Creación do Rexistro de Artistas Locais
Desde a Concellería de Cultura e Turismo do Concello de Redondela créase un Rexistro municipal de Artistas locais, para poder difundir, apoiar, coordinar e facer visibles a todas as persoas que no noso municipio fan que Redondela creza culturalmente grazas a súa arte.
Esta iniciativa parte da Concellería de Cultura do goberno municipal co fin de ter rexistrados os datos reais do municipio.
Queremos facer un chamamento aos/ás artistas locais do noso Municipio, poñendo en marcha un Rexistro municipal de Artistas locais, co obxecto de coñecer o número de entidades existentes, diversidade cultural e estilos, mellorar as relacións entre estas e o Concello facilitando así a súa contratación e participación por parte deste Concello, fomentando así a visibilización das nosas artistas locais.
A quen vai dirixido este chamamento? Ás persoas ou grupos que traballen no campo artístico en xeral: musical, teatral, cinematográfico, fotográfico, pictórico, escultórico…
Como facelo? Enviando un mail a cultura@redondela.gal cos seguintes datos:
Nome do/a artista ou Grupo
Tipo de arte (musical, pictórico, teatral, etc)
Descrición do estilo artístico
Integrantes
Links a vídeos ou imaxes propias
Contacto (teléfono, mail, redes Sociais)