A concellería de Igualdade, dirixida por Iria vilaboa, en colaboración con Radio Redondela celebra un acto en homenaxe ás protagonistas do programa - tamén creación da Concellería de Igualdade e Radio Redondela- “As Mulleres Contan, percorrendo camiño”, no Pazo de Petán ás 19:00 horas. Este espazo de entrevistas de Radio Redondela promovido pola Concellería de Igualdade busca dar voz as mulleres do municipio co obxectivo de visibilidar o seu traballo e a súa realidade. “O programa comezou en 2021 e continúa con entrevistas unha vez ao mes, para cumplir co compromiso deste goberno de traballar na loita pola igualdade durante todo o ano e non só nas datas sinaladas no calendario”, explica a alcaldesa de Redondela, Digna Rivas.

Son, explica Rivas, “mulleres do noso concello que fan unha enorme contribución á sociedade e que loitan día a día por acadar unha igualdade real, en todos os eidos, entre homes e mulleres”.

Durante o acto farase un resumo dos 3 anos dende o inicio da sección de entrevistas e a entrega de ramos de flores e agasallos a tódalas participantes. Ademais a artista Rusa Anna Melikhova será a encargada de ambientar o evento. A rexidora local quere agradecer a “Ana Prieto María Jesús Queimaliños, a súa colaboración e lavor a través de Radio Redondela, porque sen elas este homenaxe, hoxe non sería posible”.

A serie abriu, coa enxeñeira aeroespacial, Xunqueira Ezara para seguir, con traballadoras de axuda ao fogar, sanidade, deporte, comercio e un longo etc. de traballos nos que a muller tivo que facerse un oco loitando pola igualdade. Como é o caso de Belén Tierra, condutora de camións e autobuse ou Diana Toucedo, cineasta e docente.