GL 
ES 
O albergue de peregrinos Santiago Apóstolo é un albergue exclusivo para peregrinos do Camiño de Santiago con credencial, situado na localidade pontevedresa de Redondela, final de etapa para moitos peregrinos no Camiño Portugués.
Aberto en abril de 2017, o albergue Santiago Apóstolo é un albergue parroquial, de acollida cristiá, situado no centro de Redondela. Un lugar confortable que ofrece todo tipo de comodidades e de servizos para que a estancia do peregrino sexa o máis descansada posible e poida continuar con forza as seguintes etapas. Na parroquia hai misa diaria e bendición do peregrino ás 8 da tarde.
A atención para a acollida vai dende as 12 da mañá ata as 8 da tarde. A igrexa, de estilo gótico tardío, é moi fermosa e está á beira do albergue Santiago Apóstolo.
