O Concello de Redondela vén de reunirse coa Plataforma en Defensa da Enseada de San Simón, as Cofradias de Arcade e Redondela e outros representantes de asociacións afectadas para estudar as vías de actuación ante a actual situación da ría e da Enseada. Na reunión deste luns acordaron demandar dos organismos que teñen as competencias :

1.- DESAFECTACIÓN DA ZEC ENSENADA DE SAN SIMÓN DO DOMINIO PORTUARIO. ( Os polígonos de bateas están desafectados desde 2011).

2.-DESENVOLVEMENTO e APLICACIÓN DO PLAN DE XESTIÓN DA ZEC ENSENADA DE SAN SIMON. (Data límite fixada pola Comisión Europea: 2010).

3.-SANEAMENTO INTEGRAL DA RÍA. (2005 Data límite establecida pola Unión Europea. 2015 prevista pola Xunta).

O Concello de Redondela vén de reunirse coa Plataforma en Defensa da Enseada de San Simón, a Asociación de Veciños de Chapela e representantes da Confraría de Pescadores de San Xoan de Redondela e Virxe do Carme de Arcade entre outros representantes de asociacións e entidades afectadas. Na reunión estudaron as vías de actuación ante a actual situación da ría. Denuncian os efectos negativos dos usos irregulares da Enseada de San Simón, por parte da Autoridade Portuaria de Vigo.

Na reunión deste luns acordaron demandar a “paralización inmediata da actividade de estacionamiento de coches no Peirao da Pedra. Así como a súa retirada sen riscos para a circulación e os peóns”, explica a alcaldesa de Redondela Digna Rivas.

A xurisdición da APV sobre a lámina de auga da ría de Vigo sostense por criterios administrativos preconstitucionais de 1966 e toda a súa actividade está inmersa nun océano de inseguridade xurídica por non adaptarse ao ordenamento lexislativo actual. En ausencia dos instrumentos legais de planificación e desenvolvemento das actividades portuarias, como a DEUP, a Autoridade Portuaria decidiuse pola vía de actuación dos feitos consumados e está a poñer en marcha a terceira terminal portuaria na Ensenada de San Simón desenvolvendo múltiples actividades convertindo a Ensenada nunha dársena mais de porto de Vigo, destacándose:

-O Establecemento da estivadora TERMINAIS ATLÁNTICAS VIGO (TAV), sen concesión.

- Almacenaxe e reparación de contenedores.

- Reparación e limpeza de grandes buques de transporte de automóbiles.Caso Galicia de Suardiaz.

- Base de barcos oceanográficos

- Refuxio para situación de risco de vertedura . Caso portacontenedores W. VERMEER. Achique chapapote

- Depósito ou aparcadoiro de coches.

Ao mesmo tempo, a APV decidiu demoler o antigo cargadeiro de mineral de Rande, estrutura catalogada como patrimonio histórico industrial. Sobre a operatividade portuaria na Ensenada, a Alcaldesa de Redondela expuxo publicamente a posición da institución municipal de “rexeitamento ao depósito de contenedores en Rande”.

Tamén se pronunciou o Pleno Municipal do 08/09/2022 a través da moción “ rexeitamento dá actividade industrial impulsada pola Autoridade Portuaria de Vigo no coñecido como Peirao da Pedra en Rande”.

Nesa liña, o Goberno redondelán considera necesario “evitar a ocupación innecesaria de solo e os efectos negativos sobre a Rede Natura 2000 e concretamente a enseada de San Simón, favorecer a actividade vinculada aos recursos productivos de pesca tradicional, marisqueo o cría de moluscos , valores e potencialidades ambientais, como garantía para manter a compatibilidade coa biodiversidade e os habitats de interese europeo. Así poderase, maximizar a protección de espazos ou elementos de interese natural”, cousa que o actual documento da DEUP non fai.

Os recheos de Bouzas e o do Peirao da pedra en Rande son dúas probas reais dos efectos críticos, permanentes e irreversibles das infraestruturas portuarias sobre a ría, que sepultaron a biodiversidade do leito mariño exterminaron especies produtivas de marisco e destruíronse miles de postos de traballo para transferir valor unicamente á conta de resultados dunha minoría de empresas.