Remata o ciclo de monólogos "Humor na súa tinta" coa actuación do actor Carlos Blanco
O Multiúsos da Xunqueira acolle este domingo ás 20:00 horas a actuación do actor Carlos Blanco. O coñecido actor galego será o encargado de pechar un ciclo de monólogos que baixo o nome "Humor na súa tinta" achegou a Redondela os mellores monologuistas actuais: Edu Soto, Javier Veiga, Álex O,Dogherty, Miguel Lago e Carlos Blanco.
MoitaMerda promocións en colaboración co concello de Redondela organizan o ciclo de monólogos humor na súa tinta, que achegaron ao Multiúsos da Xunqueira nos pasados meses a cinco monologuistas de renome.
A última das propostas, este mesmo domingo, será a cargo de Carlos Blanco, actor, quen ofrecerá o seu espectáculo nun pase, ás 20:00 horas.
As entradas pódense adquirir xa para calquera dos espectáculos en www.ticketea.com ou no Café da Vila a un prezo de 10 euros. Na billeteira o prezo será de 13 euros
.