Dende a Concellaría de Medio ambiente, en colaboración co Servizo eléctrico municipal, veñen de instalar un interfono nunha das fiestra da fachada do edificio. Estará operativo de Luns a Venres en horario de atención ó público: de 9:00 a 14:00.

Seguindo coa instalación de medidas preventivas para colaborar na non propagación do coronavirus COVID-19, o Concello de Redondela instalou esta mesma mañá un interfono na fiestra ubicada á dereita da porta principal da casa consistorial.

Deste xeito, as persoas que necesiten, por razóns urxentes, comunicarse en persoa co Concello, poderán facelo a través deste dispositivo. A maneira de poñer en funcionamento o interfono é mediante a pulsación dun pedal a través do pé. Trátase de evitar o uso de mans e evitar un foco de transmisión.

Segundo palabras do propio Concelleiro D. Roberto Villar, "Trátase dun sistema enxebre ideado e creado entre a concellaría de medio ambiente e o persoal do Servizo eléctrico, pero que soluciona dun xeito efectivo o problema, favorecendo un entorno aséptico".