionais, o curso foi deseñado para ofrecer unha introdución práctica e accesible a esta lingua. Os participantes amosaron un gran compromiso coa aprendizaxe, destacando a calidade dos contidos e a necesidade de promover este tipo de formación en Redondela.

A alcaldesa, Digna Rivas, visitou ao alumnado do curso no Multiusos da Xunqueira, e sinalou que o éxito desta convocatoria demostra “a sensibilidade e o interese real da poboación por construír unha sociedade máis xusta”. Rivas sinala que a lingua de signos non é só unha ferramenta de comunicación, senón “unha chave fundamental para a inclusión e o respecto á diversidade”. Para o Goberno local este tipo de proxectos son “prioritarios” para garantir que Redondela sexa un municipio accesible para todos e todas.

A administración local imparte tamén un curso específico de nocións básicas en lingua de signos dirixido ao persoal municipal. Con esta iniciativa a concelleira de Igualdade busca garantir unha atención ao público accesible. O Concello reafirma así o seu compromiso coa eliminación de barreiras e avanza que, dada a boa resposta recibida, valorarase a posta en marcha de novas edicións ou niveis máis avanzados de cara ao futuro.

Entrega do premio na pasada edicióndo Premio Sesé Mateo de Xornalismo Ético.

– No certame, dotado cun premio de 1.500 euros, poden partiipar traballos publicados en calquera formato que fuxan do morbo e protexan a intimidade das vítimas e as súas familias. O prazo para presentar candidaturas está aberto ata o 30 de setembro.

– A alcaldesa, Digna Rivas, destaca que o premio busca “antepor a ética profesional e o respecto ás vítimas a calquera outra consideración. Non se trata só de informar, senón de facelo con responsabilidade para axudar a combater a violencia”.

O Concello de Redondela, a través do seu Servizo de Igualdade, abriu o prazo de inscrición para o VI Premio Sesé Mateo de Xornalismo Ético no tratamento da violencia machista. Este galardón, xa consolidado como un referente a nivel autonómico e estatal, naceu co firme propósito “de visibilizar e recoñecer o labor daqueles profesionais da comunicación que abordan a violencia de xénero e vicaria con rigor, respecto absoluto pola intimidade das vítimas e un firme compromiso social”, explica a alcaldesa, Digna Rivas. A rexedora subliñou a enorme transcendencia que teñen os medios á hora de modelar a percepción social deste problema: “Na profesión xornalística é moi fácil caer en tópicos ou enfoques morbosos ao informar sobre crimes machistas. Con este certame queremos premiar a quen antepoñen a ética profesional e o respecto ás vítimas ao sensacionalismo ou calquera outra consideración. Non se trata só de informar, senón de facelo con responsabilidade para axudar a combater a violencia”.A concelleira de Igualdade, Iria Vilaboa, fixo fincapé na necesidade de manter viva a esixencia de calidade nos contidos mediáticos: “A figura de Sesé Mateo, asasinada en 2017, lémbranos que detrás de cada cifra hai historias humanas e familias esnaquizadas. Hoxe en día queda moito por mellorar no ámbito do xornalismo co respecto ao tratamento da violencia contra as mulleres e as súas crianzas. Precisamos pezas informativas que aporten contexto, que acudan a profesionais especializados e que difundan os recursos públicos de prevención e denuncia”. Da man do seu fillo, Joshua Mateo, o Concello de Redondela creou este galardón que se celebra anualmente e que se falla en novembro, mes no que se celebra o Día Internacional da Eliminación da Violencia contra as Mulleres.

Un palmarés marcado polo rigor e o compromiso social

Neste tempo o Premio Sesé Mateo converteuse nun referente do xornalismo de investigación humano e profesional. Na primeira edición, en 2021, o premio foi para a xornalista Patricia Costa por unha reportaxe en RNE sobre o funcionamento do sistema VioGén. En 2022 o recoñecemento foi para a xornalista Cristina García López cun pódcast sobre as violacións por submisión química da Radio Galega. Ana González Liste gañou a terceira edición pola investigación do seguimento policial telemático ás vítimas en Galicia, publicada en Praza Pública. En 2024 foron as xornalistas Macarena Baena e Laura de Grado as premiadas polo proxecto multimedia “Desprotegidas”, da revista Efeminista, da axencia EFE, sobre a vulnerabilidade das mulleres migrantes. Na última edición, as xornalistas Cláudia Morán, Marta Otero e Marta Veiga gañaron coa peza “Todas as veces que foron un non”, unha profunda radiografía sobre a violencia sexual editada na Revista Luzes.

Requisitos e dotación económica

O premio conta cunha categoría única dotada con 1.500 euros en metálico. Poderán concorrer a el pezas xornalísticas de calquera xénero (noticias, artigos de opinión, reportaxes ou entrevistas) que teñan sido publicadas ou emitidas en medios impresos, radiofónicos, audiovisuais ou dixitais entre o 1 de setembro de 2025 e o 31 de agosto de 2026. Cada profesional poderá presentar un máximo dun traballo, tanto en lingua galega como en castelán.

O prazo de inscrición rematará o vindeiro 30 de setembro de 2026. As solicitudes poden tramitarse de xeito presencial no Rexistro Xeral do Concello ou a través da súa sede electrónica. No caso de empregar outros rexistros públicos, as persoas interesadas deberán remitir unha copia cotexada da documentación ao enderezo electrónico igualdade@redondela.gal para asegurar a súa correcta inclusión no proceso de selección.