GL 
ES 
Deportes
A área de Deportes do Concello de Redondela ofrece a posibilidade de realizar as reservas de pistas de tenis e pádel, a través de Internet mediante o servizo de reservas en liña. A través desta páxina terás dispoñibilidade da nosa axenda para que poidas solicitar reserva previa comodamente sen esperas e 24 horas ao día e 7 días á semana.
Para darte de alta no sistema, achégate ao Departamento de Deportes do Concello.
Contacta
- 986 400 300
- deportes@redondela.gal
- Rúa Alfonso XII, 2, 36800 Redondela, Pontevedra
- Laborais de 9:00 a 14:00 horas
O vindeiro sábado 22 de xuño daranse cita no pavillón da Marisma máis de 50 esgrimistas no VI Torneo de Esgrima Histórica Vila de Redondela, que organizan a Sala Viguesa de Esgrima e a concellaría de Deportes do Concello de Redondela.
Desde a organización confían en que esta edición sexa todo un éxito, como xa o foi a anterior, tanto para os participantes como para o numeroso público que asistiu durante todo o día. Damián Troncoso, director técnico da Sala Viguesa de Esgrima Antiga, explica que ano tras ano “o evento aumenta o seu poder de convocatoria e xa hai inscritos tiradores de todas partes de España e Portugal con máis de 50 participantes”. Isto é debido a que o Torneo Vila de Redondela é puntuable para a liga Galega e os seus resultados clasifican aos participantes para o ranking mundial de HEMA, “polo que esta cita de Redondela é xa un referente da esgrima histórica a nivel nacional”.
O concelleiro de Deportes, Iván Valles, sinala que este torneo “é unha ocasión única para poder gozar de combates medievais e renacentistas desta arte marcial europea, que ofrece un espectáculo moi visual e entretido”. O edil anima a veciñanza a achegarse ao pavillón para presenciar o torneo “porque os que xa coñecen esta modalidade deportiva van asistir a un evento de gran nivel, e os que a vexan por primeira seguro que se van sorprender”.
O torneo celebrarase nas tres disciplinas principais das Artes Marciais Históricas Europeas: a espada medieval e o escudo broquel, a espada ropera dos séculos XVI e XVII e, xa pola tarde, a espada longa a dúas mans dos cabaleiros de armadura completa.
A entrada é libre e gratuíta, e as competicións desenvolveranse entre as 10.00 e as 19.00 horas no pavillón municipal da Marisma.
Programación:
10:00 – Torneo de Espada medieval e escudo Broquel
12:00 – Torneo Espada Ropera
16:00 – Torneo de Espada Longa a dúas mans
19:00 – Entrega de Trofeos
Os pavillóns municipais de Redondela e a Marisma acollen esta fin de semana encontros de balonmán ao máis alto nivel. Desde o venres e ata o domingo disputaranse o sector nacional na categoría cadete feminino, a Final 4 Alevín 7 e as finais sénior da Copa Federación.
A alcaldesa de Redondela, Digna Rivas, e o concelleiro de Deportes, Iván Valles, participaron este mediodía na presentación das actividades xunto a Nazario Correa, da empresa patrocinadora Rodavigo, Aurelio Krook, presidente da SAR, e Carla Abad, Vicepresidenta da Federación Galega de Balonmán. Rivas salientou “o orgullo que supón que Redondela sexa a capital galega do balonmán esta fin de semana”, e agradeceu á Federación ter apostado por esta vila para facelo posible. A alcaldesa eloxiou o traballo da SAR, “tanto cos equipos sénior como especialmente coa base” así como o apoio de Rodavigo “comprometido sempre co deporte local”.
A competición comezará mañá venres ás 18:30 horas no pavillón municipal, coñecido como a Bomboneira, co arranque do sector nacional cadete feminino. O Balonmano Sanse (Madrid) enfrontarase ao Caivel Aula Cultural (Valladolid), e ás 20:30 horas as locais da SAR Rodavigo mediranse ao EDM Aceuchal (Extremadura).
O sábado durante toda a mañá e nos dous pavillóns celebrarase a Final 4 Alevín 7, que se dividirá nas categorías Ouro e Prata. Na categoría Ouro, os equipos BM Culleredo Ascor Consulting, Áreas Psicoloxía Luceros, Valinox Novás A e BM Abegondo Súmate competirán polo título. Mentres tanto, na categoría Prata, os equipos Balonmán Porriño «B», Balonmán Porriño «A», Cisne Óptica Miramaruxa e Academia EIS Balonmán Tui loitarán por levar o trofeo.
Pola tarde, o Pavillón Municipal da Marisma será o escenario das finais sénior da Copa Federación. Ás 16:00 horas a final de 2ª Autonómica Masculina enfrontará aos equipos BM Línea21 Lignum Plus e Club Balonmán Miño. Ás 18:00 horas, a final de Autonómica Feminina verá competir ao A.D. Carballal contra o Balonmán Reconquista de Vigo.
A xornada de sábado concluirá coa final de 1ª Autonómica Masculina, que se celebrará no pavillón municipal da Bomboneira ás 20:00 horas, unha vez rematada a segunda xornada do sector estatal cadete feminino. Neste enfrontamento, a SAR OP Mobility medirase ao Magope – Seis do Nadal.
O domingo ás 12:00 horas na Bomboneira, a SAR Rodavigo enfrontarase ao equipo vallisoletano Caivel Aula Cultural para poñer fin ao sector estatal no que os catro equipos loitarán por clasificarse para o Top 8 nacional.
Motivados polas áreas de igualdade e deportes os clubs aportaron lemas para responder a pregunta que dá nome a esta proposta, co fin de visibilizar a visión da nosa mocidade sobre as desigualdades presentes no deporte e lembrar, día a día, a importancia de continuar coa loita contra calquer tipo de violencia.
Os dous lemas máis votados serán instalados nos pavillóns de A Bombonera e A Marisma a vindeira semana.
Estade atent@s!!
Pódense consultar os resultados da enquisa facendo click aquí.
Aínda non hai eventos para as próximas datas
De interese...
INSTALACIÓNS DEPORTIVAS
ESPAZOS ABERTOS
RESERVA DE PISTAS
SUBVENCIÓNS
O Concello de Redondela, a través do seu Concellería de Deportes,, nos termos que dispón a presente lei, a lexislación de réxime local e a lexislación sectorial do Estado, exercerá no seu correspondente ámbito territorial as seguintes competencias:
Fomentar, promover e difundir o deporte, especialmente o deporte en idade escolar.
- Promover e, no seu caso, executar, no ámbito da súa competencia, os programas xerais do deporte, mediante a coordinación coa Administración autonómica, así como coa colaboración con outros entes locais, federacións deportivas galegas ou outras asociacións deportivas.
- Construír, xestionar, ampliar e manter as instalacións deportivas de titularidade municipal e, no seu caso, a xestión e mantemento das de titularidade autonómica cuxo uso e xestión sexanlles cedidos, tendo en conta a cualificación adecuada do persoal responsable para esas finalidades.
- Velar pola plena utilización das instalacións deportivas da súa titularidade, procurar a participación das asociacións deportivas do seu ámbito municipal na optimización do uso destas e coidar as súas condicións de hixiene e seguridade.
- Fomentar e apoiar a creación de asociacións deportivas no seu ámbito territorial, especialmente nos centros de ensino, barrios e centros de traballo.
- Procurar que nos plans de ordenación urbanística establézanse as reservas de espazos e cualificacións de zonas para a práctica do deporte, así como a instalación de equipamentos deportivos e levar un censo actualizado no seu ámbito territorial de instalacións deportivas de uso público, tanto de titularidade pública como privada.
- Autorizar, de conformidade cos requisitos xerais, a realización de actividades deportivas fose das instalacións deportivas e en patrimonio público municipal.
Organizar campionatos e eventos deportivos de carácter local. - Calquera outra actuación que redunde en beneficio do desenvolvemento deportivo local ou que lles poida ser atribuída legal ou regulamentariamente e que contribúa aos fins ou obxectivos da presente lei.
- Contará cunha área de deportes, que poderá ser mancomunada, para contribuír a levar a actividade físico-deportiva a toda a cidadanía e garantir o pleno aproveitamento social das instalacións.
