A Biblioteca Xela Arias énchese de veciños e veciñas coa terceira sesión dos Contos da Veciñanza

Unha nova sesión de Contos da Veciñanza xuntou a unha manchea de nenos, nenas e persoas adultas, que non se quixeron perder a contada que nos traían catro afoutas veciñas, dispostas a todo para transmitir os contos e a narración oral máis aló do cabeceiro da cama.

As nosas divertidísimas contadoras foron:

• Rebeca, acompañada da pequena Noela, que nos contaron «O ladrón de follas», de Alice Hemming.
• Sonia, coa inestimable axuda de Xela, que nos contaron «Os petos de Loreto» de Quentin Blake.

Dous contos en galego que divertiron e inspiraron a veciños, veciñas e público achegado á biblioteca, que se alonxaron do parque por un bo rato para gozar desta experiencia narrativa colectiva.

Ao rematar, realizamos un traballo manual con papel para representar a un dos animais protagonistas dos contos narrados: o esquío.
Quedaron chulísimos!

Este ano a Biblioteca Xela Arias celebra o seu 20 aniversario, e quere facelo fortalecendo o seu vencello coas persoas usuarias.

Grazas á veciñanza por acompañarnos e formar parte das nosas vivencias!