Próximo espectáculo organizado pola BIBLIOTECA XELA ARIAS DE CHAPELA:
“Cinema marabillas”, con Raquel Queizás, no Multiúsos de Chapela.

Estimados redactores e redactoras:

Dende a Biblioteca Municipal Xela Arias, de Chapela, compracémonos en informarvos do espectáculo que vai ter lugar a vindeira semana en Chapela
para público familiar:

---“Cinema marabillas", coa actriz e contadora Raquel Queizás: Xoves 14 de outubro, ás 18:30 h., no auditorio do Multiúsos de Chapela

Cinema Marabillas é un espectáculo audiovisual que nos achegará ás primeiras
adaptacións cinematográficas inspiradas nos contos marabillosos, e nos libros
clásicos da literatura. O cinema mudo como un recurso máis para narrar
historias, onde aventura, humor, misterio, tenrura, maxia e fantasía están moi
presentes: porque o cinema mudo tamén se le.

- O espectáculo está pensado para nenas e nenos a partir de 5 anos, acompañados das súas familias.

- Precisa inscrición previa:
Biblioteca Xela Arias: 986-454-226, bibliotecachapela@redondela.gal

A actividade realízase dentro do programa Ler conta moito, da Xunta de Galicia, para bibliotecas.

+ INFO: https://bibliotecas.redondela.gal/cinema-marabillascon-raquel-queizas-na-biblioteca-de-chapela/